Nkyerɛkyerɛ na Ahyɛmudzi 71–75

Obotum ayɛ ɔhaw sɛ nkorɔfo kasa tsia anaa wosi wo gyedzi wɔ Agyenkwa no mu, N’asɛmpa, anaa N’Asɔr no atwetwe a. Sɛ dɛm si a, ebɛnadze na ebɛyɛ? Biribi a ɔtse dɛm sii wɔ Ohio wɔ 1831 (hwɛ ɔfã tsir no ma Nkyerɛkyerɛ na Ahyɛmudzi 71). Ebɛnadze na Ewuradze kãe kyerɛɛ Joseph Smith na Sidney Rigdon dɛ wɔnyɛ mfa ho wɔ Nkyerɛkyerɛ na Ahyɛmudzi 71? Bia ibotum akyerɛw nkyerɛkyerɛ a Ewuradze dze maa hɔn na nhyira horow a ɔdze bɔɔ hɔn anohoba.

Dza ɔkã irusũa ɔfã 71 ho no, ibotum asan ahwehwɛ mbrɛ Agyenkwa no sii maa Ne kasatsiafo no mbuae wɔ N’asaase somdwuma ber mu no. Mfatoho bi nye yi: Matthew 22:15–22; 26:59–64; John 10:37–38. Ebɛnadze na isũa fi No hɔ? Ebɛn nhumu na ɔkekã ho a inya fi Matthew 18:15; Ephesusfo 4:31–32; 2 Timothy 3:12; James 1:19?

N’afotu besi dɛn botum afa gyinabew a ihyia no ndɛ ho? Ibotum ahwɛ akwanhorow a asomdwee mu ara edze woara w’anomu kasa bɛtsentsen atordzi no. Mfatoho, ibotum ahyɛ ase ber a erekyerɛ enyidzi ama nyimpa kor no n’adwenkyerɛ, na nkyii ibotum akyɛ dza egye dzi fa Jesus Christ na Ne nkyerɛkyerɛ ho wɔ ahobrɛadze na ayamuyie kwan mu. Ebɛyɛ ahoboa ama mber yinom no, bia ibotum nye w’anyɛnkofo anaa ebusuafo ayɛ kwan yi ho esũasũa.

San hwɛ Topics and Questions, “Helping Others with Questions,” Gospel Library; Dallin H. Oaks, “Loving Others and Living with Differences,” Liahona, Ɔberɛfɛw 2014, 25–28; Jörg Klebingat, “Valiant Discipleship in the Latter Days,” Liahona, Esusow Aketseaba 2022, 107–10.

Mber a wɔfrɛɛ Newel K. Whitney dɛ ɔnsom dɛ bishop no, nna n’asɛdze yɛ soronko kakra fi ndɛ bishopfo hɔn dze ho. Mfatoho, nna Bishop Whitney na ɔhwɛ egyapadze a woetu akyɛ do na ɔma ho kwan dɛ itum tsena ase wɔ Zion asaase no do wɔ Missouri. Naaso ber a ekenkan ne frɛ ho asɛm wɔ Nkyerɛkyerɛ na Ahyɛmudzi 72no, ibotum ehu nkitahodzi bi wɔ dza bishopfo yɛ no ndɛ—annyɛ koraa wɔ sunsum mu, sɛ ɔnnyɛ adze pɔkyee no, wɔ hɔn asɛdze ho.

Mfatoho, ebɛn akwanhorow mu na “ibu nkontaa’’ ma wo bishop? (nyiyimu 5). Hɛn nda mu no, “Ewuradze n’adzekorabea no’’ botum ayɛ ntoboa, som, na ward mba hɔn talent horow (hwɛ nyiyimu 10, 12). Ibesi dɛn botum ayɛ wo ntoboa ama dɛm adzekorabea no?

Ewuradze esi dɛn edua bishop no som do ehyira ɔwo na w’ebusua?

San hwɛ Quentin L, Cook, “Bishops—Shepherds over the Lord’s Flock,” Liahona, Esusow Aketseaba 2021, 56–60.

Mber a Joseph Smith na Sidney Rigdon sanee fii hɔn asɛmpasomafo dwumadzi bae no (hwɛ Nkyerɛkyerɛ na Ahyɛmudzi 71), Ewuradze kãa kyerɛɛ hɔn dɛ wɔnkɔ do nkyerɛ Bible no ase (hwɛ Guide to the Scriptures, “Joseph Smith Translation (JST),” Gospel Library). Naaso nna ɔno nnkyerɛ dɛ Ɔpɛ dɛ wogyae dɛ wɔrekyɛ asɛmpa no. Ne nyina ekyir no, ɔkã osuanyi n’abrabɔ ho.

