Lus Qhuab Qhia thiab Kev Khi Lus 76

Tshooj 76 qhia cov tseeb tseem ceeb txog peb txoj hmoo nyob mus ib txhis, tiam sis txoj kev tshwm sim no tsis hais txog peb lub nceeg vaj uas muaj yeeb koob los sis txoj kev cawm seej xwb. Los yog hais tias, tshooj 76 qhia txog Yexus Khetos, tus uas ua kom muaj tau raws li Vajtswv txoj hau kev cawm seej thiab lub yeeb koob nyob mus ib txhis. Thaum koj nyeem, tej zaum koj yuav xav nrhiav tej lus uas piav txog kev sib raug zoo ntawm Yexus Khetos thiab cov neeg uas txais tej lub nceeg vaj uas muaj yeeb koob. Tej zaum daim phiaj zoo li no pab tau koj sau tej yam uas koj nrhiav tau.

Koj txais tej kev tshoov siab ua li cas kom koj txoj kev sib raug zoo nrog tus Cawm Seej muaj zog ntxiv?

Thaum Wilford Woodruff nyeem kev ua yog toog no, nws hais tias, “Kuv twb hnov tus Tswv txoj kev hlub ntau tshaj kuv ib txwm hnov yav tas los” (saib “Voices of the Restoration: Testimonies of ‘the Vision’”). Koj kawm dab tsi txog Yexus Khetos los ntawm nqe 1–5, 20–24, 39–43, 107–8 uas ua rau koj hlub Nws ntxiv?

Kuj saib 1 Petus 3:18–19; 4:6; Dallin H. Oaks, “Peb tus Cawm Seej Tau Ua Dab Tsi Pab Peb?,” Liyahaunas, Tsib Hlis Ntuj 2021, 75–77; “Kuv Zoo Siab Yexus Hlub Kuv,” Cov Nkauj Qhuas Vajtswv, zaj 82.

Tsis yog txhua tus mej zeej ntawm lub Koom Txoos txais kev tshwm sim nyob hauv tshooj 76, vim zaj no qhia tias yuav luag txhua leej txhua tus yuav txais kev cawm seej thiab txais ib theem yeeb koob. Piv txwv tias, Brigham Young hais tias: “Kuv kab lig kev cai dhau los ua rau kuv xav tias thaum kuv hnov txog txoj Kev Ua Yog Toog no, yeej tawm tsam tej yam uas kuv ib txwm tau kawm. Kuv tau hais tias, Tos me ntsis. Kuv tsis kam lees txais; tiam sis kuv tsis to taub.” Nws piav tias nws yuam tsum “xav txog thiab thov Vajtswv, nyeem thiab xav txog, mus txog thaum kuv paub thiab to taub rau kuv tus kheej” (nyob hauv “The Vision,” nyob hauv Revelations in Context, 150). Koj kawm dab tsi los ntawm nws zaj lus ntawd uas pab koj thaum Vajtswv qhia tej yam uas txawv ntawm koj txoj kev nkag siab tam sim no? Koj kawm dab tsi txog Vajtswv nyob hauv Lus Qhuab Qhia thiab Kev Khi Lus 76:5–10, 114–18? Tej nqe no qhia dab tsi kom pab koj to taub “tej [uas Vajtswv] xav kom [koj] ua”? (nqe 7).

Lus Qhuab Qhia thiab Kev Khi Lus 76:39–44 piav txog kev cawm seej qhov dav dav. Nqe 50–70 piav txog kev tsa nto, ib txoj kev cawm seej meej. Koj yuav hais li cas koj qhia seb kev cawm seej thiab kev tsa nto sib txawv li cas? Tus Cawm Seej txoj hauj lwm hauv ob yam yog dab tsi? Koj nrhiav tau dab tsi hauv tej nqe no uas pab koj nrhiav kev tsa nto?

Kuj saib Yauhas 3:16–17; Lus Qhuab Qhia thiab Kev Khi Lus 132:20–25.

