సిద్ధాంతము మరియు నిబంధనలు 77–80

జోసెఫ్ స్మిత్ మరియు సిడ్నీ రిగ్డన్ బైబిల్ యొక్క ప్రేరేపిత అనువాదంపై పని చేస్తున్నప్పుడు, చాలామంది వ్యక్తుల మాదిరిగానే వారికి ప్రకటన గ్రంథము గురించి ప్రశ్నలు ఉన్నాయి. మరియు అతనికి జ్ఞానం కొదువగా ఉన్నప్పుడు, అతను దేవుణ్ణి అడగవచ్చని జోసెఫ్‌కు బాగా తెలుసు. అతడు పొందిన ఈ అంతర్దృష్టులు సిద్ధాంతము మరియు నిబంధనలు 77లో ఉన్నాయి. మీరు ఈ ప్రకరణమును చదువుతున్నప్పుడు, ప్రకటనల గ్రంథములోని సంబంధిత అధ్యాయాలలో మీకు కలిగిన అంతరార్థములను నమోదు చేయడాన్ని పరిగణించండి. బయల్పాటు పొందడం గురించి మీ అధ్యయనం నుండి మీరేమి నేర్చుకుంటారు?

ఒహైయో మరియు మిస్సోరిలో సంఘము యొక్క ప్రచురణ మరియు వ్యాపార కార్యకలాపాలను నిర్వహించడానికి ఐక్య సంస్థ స్థాపించబడింది. ఎదుగుతున్న సంఘము యొక్క భౌతిక అవసరాలను తీర్చడానికి వారి వనరులను ఏకం చేసిన జోసెఫ్ స్మిత్, న్యూయెల్ కె. విట్నీ మరియు ఇతర సంఘ నాయకులను అది కలిగియుంది. దురదృష్టవశాత్తూ, ఐక్య సంస్థ అప్పుల్లో మునిగిపోయింది మరియు అప్పులు సంభాళింప సాధ్యము కానప్పుడు 1834లో రద్దుచేయబడింది.

ఒక గిడ్డంగిని, ఒక ముద్రణాలయమును నిర్వహించుట “మీరు అవలంబించుచున్న హేతువును ముందుకు తీసుకొనిపోవుటకు సహాయపడుతుందని” (సిద్ధాంతము మరియు నిబంధనలు 78:4) ప్రభువు జోసెఫ్ స్మిత్ మరియు ఇతర సంఘ నాయకులకు చెప్పారు. రక్షకుని సంఘము యొక్క “హేతువు” ఏమిటని మీరంటారు? మీరు సిద్ధాంతము మరియు నిబంధనలు 78:1–7 చదువుతున్నప్పుడు, దీనిని ధ్యానించండి. మీ కుటుంబంతో సహా ఆ హేతువును ముందుకు తీసుకెళ్ళడంలో మీరు సహాయపడే వివిధ మార్గాల్లో కొన్ని ఏవి?

ప్రధాన చేతిపుస్తకము, 1.2 కూడా చూడండి.

ప్రభువు కొన్నిసార్లు తన అనుచరులను “చిన్నపిల్లలు” అని ఎందుకు పిలుస్తారని మీరనుకుంటున్నారు? (సిద్ధాంతము మరియు నిబంధనలు 78:17). బహుశా దేనినైనా “మీరింకా అర్థం చేసుకోలేకపోయినందు వలన” లేదా “సహించలేనందువలన” మీరెప్పుడైనా చిన్నపిల్లల వలె భావించారా? (17–18 వచనములు). అటువంటి సమయాల్లో మీరు “సంతోషించునట్లు” (18వ వచనము) మీకు సహాయపడగలిగేలా ఈ వచనాలలో మీరేమి కనుగొంటారు? మీ చిన్నప్పటి చిత్రాన్ని కనుగొనడాన్ని పరిగణించండి మరియు అప్పటి నుండి మీరు ఆధ్యాత్మికంగా ఎలా ఎదిగారో ధ్యానించండి. లేదా మీరు యవ్వనంలో ఉన్నప్పుడు మీకు కష్టమైనదిగా ఉండి, ఇప్పుడు సులభంగా ఉన్నదాని గురించి ఆలోచించండి. ఇంకా ఏయే విధాలుగా మీరు పిల్లలవలె ఉండాలని పరలోక తండ్రి కోరుకుంటున్నారు? (మోషైయ 3:19 చూడండి). ఆయన “మిమ్మల్ని ఎలా [నడిపిస్తున్నారు]”?

