Nkyerɛkyerɛ na Ahyɛmudzi 51–57

Sɛ nkyɛ nna eyɛ Asɔrba wɔ afe 1831 mu a, nkyɛ wobotum ato nsa afrɛ wo dɛ fa tu si hɔ ma Nyame ho mbra no bɔ bra a edze wo nsa bɛhyɛ wo egyapadze ase dze edua bishop do ama Asɔr no. Nkyii ɔbɛsan dze, gyinabew dodow ara mu no, dza edze mae no asan ama wo, a ɔtɔfabi a mbordo ka ho. Mbom nna ɔnnda ho ara nnyɛ w’ahonyadze ara—nna ɔyɛ w’edwumayɛ.

Ndɛ nhyehyɛɛ no yɛ soronko, naaso fapem no da ho hia ma Ewuradze n’edwuma. Ber a ekenkan ɔfã 51 no, dwendwen dza Nyankopɔn dze ahyɛ wo nsa no ho. Nkasafua “odwumayɛnyi’’ (nyiyimu 19) na “tu si hɔ ma Nyame’’ (nyiyimu 5) hɔn asekyerɛ nye dɛn fa dza Nyankopɔn n’enyi da wo kwan ho?

President Spencer W. Kimball kyerɛkyerɛɛ mu dɛ: “Odwumayɛnyi wɔ Asɔr no mu yɛ sunsum mu anaa honandua mu dwuma krɔnkrɔn a nkontaabu wɔ ho. Osiandɛ ndzɛmba nyinara yɛ Ewuradze dze no ntsi, yɛyɛ edwumayɛfo wɔ hɛn nyimpadua, hɛn adwen, hɛn ebusua ebusua, na hɛn ahodze do. (Hwɛ Nkyerɛkyerɛ na Ahyɛmudzi 104:11–15.) Odwumayɛnyi nokwafo nye obi a ɔdze tsenenee dzi tum, ɔhwɛ ɔnoara ne dze, na ɔhwɛ abɔbɔfo na ehiafo’’ (“Welfare Services: The Gospel in Action,’’ Ensign, Ɔberɛfɛw 1977, 78).

San hwɛ “The Law of Consecration” (video), Gospel Library.

5:1

Mber a Ewuradze somaa Asɔr baanodzifo beberee kɔr Missouri no, ɔkãa kyerɛɛ hɔn dɛ wɔmma mber a woridzi wɔ akwantu mu no ho nyɛ mfaso na “wɔnkã asɛmpa no wɔ kwan no do’’ (nyiyimu 25–27). Ibesi dɛn botum akyɛ asɛmpa no “wɔ kwan do,’’ anaa wɔ ber a dza osisi wɔ w’abrabɔ mu noara rokɔ do?

Nkorɔfo pii no reyɛ dɛ wɔwɔ sunsum mu ndaedzi no, nna Ahotseweefo edzikamfo no haaw dɛ wɔbɛdaadaa hɔn ho. Ebɛn kɔkɔbɔ na Ewuradze dze maa hɔn wɔ Nkyerɛkyerɛ na Ahyɛmudzi 52:14? Nna Ne nyiano nye dɛn? (hwɛ nyiyimu 14–19).

Nhwɛdo yɛ biribi a osi do wɔ kwan pɛrpɛr, a itum kã mu. Mfatoho dɛ erekan nkanee mbɔho ebien ebien anaa wipue na witɔree da biara ka ho. Ebɛn mfatoho bi so na ibotum adwendwen ho? Ber a ehwehwɛ Nkyerɛkyerɛ na Ahyɛmudzi 52:14–19 mu no, hwehwɛ Ewuradze ne nhwɛdo a wɔdze kwetsir ndaadaa. Obotum aboa wo ma ahyɛ no nsew dɛ “botow’’ ase kyerɛ ahobrɛadze na nnuhu nkãtse; “botoo’’ kyerɛ ɔdwe na ahohyɛdo; na “ntowdo’’ n’asekyerɛ dɛ kyerɛkyerɛ, tu mpon, anaa, pegya. Ebɛnadze ntsi na ehwɛ a su horow yinom kã Ewuradze ne nhwɛdo no ho, dɛmara dɛ setsie? Ibesi dɛn botum dze nhwɛdo yi abɔ bra dze ekwetsir ndaadaa?

Ebɛn ndaadaa ho mfatoho bi na ɔwɔ hɛn da mu? Yebesi dɛn botum ehu dɛ wɔredaadaa hɛn?

Mfatoho, ibotum ahwɛ dɛ ibeker wo nsanmuyi horow a ɔfa sene, ndwom, na social media ho a ogyina wo gyinapɛn do wɔ “Walk in God’s light’’ mu wɔ For the Strength of Youth: A Guide for Making Choices [Ma Mbabun Enya Ahoɔdzen: Akwankyerɛ ma Nsanmuyi.], 16–21 mu.

San hwɛ Gary E. Stevenson, “Deceive Me Not,” Liahona, Ɔberɛfɛw 2019, 93–96; “Guide Me to Thee,” Asɔr Ndwom, nkanee 101; Topics and Questions, “Seeking Truth and Avoiding Deception,” Gospel Library.

