Lus Qhuab Qhia thiab Kev Khi Lus 77–80

Thaum Joseph Smith thiab Sidney Rigdon txhais phau Npaivnpaum, nkawd muaj tej lus nug txog phau Tshwm Sim, ib yam li coob tus neeg muaj. Thiab ib yam li Joseph paub zoo, thaum nws tsis muaj tswv yim, nws thov tau Vajtswv. Tej tswv yim uas nws tau txais nyob hauv phau Lus Qhuab Qhia thiab Kev Khi Lus 77. Thaum koj nyeem tshooj no, cia li xav seb koj puas sau ntawv txog koj tej lub tswv yim txog tej tshooj ntawm phau Tshwm Sim. Koj kawm dab tsi los ntawm koj txoj kev kawm txog kev txais kev tshwm sim?

Twb tau tsa lub Koom Haum Ua Lag Luam Koom Siab kom saib xyuas lub Koom Txoos txoj kev luam ntawv thiab tej xwm ua lag luam hauv lub xeev Ohio thiab Missouri. Lub koom haum no muaj Joseph Smith, Newel K. Whitney, thiab lwm tus thawj coj hauv lub Koom Txoos uas tau tso lawv tej khoom ua ke kom pab cov Neeg Ntseeg uas loj tuaj tej kev xav tau. Tiam sis, lub Koom Haum Ua Lag Luam Koom Siab twb tiv nqi thiab raug tso tseg thaum xyoo 1834 thaum them tsis taus tej nqi ntawd.

Kuj saib “Newel K. Whitney and the United Firm,” in Revelations in Context, 142–47; Church History Topics, “United Firm (‘United Order’),” Txoj Moo Zoo cov Ntawv.

Tus Tswv tau qhia Joseph Smith thiab lwm tus thawj coj ntawm lub Koom Txoos tias kev saib xyuas ib lub tsev rau khoom thiab ib lub tshuab luam ntawv yuav pab “txhawb nqa txoj hauj lwm no, uas nej tau rau siab ua” (Lus Qhuab Qhia thiab Kev Khi Lus 78:4). Koj yuav hais li cas tias “txoj hauj lwm” ntawm tus Cawm Seej lub Koom Txoos yog dab tsi? Cia li xav txog qhov no thaum koj nyeem Lus Qhuab Qhia thiab Kev Khi Lus 78:1–7. Koj yuav ua dab tsi kom pab txoj hauj lwm ntawd—tsis hais hauv koj tsev neeg los yog?

Kuj saib Phau Qhia Kev Coj lub Koom Txoos, 1.2.

Koj xav yog vim li cas tus Tswv hu cov uas coj raws li Nws hu ua “me nyuam yaus”? (Lus Qhuab Qhia thiab Kev Khi Lus 78:17). Puas muaj ib lub sij hawm thaum koj xav tias koj zoo li ib tug me nyuam yaus, vim muaj dab tsi uas koj “tseem tsis to taub” los sis “ris tsis taus”? (nqe 17–18). Koj nrhiav tau dab tsi hauv cov kab lus no uas pab koj “cia li zoo siab” (nqe 18) thaum muaj sij hawm zoo li no? Cia li xav txog seb puas nrhiav ib daim duab txog koj tus kheej thaum koj yog ib tug me nyuam yaus, thiab xav txog seb koj tau loj hlob hauv koj sab ntsuj plig li cas txij thaum ntawd. Los sis xav txog lwm yam uas nyuaj rau koj thaum koj tseem hluas tiam sis tam sim no yooj yim rau koj. Leej Txiv Saum Ntuj Ceeb Tsheej xav kom koj zoo li ib tug me nyuam yaus li cas? (saib Mauxiyas 3:19). Nws “[coj] koj kev” li cas?

Kom npaj kawm Lus Qhuab Qhia thiab Kev Khi Lus 78:19, tej zaum koj yuav xav sau tej yam zoo uas tau tshwm sim rau koj hnub no. Ces sau tej yam uas ua rau koj xav tias tsis yog cov koob hmoov. Cia li xav txog tej yam no thaum koj nyeem phau Lus Qhuab Qhia thiab Kev Khi Lus 78:19. Yog hais tias, koj txais ris txiaj txais “txhua yam”—txawm yog tej yam uas zoo nkaus tsis yog koob hmoov—yuav txawv li cas hauv koj lub neej?

Yog xav kawm ntxiv txog vim li cas kev ris Vajtswv txiaj pab tau koj lub neej, nyeem tej nqe vaj lug kub no thiab sau tej lus tseeb uas koj nrhiav tau: Phau Ntawv Nkauj 107:8–9; Lukas 17:11–19; Filipis 4:6–7; Mauxiyas 2:19–24; Amas 34:38; 37:37; Lus Qhuab Qhia thiab Kev Khi Lus 46:32; 59:7, 15–21.

Tej zaum koj yuav xav nrhiav hauv Thawj Tswj Hwm Dieter F. Uchtdorf zaj lus “Muaj Kev Ris Txiaj Txawm Raug Dab Tsi Los” (Liyahaunas, Tsib Hlis Ntuj 2014, 70–77) txog seb yuav ua li cas kom muaj ib lub siab uas ris Vajtswv txiaj. Tej zaum koj yuav xav nrhiav tej lus zoo li ntawd nyob hauv daim vidi-aus “President Russell M. Nelson on the Healing Power of Gratitude” (Txoj Moo Zoo cov Ntawv). Kev ris Vajtswv txiaj pab koj li cas kom koj nrog Yexus Khetos sib raug zoo?