Koj puas tau xav paub—los yog txhawj—txog qhov uas koj puas yuav ua ib tug neeg tsim nyog txais lub nceeg vaj xilethi-aus, ib yam li hais nyob hauv phau Lus Qhuab Qhia thiab Kev Khi Lus 76:50–70, 92–95? Txawm tias peb yuav tsum paub tej yam uas Vajtswv xav kom peb ua, tej zaum koj yuav xav nrhiav tej yam uas Vajtswv tau ua—thiab tab tom ua tam sim no—kom pab koj hloov los ua neeg zoo li Nws. Vim li cas koj xav tias koj tej kev rau siab ho tseem ceeb rau Nws?

Txoj kev ua yog toog txog lub yeeb koob xilethi-aus puas hloov koj txoj kev xav txog koj lub neej txhua hnub?

Kuj saib Mauxes 1:39; J. Devn Cornish, “Kuv Puas Zoo Txaus? Kuv Puas Ua Tau?,” Liyahaunas, Kaum Ib Hlis Ntuj 2016, 32–34.

• Kom pab koj cov me nyuam kawm txog lawv rab peev xwm uas los saum ntuj los, tej zaum koj yuav xav saib duab txog me nyuam thiab lawv niam lawv txiv. Ces koj nyeem tau Lus Qhuab Qhia thiab Kev Khi Lus 76:24 thiab ib leeg qhia ib leeg txog nej tej kev xav txog seb vim li cas nej zoo siab vim nej paub tias peb sawv daws yog “Vajtswv cov me tub me ntxhais.”

• Tej zaum nej yuav xav hu nkauj zaj “Kuv Yog Vajtswv Me Nyuam” (Cov Nkauj Qhuas Vajtswv, 142) ua ke thiab caw kom koj cov me nyuam taw tes rau lawv tus kheej thaum lawv hu “kuv.” Ces hu nkauj dua, hloov cov lus “Kuv yog” nrog “koj yog” thaum taw tes rau lwm tus.

• Tej zaum koj yuav xav nrog koj cov me nyuam ua yeeb yam txog qhov uas ib tug neeg nug seb, “Yexus Khetos tau ua dab tsi pab kuv?” Tej zaum koj thiab koj cov me nyuam yuav xav nrhiav tau cov lus teb hauv nqe 5, 41–42, los sis 69 nyob hauv tshooj 76. Tej zaum nej kuj yuav xav hu “He Sent His Son,” Children’s Songbook, 34–35. Peb yuav ua li cas ua tus Cawm Seej tsaug rau qhov uas Nws ua rau peb?

• Tej zaum koj thiab koj cov me nyuam yuav xav nyeem los sis saib ib feem los sis tag nrho “Tshooj 26: Peb lub Nceeg Vaj Saum Ntuj Ceeb Tsheej” (nyob hauv Cov Dab Neeg hauv phau Lus Qhuab Qhia thiab Kev Khi Lus, 97–103, los sis zaj vidi-aus nyob hauv Txoj Moo Zoo cov Ntawv) thiab cia ib leeg qhia ib leeg hais tias nej nyiam dab tsi txog Joseph Smith txoj kev ua yog toog. Cia koj cov me nyuam qhia seb lawv xav li cas thaum xav txog txoj kev nyob hauv lub nceeg vaj xilethi-aus nrog Leej Txiv Saum Ntuj Ceeb Tsheej.

  

  4:7

• Tej zaum koj kuj yuav xav nyeem Lus Qhuab Qhia thiab Kev Khi Lus 76:62thiab caw kom koj cov me nyuam kos duab txog lawv tus kheej nyob nrog Leej Txiv Saum Ntuj Ceeb Tsheej thiab Yexus Khetos hauv lub nceeg vaj xilethi-aus (saib phab ntawv ntxim ua rau lub lim tiam no).

• Tej zaum koj yuav xav caw kom koj cov me nyuam nyeem nqe 15–19kom nrhiav seb Joseph Smith thiab Sidney Rigdon ua dab tsi thaum nkawd ua yog toog pom nyob hauv Lus Qhuab Qhia thiab Kev Khi Lus 76. Cia li qhia koj cov me nyuam txog ib lub sij hawm thaum koj tau txais kev tshoov siab thaum nyeem vaj lug kub, thiab nug koj cov me nyuam seb lawv puas txais kev tshoov siab ib yam.