సిద్ధాంతము మరియు నిబంధనలు 78:19ని అధ్యయనం చేయడానికి సిద్ధపడేందుకు, ఈరోజు మీకు జరిగిన మంచి విషయాల జాబితాను మీరు తయారు చేయవచ్చు. తర్వాత మీకు నిజంగా దీవెనలుగా అనిపించని విషయాల జాబితాను రూపొందించండి. మీరు సిద్ధాంతము మరియు నిబంధనలు 78:19 చదువుతున్నప్పుడు, ఈ జాబితాలను ధ్యానించండి. మీరు కృతజ్ఞతాభావముతో “అన్ని విషయాలను”—దీవెనలుగా అనిపించని వాటిని కూడా స్వీకరిస్తే మీ జీవితంలో ఎలాంటి మార్పు వస్తుంది?

దేవుని పట్ల కృతజ్ఞత మీ జీవితాన్ని ఎలా ప్రభావితం చేస్తుందనే దాని గురించి మరింత తెలుసుకోవడానికి, ఈ లేఖనాలను అన్వేషించండి మరియు మీరు కనుగొనే సత్యాల జాబితాను రూపొందించండి: కీర్తనలు 107:8–9; లూకా 17:11–19; ఫిలిప్పీయులకు 4:6–7; మోషైయ 2:19–24; ఆల్మా 34:38; 37:37; సిద్ధాంతము మరియు నిబంధనలు 46:32; 59:7, 15–21.

కృతజ్ఞతతో ఎలా ఉండాలనే దాని గురించి సలహా కోసం అధ్యక్షులు డీటర్ ఎఫ్. ఉఖ్‌డార్ఫ్ గారి సందేశము “Grateful in Any Circumstances” (Liahona, May 2014, 70–77) ను పరిశోధించడాన్ని పరిగణించండి. కృతజ్ఞత యేసు క్రీస్తుతో మీ సంబంధాన్ని ఎలా ప్రభావితం చేస్తుంది?

11:38

సిద్ధాంతము మరియు నిబంధనలు 80 కు సంబంధించి ఎల్డర్ డేవిడ్ ఎ. బెడ్నార్ ఇలా బోధించారు, “ఒక ప్రత్యేక స్థానములో పనిచేయడానికి నియమించబడడం ఆవశ్యకమైనది మరియు ముఖ్యమైనదే, కానీ పనిచేయడానికి పిలువబడడం కంటే ముఖ్యమైనది కాదు అనేది బహుశా ఈ బయల్పాటులో రక్షకుడు మనకు బోధిస్తున్న పాఠాలలో ఒకటి కావచ్చు” (“Called to the Work,” Liahona, May 2017, 68). ఎల్డర్ బెడ్నార్ మాటలు నిజమని మీరు తెలుసుకొనేలా మీకు సహాయపడిన అనుభవాలేవి? ఇప్పుడే క్రొత్తగా పిలుపును అందుకున్న వారికి సహాయపడగలిగేలా సిద్ధాంతము మరియు నిబంధనలు 79–80లో ఏ అదనపు పాఠాలను మీరు కనుగొనగలరు?

• మీరు మరియు మీ పిల్లలు కలిసి సిద్ధాంతము మరియు నిబంధనలు 77:2 చదివినప్పుడు, మీరు కీటకాలు మరియు పక్షులతో సహా జంతువుల చిత్రాలను చూడవచ్చు. మీరు “మృగాలు,” “ప్రాకెడి జీవులు” మరియు “ఎగిరే పక్షులు” అనే పదాలను చదివినప్పుడు మీ పిల్లలు చిత్రాలను చూపగలరు. దేవుడు సృష్టించినవి ఆయన ప్రేమను అనుభవించడంలో మీకు ఎలా సహాయపడతాయో ఒకరితో ఒకరు పంచుకోండి.

