Nkyerɛkyerɛ na Ahyɛmudzi 64–66

Hwɛ dza odzidzi do no ber a ekenkan Nkyerɛkyerɛ na Ahyɛmudzi 64:1–11:

• Dwendwen mber bi a Ewuradze dze wo bɔn kyɛɛ wo ho. Ebɛn atsenka na inyae?

• Ana obi wɔ hɔ a ihia dɛ edze bɔn kyɛ no a? Ebɛnadze ntsi na otum yɛ dzen papaapa dɛ edze binom hɔn bɔn kyɛ hɔn? Ebɛnadze na ɔboa wo ma idzi nkõdzen yinom do konyim?

• Ebɛn nokwar fa bɔnfakyɛ ho wɔ Nkyerɛkyerɛ na Ahyɛmudzi 64:1–11 na ohia ma wo? Edwendwen ho a ebɛnadze ntsi na Ewuradze hyɛ hɛn mbra dɛ “[yɛ]dze nyimpa nyina hɔn bɔn kyɛ hɔn’’? (nyiyimu 10).

Sɛ idzi aper dɛ edze bɔn bɛkyɛ a, hwɛ dɛ ibosũa Elder Jeffrey R. Holland n’asɛm “The Ministry of Reconciliation” (Liahona, Ɔberɛfɛw 2018, 77–79) anaa Kristin M. Yee n’asɛm “Beauty for Ashes: The Healing Path of Forgiveness” (Liahona, Ɔberɛfɛw 2022, 36–38). Ebɛnadze na isũa fa mbrɛ Christ besi botum aboa wo ma edze bɔn akyɛ ho?

Ebusua nkitahodzi botum ama akwanhorow pii dɛ wɔdze bɔn kyɛ. Dwendwen w’ebusuafo ho. Woana na ohia dɛ edze bɔn kyɛ no? Wosi dɛn “tsẽa” hɛn (nyiyimu 8) sɛ yɛammfa hɛn bɔn annkyɛ hɛnho nkorkor a? Bɔnfakyɛ besi dɛn enya nsunsuando wɔ w’ebusua nkitahodzi mu?

San hwɛ Topics and Questions, “Forgiveness,” Gospel Library; “Forgiveness: My Burden Was Made Light” (video), Gospel Library.

8:24

Ana atse nkã dɛ “abrɛ’’ pɛn wɔ “papayɛ’’ nyinara a ereper dɛ ebɛyɛ ho? Hwehwɛ Ewuradze n’asɛm ma wo wɔ Nkyerɛkyerɛ na Ahyɛmudzi 64: 31–34. Ebɛnadze na Ewuradze pɛ dɛ eyɛ ma No “dwumadzi kɛse’’ aba mu?

Dwendwen adze adzesũadze ho a ɔbɛkyerɛkyerɛ nyiyimu 33—biribi kɛse mu a wɔdze ndzɛmba nkakraba yɛe, tse dɛ mosiac anaa brekese dan. Ebɛn “ndzɛmba nkakraba’’ na ibotum ayɛ no dabiara dze “[atow] Nyankopɔn n’ewduma kɛse ne fapem?” Ebɛn “edwuma kɛse’’ ne mfatoho bi na Ewuradze dze ama wo?

Elder Donald L. Hallstrom susuu nkyerɛase a obotum ayɛ yie ama asɛnsin “akoma nye adwen pa’’:

“Akoma no yɛ ɔdɔ na enyimpisi sɛnkyerɛdze. Yɛbɔ afɔr na yɛsoa adzesoa ma hɔnnom a yɛdɔ hɔn a nnkyɛ yɛnnkɔsɔw wɔ siantsir fofor biara ntsi. Sɛ ɔdɔ nnyi hɔ a, hɛn eyimpisi pa. …

