Nkyerɛkyerɛ na Ahyɛmudzi 67–70

Adwenpɔw dɛ wɔdze nyikyerɛ a Joseph Smith nyae no bopue guado no nna ɔyɛ dɛ adze a ɔyɛ mberɛw, naaso Asɔr baanodzifo edzikamfo binom no nna wonnhu sɛ ɔyɛ adwenkyerɛ papa o. Nna ɔhaw kor fa esintɔ wɔ kwan a Joseph Smith kyerɛɛw nyikyerɛ no mu ho. Nyikyerɛ no a ɔwɔ ɔfã 67 beyii ɔhaw no ano. Ebɛnadze na isũa fa Ewuradze no nkɔnhyɛfo na nyikyerɛ ho fi nyiyimu 1–9? Ebɛn nhumu a ɔkekã ho na inya fi 68:3–6?

Esi dɛn ebohu ama woho dɛ nyikyerɛ a Nyankopɔn dze ma No nkowaa no yɛ nokwar? Ibotum asan adwendwen sũahu ho mber a etsee nkã dɛ Ewuradze nam No nkowaa no mu kor do rekasa kyerɛ wo (hwɛ Nkyerɛkyerɛ na Ahyɛmudzi 68:4). Ebɛn mber na atse nkã dɛ “Sunsum Krɔnkrɔn no ekenyan’’ wo (nyiyimu 3) dɛ kã biribi? Ewuradze sii dɛn “gyina w’afa’’? (nyiyimu 6).

Ansaana wotsintsim Mbrasɛm Nwoma no, Asɔr baanodzifo beberee dze hɔn nsa hyɛɛ dasegye ase dɛ nyikyerɛ a ɔwɔ nwoma mu no yɛ nokwar. Ebɔhwɛ hɔn dasegye no bi a, hwɛ “Testimony, circa 2 November 1831,” Revelation Book 1, 121, josephsmithpapers.org.

Nyinkuntwe, suro, na ahantan si dɛn twe hɛn fi Ewuradze ho? Yesi dɛn dzi “honammunyi’’ anaa “honam su adwen’’ do ama yeetum “ehu [No] na yeehu dɛ [Ɔwɔ hɔ]’’? (nyiyimu 12; san hwɛ Mosiah 3:19). Ebɛnadze na ihu no wɔ nyiyimu yinom mu a okenyan wo dɛ “kɔdo nya abotar kesi dɛ [i]bedzi mu’’? (nyiyimu 13).

Ewuradze ne nsɛm wɔ Nkyerɛkyerɛ na Ahyɛmudzi 68:25–31 tsitsir ara kã awofo hɔn asɛm, naaso sɛ eyɛ ɔwofo anaa nnyɛ o, ibotum dze N’afotu yi edzi dwuma dze ayɛ w’afamudze dze wo fie esi Jesus Christ ne nkyerɛkyerɛ do. Wɔakyerɛw fapem bi a Ewuradze se wɔnkyerɛkyerɛ no wɔ fie nkorkor wɔ ase ha. Hwɛ mbrɛ ibesi botum ayɛ ma iyinom mu kor biara akã Christ-fapem fie ne fapem no ho—fie a etse mu sesei anaa wo ndaamba fie. Mboa horow na nsɛmbisa a wɔdze ama botum aboa.

• Nnuhu: Sũa Alma 36:17–20, na hwɛ mbrɛ wosii hyira Alma wɔ mber tsitsir bi osiandɛ nna n’egya akyerɛkyerɛ no Agyenkwa no no werdambɔ edwuma ho asɛm. Ibesi dɛn botum aboa ekenyan w’ebusua ma wɔadan akɔ Jesus Christ hɔ na woenu hɔn ho? (san hwɛ 2 Nephi 25:26).

• Gyedzi wɔ Christ mu: Kenkan President Russell M. Nelson ne nsusui enum wɔ irinya gyedzi ho wɔ “Christ Is Risen; Faith in Him Will Move Mountains” (Liahona, Esusow Aketsaeba 2021, 103). Dwendwen mbrɛ nsusui yinom botum ama gyedzi ho kusum wɔ w’ebusua mu ho.

• Enuma: Hwehwɛ enuma ahyɛmudzi mu dɛ mbrɛ ɔakã ho asɛm wɔ Mosiah 18:8–10, 13. Wo mbɔdzembɔ dɛ ibesie ahyɛmudzi yi besi dɛn botum ahyɛ w’ebusua dzen?

• Sunsum Krɔnkrɔn n’Akyɛdze: Sũa nsato no wɔ nkrataafa 17–19 fi For the Strength of Youth: A Guide for Making Choices mu. [Ma Mbabun Enya Ahoɔdzen: Akwankyerɛ ma Nsanmuyi.]. Ebɛnadze na etse ho nkenyan dɛ yɛ fa to nsa frɛ Sunsum Krɔnkrɔn ne nhyɛdo wɔ wo fie?