Ana enya abagura da ber a obi a edan no ennsie n’aohoba a? Iyi sii Ahotseweefo no a wofi Colesville, New York, a nna hɔn enyi da kwan dɛ wɔbɛtsena Leman Copley n’asaase do wɔ Ohio no, hɔn do. Ibosũa efi sũahu yi mu no, hwɛ dɛ ebɔhwehwɛ ɔfã 54 ne tsir no mu (san hwɛ Saints, 1:125–28; “A Bishop unto the Church,” wɔ Revelations in Context, 78–79 mu). Sɛ nna ewɔ nyɛnko wɔ Colesville Ahotseweefo no mu a, ebɛn afotu na ibotum ehu no wɔ ɔfã 54 a enye no bɛkyɛ?

Nyiyimu yinom mu no, Ewuradze kasae kyerɛɛ esikafo na ehiafo beenu no; ɔbɛyɛ enyikã dɛ edze N’afotu ma kuw ebien yinom bɔtoto hɔnho. Ebɛnadze na ɔwɔ nyiyimu yinom mu a etse dɛ ohia ma wo ankasa?

• Ebɔboa wo mbofra ma woesũa ebɛyɛ nokwarfo n’asekyerɛ no, wobotum abɔ mu akenkan Nkyerɛkyerɛ na Ahyɛmudzi 51:9 na wɔakyɛ nsɛm afa mbofra a wohyia adwenpɔwbɔ wɔ ereyɛ nokwafo ho. Ibotum dze mfonyin, asetaagyee mbaduamba, anaa nkrataa mbaduamba edzi dwuma ma nsɛm no ayɛ enyikã yie. Sɛ yɛper dɛ yɛbɛyɛ anokwarfo a Ewuradze si dɛn hyira hɛn?

• Hwɛ dɛ enye wo mbofra no bedzi agordzi bi. N’ekyir no, pɛnsampɛnsa mbrɛ nkyɛ agordzi no besi bɛyɛ soronko mu sɛ obi dzii nsisii a. Ebɛnadze ntsi na ohia dɛ “[ye]dzi nokwar” ma hɛnho hɛnho?

• Wɔnam nsa a wɔdze gu tsir do eregye Sunsum Krɔnkrɔn no wɔakã no mpɛn beberee wɔ Nkyerɛkyerɛ na Ahyɛmudzi 51–57 mu. Iyi botum ayɛ kwan pa dɛ ebɛkyerɛkyerɛ wo mbofra no ayɛdze yi ho asɛm. Mfatoho, wobotum ahwɛ abofra bi a worisi no pi mfonyin na wɔakã dza orisi wɔ mfonyin no mu ho asɛm. Serɛ hɔn ma wɔmbɔ hɔn nsamu sɛ wɔtse “nsa a wɔdze gu do’’ anaa “wɔmfa hɔn nsa ngu hɔn do’’ ber a ekenkan Nkyerɛkyerɛ na Ahyɛmudzi 52:10; 53:3; 55:1.

• Ibotum asan nye mbofra no atow “The Holy Ghost’’ (Children’s Songbook, 105) anaa ndwom bi a ɔnye no sɛ. Boa wo mbofra ma wɔnhwehwɛ nsɛmfua na nsɛnsin wɔ ndwom no mu a ɔkyerɛkyerɛ Sunsum Krɔnkrɔn n’akyɛdze ho asɛm.

  

• Ebɛkyerɛkyerɛ Ewuradze ne nhwɛdo ma ekwetsir ndaadaa ho asɛm no, ibotum ahyɛ ase ber a eroboa mbofra ma wɔahwehwɛ nhwɛdo ho mfatoho—wɔ ɔdomankoma abɔdze mu, kuntu anaa efuradze fɛɛfɛw bi mu, anaa wɔ daa daa abrabɔ mu. Boa hɔn ma wɔnhwehwɛ nhwɛdo a Ewuradze dze mae wɔ Nkyerɛkyerɛ na Ahyɛmudzi 52: 14–15 mu. Hwɛ no pefee dɛ wɔtse nkasafua biara a wonnyim no wɔ nyiyimu yinom mu no ase. Yebesi dɛn botum dze nhwɛdo yi edzi dwuma dze ehu nokwar?

• Fa woara wo nsɛm, enye mbofra no nkyɛ dza osii Ahotseweefo no a wɔbae bɛtsenaa Leman Copley n’asaase do no (hwɛ tsir ma ɔfa 54). Wo mbofra no botum woepetuw dɛ wɔyɛ Asɔrmba a woebodu Ohio. Leman enndzi n’ahyɛmu do no ekyir no ebɛnadze na ɔbɛyɛ hɔn? Ebɛnadze na iyi kyerɛkyerɛ hɛn wɔ yerisie hɛn ahyɛmudzi anaa anohoba horow ho? Wɔmbɔ mu nkenkan Nkyerɛkyerɛ na Ahyɛmudzi 54:6 mfa nhwehwɛ nhyira ma nkorɔfo a wosie hɔn ahyɛmudzi horow.

• Ebɛda ɔfã 55 edzi no, ebɛpɛ dɛ ekyerɛkyerɛ mu dɛ nna William W. Phelps yɛ dawurbɔ nkrataa kyerɛwfo a osũaa asɛmpa no na ɔbɔdɔɔm Asɔr no. Enye wo mbofra nkenkan Nkyerɛkyerɛ na Ahyɛmudzi 55:1–4, na boa hɔn ma wɔnhwehwɛ dza nna Nyankopɔn pɛ dɛ William yɛ. Osii dɛn hyehyɛɛ dɛ Ɔdze William ne talent bedzi dwuma? Iyi botum dze mpɛnsampɛnsamu wɔ mbrɛ Nyankopɔn besi botum ato nsa afrɛ hɛn ma yɛdze hɛn talent ehyira Ne mba ho aba.