“Yerinya ‘adwen pa’ kyerɛ dɛ yɛdze hɛn mbɔdzembɔ papapaa na adwendwen papapaa ma na yɛhwehwɛ Nyankopɔn ne nyansaa. Ɔkyerɛ dɛ hɛn nkwa mber mu adzesũa dodow a yeetu esi hɔ no sɛ dɛ ɔfa onnyiewiei ɔdomankoma ndzɛmba ho. N’asekyerɛ dɛ otwar dɛ ɔyɛ nkitahodzi a wonnkotum atsew mu wɔ eretse Nyankopɔn n’asɛm na iridzi do ntamu’’ (“The Heart and a Willing Mind,” Ensign, Obiradzi 2011, 31–32).

Ensign yɛ “frankaa anaa gyinapɛn bi a nkorɔfo boa ano wɔ botae koryɛ mu anaa ahyɛnsew mu’’ (Guide to the Scriptures, “Ensign,” Gospel Library). Zion—anaa Ewuradze n’Asɔr—esi dɛn ayɛ tse dɛ ensign ama wo? Hwɛ ndzɛmba yinom bi so mfatoho a wɔama do wɔ sor, tse dɛ ensign, dze ehyira nkorɔfo: Nkanee 21:6–9; Matthew 5:14–16; Alma 46:11–20. Hwehwɛ akwanhorow bi so a Ewuradze kã Zion ho asɛm wɔ Nkyerɛkyerɛ na Ahyɛmudzi 64: 41–43.

San hwɛ “Let Zion in Her Beauty Rise,” Asɔr Ndwom, nkanee 41.

Nkyerɛkyerɛ na Ahyɛmudzi 65 ma Ewuradze n’Asɔr wɔ nda a odzi ekyir no no dwuma ho nkenyan nkasaho. Hwɛ dɛ erehwehwɛ ɔfã yi mu, dze ahwehwɛ nyiano ma nsɛmbisa tse dɛ iyinom: Ebɛnadze na Ewuradze pɛ dɛ N’ahenman no yɛ wɔ asaase do? Ebɛnadze na Ɔpɛ dɛ meyɛ dze boa?

San hwɛ “Prepare Today for the Second Coming” (video), ChurchofJesusChrist.org.

1:7

Ɔbɔdɔɔm Asɔr no n’ekyir mber tsĩiabaa ekyir no, William E. McLellin serɛɛ Joseph Smith dɛ onyi Nyankopɔn ne pɛ ma no nkyerɛ no. Nna Joseph nnyim, naaso nna William wɔ nankasa ne nsɛmbisa enum a nna ɔwɔ enyidado dɛ Ewuradze bodua No Nkɔnhyɛnyi no do eyi ano. Yennyim dza nna William ne nsɛmbisa no yɛ, naaso nyikyerɛ no a wɔdze maa no, sesei Nkyerɛkyerɛ na Ahyɛmudzi 66, yii William nsɛmbisa kor biara ano “emu na ahomka mu’’ (“William McLellin’s Five Questions,” wɔ Revelations in Context, 138 mu).

Ber a ekenkan ɔfã 66, dwendwen fa dza nna Ewuradze nyim fa William McLellin ho na ne haw na n’akoma mu ahwehwɛdze ho. Ewuradze esi dɛn akyerɛ wo dɛ Onyim wo? Sɛ ewɔ patriarch nhyira a, hwɛ na sũa. Sɛ eyɛ a, ebɛnadze na Sunsum Krɔnkrɔn no boa wo ma etse ase fa Nyankopɔn ne pɛ ma wo ho?

Hyɛ no nsew: Ber a ekyerɛkyerɛ wo mbofra no Ewuradze n’ahyɛdze fa “yɛmfa nyimpa hɔn bɔn nkyɛ hɔn’’ ho no, ibotum akyerɛ mu pefee dɛ yɛdze bɔn rekyɛ n’ase nnkyerɛ dɛ yɛma nkorɔfo kwan ma wɔyɛ hɛn ayayaadze. Hyɛ hɔn nkuran ma wɔnkã nkyerɛ panyin bi a wɔgye no dzi sɛ obi yɛ hɔn ayaadze anaa osusuo hɔn mu wɔ kwan a ɔmmfata mu a.