• Mpaabɔ: Ebɛnadze na isũa fa mpaabɔ no tum ho wɔ fie wɔ “Love Is Spoken Here mu”? (Children’s Songbook, 190–91). Ebɛn nhyira na Agyenkwa no bɔ ho anohoba wɔ 3 Nephi 18:15–-21)?

• Fapem bi so ihu no wɔ Nkyerɛkyerɛ na Ahyɛmudzi 68:25–31:

Ebɛn afotu na edze bɛma obi a n’ebusuafo mmboa no mbɔdzembɔ dɛ ne gyedzi wɔ Christ mu no benyin?

San hwɛ “Ebusua no, Dawurbɔ dze ma Wiadze,” Gospel Library; Topics and Questions, “Parenting,” Gospel Library; Dieter F. Uchtdorf, “Jesus Christ Is the Strength of Parents,” Liahona, Esusow Aketseaba 2023, 55–59.

Ebɛnadze ntsi na edwendwen ho a nna ɔyɛ “nyansadze wɔ [Ewuradze] mu’’ dɛ obi a odzi “nokwar na [ɔyɛ] nokwafo’’ bɛkã Oliver Cowdery ho wɔ dwumadzi a wɔakã ho asɛm wɔ nyiyimu yi mu? Fapem yi si dɛn fa wo ho?

Ewuradze maa elderfo bi asodzi dɛ wɔnhwɛ ma wɔmfa nyikyerɛ no mpue guado do. Mpo sɛ nnyi dɛm asodzi tsitsir no a, w’edwuma anaa w’asodzi wɔ “nyikyerɛ na mbrasɛm no do’’ nye ebɛnadze? (nyiyimu 3).

• Kã mbrɛ wosii tsintsiim Joseph Smith ne nyikyerɛ no dze yɛɛ nwoma ho asɛm kyerɛ wo mbofra (hwɛ “Chapter 23: The Doctrine and Covenants,” wɔ Doctrine and Covenants Stories, 90–92 mu, anaa video a ɔnye no kɔ wɔ Gospel Library). Boa hɔn ma wɔnkaa ndzɛmba bi a hom esũa afa Jesus Christ ho fi Nkyerɛkyerɛ na Ahyɛmudzi mu afe yi mu. Hom botum asan nye hom ho akyɛ nyiyimu a hom mu kor biara pɛ fi Nkyerɛkyerɛ na Ahyɛmudzi mu.

  

  2:2

• Ibotum asan dze Bible, Mormon Nwoma, Nkyerɛkyerɛ na Ahyɛmudzi, na Bota Ɔsom Bo akyerɛ wo mbofra na enye hɔn akã mbrɛ wosi yɛ soronko na mbrɛ wosi dzi nsɛ ho asɛm (hwɛ mbuukuu yi ho nsɛm wɔ Guide to the Scriptures mu). Yebesi dɛn botum ehu dɛ kyerɛwsɛm no yɛ nokwar? Ebɛnadze na yesũa fi Nkyerɛkyerɛ na Ahyɛmudzi 67:4, 9 mu fa nyikyerɛ a Ewuradze dze maa Joseph Smith no ho?

• Nkyerɛkyerɛ na Ahyɛmudzi 68: 27mu no, Ewuradze kyerɛɛ mfe dodow pɔkyee a otwar dɛ nyimpa dzi ana woenuma no. Boa wo mbofra ma wɔnhwehwɛ dza Ɔkãe mu. Ebɛnadze ntsi na Jesus pɛ dɛ wonuma hɛn? Ndwom bi tse dɛ “Baptism” (Children’s Songbook, 100–101) botum aboa. Edzi mfonyin anaa nyiyimu 25–31 (anaa ebien) no ridzi dwuma no, boa wo mbofra ma wɔnhwehwɛ ndzɛmba a Ewuradze pɛ dɛ mbofra sũa mu.

• Enye wo mbofra no nkenkan dwumadzi a Ewuradze dze maa Oliver Cowdery ho asɛm wɔ ɔfã tsir no mu ma Nkyerɛkyerɛ na Ahyɛmudzi 69. Ebɛn afotu na Ewuradze dze mae wɔ nyiyimu 1? Ebɛnadze ntsi na ohia dɛ ebɔwɔ nkorɔfo a “wobedzi nokwar na wɔyɛ nokwafo’’ nkyɛn? Bia wo mbofra no botum akã obi a wonyim no a “odzi nokwar a ɔyɛ nokwafo’’ ho asɛm. Hom mbɔ mu ntow ndwom a ɔhyɛ mbofra no nkuran dɛ wondzi nokwar na wɔnyɛ anokwafo tse dɛ Agyenkwa no, tse dɛ “I’m Trying to Be like Jesus’’ (Children’s Songbook, 78–79). Yebesi dɛn botum ahwɛ no pefee dɛ yedzi nokwar na yɛyɛ anokwafo ma Ewuradze? Obesi dɛn botum dze hɛn edzi dwuma dze ehyira binom sɛ yedzi nokwar na yɛyɛ anokwafo a?