• మీ పిల్లలు ప్రభువు కార్యములో వారి పాత్రల గురించి ఆలోచించడంలో సహాయపడడానికి, మనము బాప్తిస్మం తీసుకున్నప్పుడు మనం “అవలంబించిన” (అంగీకరించిన లేదా మద్దతునిచ్చేందుకు ఎంచుకున్న) “హేతువును” గుర్తించడానికి వారితో సిద్ధాంతము మరియు నిబంధనలు 78:4 చదవడాన్ని పరిగణించండి. సాధ్యమయ్యే సమాధానాల కోసం ఇలాంటి లేఖనాల వాక్యభాగాలలో చూసేందుకు వారికి సహాయపడండి: మోషైయ 18:8–10; సిద్ధాంతము మరియు నిబంధనలు 20:37; మోషే 1:39. ప్రభువు కార్యములో వారెలా సహాయం చేయగలరో నటించి చూపడాన్ని మీ పిల్లలు ఆనందించవచ్చు. ఉదాహరణకు, “ఒకరి భారాన్ని మరొకరు మోయడం” లేదా “యేసు క్రీస్తు నామాన్ని [మన]పై తీసుకోవడం” ఎలా ఉంటుంది? ఇది క్రీస్తు యొక్క “హేతువును ఎలా ముందుకు తీసుకువెళుతుంది”?

• “లోక విషయములందు సమానంగా” (6వ వచనము) ఉండడం అంటే ఏమిటో బోధించడానికి, మీరు మీ పిల్లలకు అవసరంలోనున్న వ్యక్తుల చిత్రాలను (ఆకలి, గాయాలు లేదా చలి) మరియు సహాయపడే వస్తువులను (ఆహారం, గాయానికి కట్టే కట్టు లేదా ఒక దుప్పటి) ఇవ్వవచ్చు. అప్పుడు మీ పిల్లలు వస్తువులతో చిత్రాలను సరిపోల్చగలరు. అవసరంలోనున్న వ్యక్తులకు సహాయం చేయడానికి మనం ఏమి పంచుకోవచ్చు?

• 78వ ప్రకరణము కోసం కొంత సందర్భాన్ని పొందడానికి, “అధ్యాయము 28: ప్రవక్త జోసెఫ్ మళ్ళీ మిస్సోరికి వెళ్తారు” లోని మొదటి రెండు చిత్రాల క్రింద ఉన్న వాక్యాలను మీ పిల్లలతో కలిసి చదవండి. తర్వాత మీ పిల్లలు ఎవరైనా ఇల్లు కట్టడంలో సహాయం చేస్తున్నట్లు, ఆహారం పంచుకుంటున్నట్లు లేదా మరొక విధంగా సేవ చేస్తున్నట్లు నటించవచ్చు.

  

  2:39

• ఒక నాయకుడిగా ఉండడం మరియు ఒక ప్రోత్సాహకార్యక్రమానికి నాయకత్వం వహించడం అంటే ఏమిటో మాట్లాడడం మీ పిల్లలకు సరదాగా ఉండవచ్చు. సిద్ధాంతము మరియు నిబంధనలు 78:18 ను కలిసి చదివిన తర్వాత, మనల్ని నడిపించడానికి యేసు అవసరమైన సమయాలను మీరు చర్చించవచ్చు.

• కృతజ్ఞతతో ఉన్న జనులకు ప్రభువు ఏమి వాగ్దానం చేస్తారో తెలుసుకోవడానికి సిద్ధాంతము మరియు నిబంధనలు 78:19ను మీ పిల్లలతో కలిసి చదవండి. బహుశా వారికి ఒక చిన్న వస్తువును చూపించి, ఆపై అదే వస్తువును 100 సంఖ్యలో చూపించడం ద్వారా మీ పిల్లలకు “వంద రెట్లు” అంటే ఏమిటో అర్థం చేసుకోవడంలో సహాయపడండి. బహుశా వారు దేవుని నుండి “కృతజ్ఞతాభావముతో” పొందిన వస్తువుల చిత్రాలను గీయవచ్చు.