• Enye wo mbofra akenkan Nkyerɛkyerɛ na Ahyɛmudzi 64:10 ekyir no, enye hɔn nkasa mfa dza edze obi ne bɔn akyɛ n’asekyerɛ. Ibotum akyɛ mfatoho kakra. Bia wobotum wɔayɛ mfatoho yinom ɔyɛkyerɛ agodzi dze ayɛ bɔnfakyɛ esũasũa.

• Ibotum aserɛ wo mbofra ma wɔahyehyɛ mbrɛ wobesi bɛkyerɛkyerɛ obi—tse dɛ nua kakraba—fa edze binom hɔn bɔn rekyɛ hɔn ho. Boa hɔn ma wɔnhwehwɛ nsɛnsin wɔ Nkyerɛkyerɛ na Ahyɛmudzi 64:7–10 mu a wobotum afa dze akyerɛ adze.

• Hom ntow ndwom a ɔfa bɔnfakyɛ ho, tse dɛ “Help Me, Dear Father’’ (Children’s Songbook, 99). Ebɛnadze na ndwom yi kyerɛkyerɛ hɛn fa yɛdze binom hɔn bɔn rekyɛ hɔn ho?

• Ibotum akyerɛ wo mbofra ndzɛmba bi a wɔyɛ nketsenketse pii a wɔdze abɔmu ,tse dɛ agordze a wɔhyehyɛ anaa kɛtɛ. Nkyii wobotum abɔmu akenkan Nkyerɛkyerɛ na Ahyɛmudzi 64:33. Ebɛnadze nye Nyankopɔn “n’edwuma kɛse’’? Ebɛn “ndzɛmba nkakraba’’ na yɛbotum ayɛ a ɔbɔboa?

• Ber a ekenkan kyerɛ wo mbofra no fi Nkyerɛkyerɛ na Ahyɛmudzi 64:34mu, ibotum atsen wo nsa dze akyerɛ w’akoma na wo tsir ber a ekenkan “akoma’’ na “adwen,’’ na to nsa frɛ mbofra no ma wɔnye wo nyɛ. Yebesi dɛn dze hɛn akoma (apɛdze horow) na hɛn adwen (adwendwen) ama Agyenkwa no?

• Boa wo mbofra ma wɔntse ase dɛ nna William E. McLellin wɔ nsɛmbisa enum ma Ewuradze. Joseph Smith nyaaa nsɛmbisa yinom nyiano mpo a nna onnyim dza William ne nsɛmbisa no yɛ. Kã mber bi a Ewuradze kyerɛɛ wo dza nna Ɔpɛ dɛ eyɛ ho asɛm, na kã nhyira a ofi idzii N’akwankyerɛ do bae no ho asɛm. Nkyii wobotum abɔ mu akenkan Nkyerɛkyerɛ na Ahyɛmudzi 66:4 na aserɛ wo mbofra no dɛ wɔnhwehwɛ akwanhorow a wɔdze bɛtse dza Ewuradze pɛ dɛ wɔyɛ ase.

  

• Ber a wo mbofra hwɛ Agyenkwa no ne Mbae a Otsĩa Ebien mfonyin no, serɛ hɔn ma wɔnkã dza wohu anaa dza wonyim fa dza obesi no ho asɛm. Ibotum asan ama wo mbofra nsɛmfua na nsɛnsin fa Mbae a Otsĩa Ebien no ho ma wɔahwehwɛ no wɔ Nkyerɛkyerɛ na Ahyɛmudzi 65. Ebɛnadze na nsɛmfua na nsɛnsin yinom kyerɛkyerɛ hɛn? Yebesi dɛn botum ayɛ ahosiesie ama Agyenkwa ne mbae no?