Ber a ekenkan Nkyerɛkyerɛ na Ahyɛmudzi 73no, hwɛ mbrɛ ibesi botum ama asɛmpa ne nkyɛe no ayɛ dza ɔkɔ do, “[a ibotum ayɛ]’’ (nyiyimu 4)—anaa dza ne yɛ yɛ yie—a ɔkã w’brabɔ mu asodzi nkaa no ho.

Nyikyerɛ a ɔwɔ ɔfã 75 no wɔdze maa nkorɔfo a nna wɔdze “[hɔn] edzin ama dɛ wɔbɔkɔ akɔbɔ [Agyenkwa] n’asɛmpa no dawur’’ (nyiyimu 2). Kwan kor a edze bosũa nyikyerɛ yi nye dɛ ebɛkyerɛw ndzɛmba ebien: (1) mbrɛ ibesi bɛkyɛ asɛmpa no yie mu ara na (2) mbrɛ Ewuradze si hyira hɛn na ɔboa hɛn ber a yɛyɛ no.

Edwendwen ho dɛ “[ibe]kyinkyim’’ anaa “[ebɛyɛ] enyihafo’’ n’asekyerɛ nye dɛn wɔ asɛmpa ne nkyɛe mu? “ [Edze] wo ahoɔdzen [re]yɛ edwuma‘’ no tse dɛn? (nyiyimu 3).

San hwɛ “I’ll Go Where You Want Me to Go,’’ Asɔr Ndwom, nkanee 270.

• Ibotum dze ɔfã tsir ma Nkyerɛkyerɛ na Ahyɛmudzi 71 anaa “Chapter 25: Joseph Smith and Sidney Rigdon Go on a Mission” (wɔ Doctrine and Covenants Stories, 96, anaa no ho video wɔ Gospel Library) edzi dwuma dze akyerɛkyerɛ gyinabew horow a okenyaan ɔfã 71. Nkyii boa hɔn ma wɔnhwehwɛ mu wɔ nyiyimu 1 dza nna Ewuradze pɛ dɛ Joseph na Sidney yɛ fa “ɔtan’’ a wɔdze tan Asɔr no ho. Osii dɛn kãe dɛ Ɔbɔboa hɔn? Yebesi dɛn botum ayɛ tse dɛ Joseph na Sidney?

  

  0:45

• Ibotum so atow ndwom a okenyan wo mbofra ma wɔayɛ anokowafo ama Agyenkwa no, tse dɛ “Stand for the Right’’ (Children’s Songbook, 159). Boa wo mbofra ma wonsũasũa mbrɛ wobesi bɛkyɛ dza wonyim fa Jesus Christ ho.

• Wɔrobɔmu akenkan Nkyerɛkyerɛ na Ahyɛmudzi 72:2 botum ama kwan ma wɔapɛnsapɛnsa siantsir a Ewuradze ma hɛn bishopfo mu (san hwɛ “Chapter 17: The First Bishops of the Church,” wɔ Doctrine and Covenants Stories, 64–66, anaa no ho video wɔ Gospel Library). Ɔwo na wo mbofra no botum ahwehwɛ mfonyin anaa ndzɛmba a ogyina hɔ ma bishop n’asodzi. Mfonyin na dwumadzi krataafa a ɔwɔ apɔwdo yi n’ewiei no ma adwenkyerɛ horow binom. Nkyii wobotum abɔmu akã bishopfo a nna wonyim hɔn na mbrɛ Ewuradze esi edua hɔn som do ehyira w’ebusa ho asɛm.

  

  1:45

• Ebɛkasa afa nsonsonee a ɔda ereyɛ “enyihawfo’’ na “yɛdze [hɛn] ahoɔdzen reyɛ edwuma’’ ntamu no, bia ibotum eyiyi som anaa fie adzeyɛ ndwuma bi na ato nsa afrɛ wo mbofra ma wɔakyerɛ edze enyihaw reyɛ na nkyii edze w’ahoɔdzen reyɛ. Ber a ekenkan “mma hom nnyɛ enyihafo so’’ wɔ Nkyerɛkyerɛ na Ahyɛmudzi 75:3, wo mbofra botum akyerɛ mbrɛ wobesi bɛyɛ fie adzeyɛ enyihaw mu. Sɛ wɔkenkan “mbom hom mfa hom ahoɔdzen nyɛ edwuma,’’ a wobotum akyerɛ mbrɛ wosi yɛ edwuma dzen. Ebɛnadze ntsi na ohia dɛ yɛbɔ mbɔdzen papaapa sɛ yɛrosom Ewuradze a?

• N’asɛm “Two Principles for Any Economy” (Liahona, Ɔberɛfɛw 2009, 55–58) mu no, President Dieter F. Uchtdorf kãa nsɛm ebien faa edwuma ho. Bbia ibotum nye wo mbofra no akyɛ na wɔakã mbrɛ yesi tse nkã dze hu dɛ yɛayɛ edwuma dzen na yɛabɔ hɛnho mbɔdzen papaapa.