11:38

Kuj saib “Suav Nej cov Koob Hmoov Ntau,” Cov Nkauj Qhuas Vajtswv, zaj 112; Tej Ntsiab Lus thiab tej Lus Nug, “Kev Ris Txiaj,” Txoj Moo Zoo cov Ntawv.

Hais txog phau Lus Qhuab Qhia thiab Kev Khi Lus 80, Txwj Laug David A. Bednar qhia tias, “Tej zaum ib zaj lus tseem ceeb uas tus Cawm Seej qhia peb hauv kev tshwm sim no yog qhov uas kev txib ua dej num hauv ib qho chaw yeej tseem ceeb heev tiam sis qhov tseem ceeb tshaj plaws yog kev hu ua hauj lwm.” (“Txais Kev Hu Ua Hauj Lwm,” Liyahaunas,Tsib Hlis Ntuj 2017, 68). Tej yam twg tau pab koj kawm tias Txwj Laug Bednar tej lus muaj tseeb? Koj kawm tau dab tsi ntxiv nyob hauv Lus Qhuab Qhia thiab Kev Khi Lus 79–80 ua yuav pab tau lwm tus uas txais ib txoj kev hu tshiab?

• Thaum koj thiab koj cov me nyuam nyeem Lus Qhuab Qhia thiab Kev Khi Lus 77:2 ua ke, tej zaum nej yuav xav saib cov duab txog cov tsiaj, tsis hais cov kab thiab cov noog. Tej zaum koj cov me nyuam tos tes rau cov duab thaum koj nyeem tej lus “tsiaj qus,” “tej tsiaj uas nkag,” thiab “cov noog saum nruab ntug.” Hais kom ib leeg qhia ib leeg tias tej yam uas Vajtswv tsim pab tau koj hnov Nws txoj kev hlub li cas.

• Kom pab koj cov me nyuam xav txog lawv tej hauj lwm, xav seb puas nrog lawv nyeem phau Lus Qhuab Qhia thiab Kev Khi Lus 78:4 kom kawm seb “txoj hauj lwm” uas peb “tau rau siab ua” (tau txais los sis xaiv txhawb nqa) thaum peb ua kev cai raus dej. Pab lawv nrhiav hauv tej nqe vaj lug kub li no kom nrhiav tau tej lus teb: Mauxiyas 18:8–10; Lus Qhuab Qhia thiab Kev Khi Lus 20:37; Mauxes 1:39. Tej zaum koj cov me nyuam yuav nyiam ua yeeb yam txog tej yam uas lawv ua tau kom pab ua tus Tswv txoj hauj lwm. Piv txwv hais tias, kev “ib leeg txaus siab ris ib leeg tej nra” los sis “[peb] txaus siab ris Khetos lub npe” zoo li cas? Qhov no “txhawb nqa [Yexus Kheto] txoj hauj lwm” li cas?

• Kom qhia tias “sib npaug rau tej yam nyob hauv ntiaj teb” txhais li cas (nqe 6), koj muab tau cov duab txog tib neeg uas xav tau kev pab rau lawv pom (tshaib plab, raug mob, los sis no no) thiab tej yam uas pab tau (xws li zaub mov, ntaub qhwv, los sis ib daim pam. Ces koj cov me nyuam koj muab cov duab tso rau tej yam khoom uas sib phim. Peb faib tau dab tsi rau cov neeg uas xav tau kev pab?

• Kom pab qhia txog tshooj 78, nrog koj cov me nyuam nyeem kab lus hauv ob daim duab ntawm “Tshooj 28: Tus Yaj Saub Joseph Mus Xyuas Missouri Dua” (nyob hauv Cov Dab Neeg hauv phau Lus Qhuab Qhia thiab Kev Khi Lus, 108, los sis zaj vidi-aus nyob hauv Txoj Moo Zoo cov Ntawv). Ces tej zaum koj cov me nyuam yuav xav ua yeeb yam txog kev pab lwm tus ua ib lub tsev, sib faib zaub mov, los sis pab lwm yam.

  

  2:39

• Tej zaum koj cov me nyuam yuav nyiam sib tham txog kev ua ib tug thawj coj thiab cia lawv coj ib yam ntxim saib ntxim ua. Tom qab nej nyeem phau Lus Qhuab Qhia thiab Kev Khi Lus 78:18 ua ke, tej zaum nej yuav xav sib tham txog tej lub sij hawm thaum peb xav kom Yexus coj peb kev. Xav seb puas hu ib zaj nkauj xws li “I Will Walk with Jesus” (Txoj Moo Zoo cov Ntawv).

• Nrog koj cov me nyuam nyeem Lus Qhuab Qhia thiab Kev Khi Lus 78:19 kom nrhiav seb tus Tswv cog lus dab tsi rau cov neeg uas ua Vajtswv tsaug. Pab koj cov me nyuam to taub “ib puas npaug kiag” txhais li cas, tej zaum cia lawv pom ib yam dab tsi me ces nrhiav 100 tej yam ntawd. Tej zaum lawv yuav xav kos cov duab txog tej yam uas lawv tau txais los ntawm Vajtswv “nrog kev xav ua Vajtswv tsaug.”