Doktrin na ol Kavanen 76

Seksen 76 i autim ol impoten toktru long stap oltaim oltaim, tasol em bai i no inap long tok dispela revelesen em toktok long tripela kingdom bilong glori o plen bilong salvesen. Moa stret, seksen 76 i toktok long Jisas Krais, husat i mekim plen bilong God bilong salvesen na oltaim oltaim glori inap long kamap. Taim yu rit, yu bai painim ol wod o hap tok i toktok long rilesensip namel long Jisas Krais na ol pipol husat bai kisim ol dispela kingdom bilong glori. Ating tebol olsem dispela bai helpim yu rekotim wanem yu painim.

Wanem samting yu pilim strong long mekim long strongim rilesensip bilong yu wantaim Seivia?

Taim Wilford Woodruff i ritim dispela visen, em i tok, “Mi pilim mi mas lavim Bikpela moa na i no olsem bipo” (lukim “Voices of the Restoration: Testimonies of ‘the Vision’”). Yu lainim wanem long Jisas Krais long ol ves 1–5, 20–24, 39–43, 107–8 we i mekim yu lavim Em moa?

Lukim tu 1 Peter 3:18–19; 4:6; Dallin H. Oaks, “What Has Our Savior Done for Us?,” Liahona, Mei 2021, 75–77; “I Stand All Amazed,” Hymns, no. 193.

I no olgeta memba bilong Sios bai wanbel wantaim revelesen long seksen 76, bikos em i tisim olsem olgeta bai seif na kisim ples long wanpela digri bilong glori. Eksampel, Brigham Young i bin tok: “Kastom bilong mi i olsem, taim Visen i kam pas long mi, em i narakain tru na agensim skul mi bin kisim. Mi tok, Wait liklik. Mi no bin rausim, tasol mi no klia long en.” Em i tok klia olsem em i mas “tingting na pre, long rit na pre, inap mi save na klia gut long mi yet” (long “The Vision,” insait long Revelations in Context, 150). Yu lainim wanem long dispela ekspiriens we i ken helpim yu taim God i autim ol samting we i narakain long save bilong yu nau yet? Yu lainim wanem long God long Doktrin na ol Kavanen 76:5–10, 114–18? Ol dispela ves i tisim wanem long hau yu ken klia gut long “gutpela amamas long laik bilong [God’s] ”? (ves 7).

Doktrin na ol Kavanen 76:39–44 i tok klia long salvesen. Ol Ves 50–70 i tok klia long eksaltesen, wanpela kain salvesen. Hau bai yu tok klia long narakain namel long salvesen na eksaltesen? Wanem em wok bilong Seivia long tupela wantaim? Yu painim wanem long ol dispela ves we i kirapim tingting bilong yu long painim eksaltesen?

Lukim tu John 3:16–17; Doktrin na ol Kavanen 132:20–25.

Yu save tintging—o wari—long sapos yu ken kamap wanpela kain man bai kisim selesol glori, olsem i stap long Doktrin na ol Kavanen 76:50–70, 92–95? Em i impoten long save God i laik yumi bai mekim wanem, tingting long painim long ol dispela ves wanem God i mekim bilong yumi—na wanem Em i wok long mekim—long helpim yumi kamap moa olsem Em. Wai na yu pilim olsem wok bilong yu i impoten long Em?

Olsem wanem na dispela visen bilong selesol glori i mekim hau yu laik stap long wanwan de long laip bilong yu?

Lukim tu Moses 1:39; J. Devn Cornish, “Am I Good Enough? Will I Make It?,” Liahona, Nov. 2016, 32–34.

• Long helpim ol pikinini bilong yu klia gut long kamap bilong ol olsem God, yu ken soim ol piksa bilong ol pikinini na ol papamama bilong ol. Yu ken ritim Doktrin na ol Kavanen 76:24 na se wantaim wanpela narapela wai yu amamas long save olsem yupela olgeta “pikinini man na meri bilong God.”

• Yu i ken tu singsing wantaim “I Am a Child of God” (Children’s Songbook, 2–3) na invaitim ol pikinini long poin long ol yet taim ol i singsing “Mi.” Bihain singim song gen, long ples bilong “Mi” bai yu putim wantaim “yu” taim yu poin long narapela.

• Tingting na mekim rol plei wantaim ol pikinini bilong yu we wanpela bai askim, “Jisas Krais i mekim wanem bilong mi?” Yu na ol pikinini i ken painim ol sampela ansa long ol ves 5, 41–42, o 69 long seksen 76. Yu ken singsing tu “He Sent His Son,” Children’s Songbook, 34–35. Hau na yumi bai soim tenkyu bilong yumi long wanem Seivia i mekim long yumi?

• Yu na ol pikinini i ken rit o lukim sampela hap o olgeta bilong “Chapter 26: The Three Kingdoms of Heaven” (long ol Doktrin na ol Kavanen Stori, 97–103, o dispela vidio long Gospel Library) na serim wantaim wanpela narapela wanem yu laikim long visen Joseph Smith i bin gat. Larim ol pikinini i serim ol tingting na piling long laip bai olsem wanem wantaim Papa long Heven long selesol kingdom.

  

  4:7

• Yu ken ritim tu Doktrin na ol Kavanen 76:62 na invaitim ol pikinini long drowim ol piksa bilong ol yet wantaim Papa long Heven na Jisas Krais insait long selesol kingdom (lukim dispela wik ektiviti pes).

• Yu ken invaitim ol pikinini long ritim ol ves 15–19 long painim aut wanem Joseph Smith na Sidney Rigdon i bin wok long mekim taim ol i lukim visen long Doktrin na ol Kavanen 76. Tokim ol pikinini bilong yu long wanpela taim yu bin kisim gutpela tingting taim yu ritim ol skripsa, na askim ol sapos ol i gat wankain ekspiriens.