მოძღვრება და აღთქმები 49–50

ეკლესიაში გაწევრიანებამდე ლემან კოპლი იყო რელიგიური ჯგუფის წევრი, რომელიც „ქრისტეს მეორედ წარდგინების მორწმუნეთა გაერთიანებული საზოგადოების“, იგივე, „შეიკერების“ სახელით იყო ცნობილი. ჯოზეფ სმითი ლემანთან გასაუბრების შემდეგ „შეიკერების“ ზოგიერთი სწავლების შესახებ განმარტებას უფლისგან ეძიებდა. უფალმა უპასუხა გამოცხადებით ნაწილი 49. „შეიკერების“ ზოგიერთი წარმოდგენა ნახსენებია ამ ნაწილის სათაურში.

რა ასწავლა უფალმა ნაწილი 49 -ში „შეიკერების“ ზოგიერთი წარმოდგენის შესასწორებლად? რა მტკიცებულებას ხედავთ ამ გამოცხადებაში იმ ადამიანების მიმართ სიყვარულისა და ფიქრის შესახებ, რომლებსაც არ აქვთ მისი ჭეშმარიტების სისავსე? როგორ შეიძლება მათთან დაკავშირება სიყვარულითა და ზრუნვით?

რა ახდენს თქვენზე შთაბეჭდილებას მუხლი 2-ში უფლის დაკვირვების შესახებ? ეს შეიძლება შეადაროთ იმას, თუ რა ხდება, როდესაც უყურებთ ფილმის მხოლოდ ერთ ნაწილს, ხედავთ თავსატეხის მხოლოდ ერთ ნაწილს ან მოისმენთ კამათის მხოლოდ ერთ მხარეს. როგორ ეხმიანება უფლის გაფრთხილება მოძღვრება და აღთქმები 50:24-ს? იფიქრეთ, რას აკეთებთ უფლისგან უფრო მეტი სინათლის მისაღებად.

ასევე იხილეთ „ლემან კოპლი და „შეიკერები““ — გამოცხადებები კონტექსტში, 117–21.

ზეციური მამის გეგმის შესარყევად, სატანა ქორწინებაში დაბნეულობის შეტანას ცდილობს. უფალი, მეორე მხრივ, თავისი წინასწარმეტყველების საშუალებით ქორწინების შესახებ ჭეშმარიტების გამოვლენას განაგრძობს. ზოგიერთი მის ჭეშმარიტებათაგან შეგიძლიათ ნახოთ მოძღვრება და აღთქმები 49:15–17; დაბადება 2:20–24; 1 კორინთელთა 11:11; და „ოჯახი: მოწოდება მსოფლიოს“. ჩამოწერეთ ჭეშმარიტებები, რომელთაც ნახავთ. რატომ არის ქორწინება ასე მნიშვნელოვანი ღვთიური გეგმისთვის?

უხუცესი ულისეს სოარესი ასწავლიდა, რომ „იესო ქრისტეს აღდგენილი სახარება ახმიანებს ქალსა და მამაკაცს შორის სრული პარტნიორობის პრინციპს როგორც მიწიერ ცხოვრებაში, ისე მარადიულში“ („In Partnership with the Lord [უფალთან პარტნიორობით]“, ლიახონა, ნოემბერი, 2022, 42). თქვენ შეიძლება ისწავლოთ მისი გზავნილი, იმ პრინციპების ძიებით, რომლებიც „ამყარებენ ქალისა და მამაკაცის პარტნიორობას“. როგორ შეგიძლიათ ამ პრინციპების თქვენს ცხოვრებაში გამოყენება? თუ სხვა რწმენის ადამიანი შეგეკითხებათ, რატომ არის ქორწინება მნიშვნელოვანი, თქვენ რას უპასუხებთ? რატომ ხართ ამ გაგების მადლიერი?

ასევე იხილეთ საკითხები და კითხვები „Marriage [ქორწინება]“, „Family [ოჯახი]“, სახარების ბიბლიოთეკა; დევიდ ა. ბედნარი, „Marriage Is Essential to His Eternal Plan [ქორწინება არსებითია ღვთის მარადიული გეგმისთვის]“, Ensign, ივნისი, 2006, 83–84; „Renaissance of Marriage [ქორწინების აღორძინება“ (ვიდეო), სახარების ბიბლიოთეკა.

2:36

ოჰაიოს ეკლესიის ახალი წევრები მონდომებულები იყვნენ, მიეღოთ წმინდა წერილებში დაპირებული სულიერი გამოვლინებები. ხოლო სატანა კი მონდომებული იყო, მოეტყუებინა ისინი. თქვენთვის რომ ეთხოვათ, დახმარებოდით ამ წევრებს გაეგოთ, როგორ ამოეცნოთ სულიწმინდის ჭეშმარიტი გამოვლინებები, მოძღვრება და აღთქმები 50 -დან რომელ პრინციპებს გაუზიარებდით? (განსაკუთრებით იხილეთ მუხლები 22–25, 29–25, 40–46). როგორ დაგეხმარათ მხსნელი ჭეშმარიტებასა და შეცდომას შორის სხვაობის დანახვაში?

ასევე იხილეთ 1 კორინთელთა 14:1–28; 2 ტიმოთე 3:13–17.

იესო ქრისტეს სახარებით ცხოვრება იძლევა ბევრ საშუალებას, ვიყოთ მასწავლებლები და მოსწავლეები, როგორც სახლში, ისე ეკლესიაში. მოძღვრება და აღთქმები 50:13–24 შესწავლის ერთ-ერთი გზა არის მასწავლებლისა და მოსწავლის სურათის დახატვა. თითოეულის გასწვრივ, ჩამოწერეთ სიტყვები და ფრაზები ამ მუხლებიდან, რომლებიც გასწავლიან რამეს სახარების სწავლისა და სწავლების შესახებ. როდის გქონიათ შემთხვევები, რომლებმაც გასწავლეს სულიწმინდის მნიშვნელოვნება სწავლებასა და სწავლაში? იფიქრეთ, რისი გაკეთება შეგიძლიათ თქვენი მცდელობების გასაუმჯობესებლად, როგორც სახარების მსწავლელსა და მასწავლებელს.

მოძღვრება და აღთქმები 50:23–25-ში მხსნელის სიტყვებზე მსჯელობისას იფიქრეთ, როგორ იღებთ ღვთის ნათელს თქვენს ცხოვრებაში და როგორ „განდევნოთ სიბნელე“. მაგალითად, ეს მუხლები როგორ ხელმძღვანელობს თქვენს არჩევანს, თუ როგორ გაატაროთ დრო? რა გასართობი ან სოც. ქსელები ეძიოთ? რომელ საუბრებში ჩაერთოთ? ეს მუხლები სხვა რომელ გადაწყვეტილებებთან დაკავშირებით დაგეხმარებათ? მაგალითად, საგალობელმა „The Lord Is My Light [უფალი არის ჩემი ნათელი]“ (Hymns, N. 89) შეიძლება შთაგაგონოთ დამატებითი აზრები.

ასევე იხილეთ „Walk in God’s light [უფლის ნათელში სიარული]“, ახალგაზრდების გასაძლიერებლად: გზამკვლევი გადაწყვეტილების მისაღებად, 16–21.

• იმისათვის, რომ ბავშვებს ასწავლოთ ამ მუხლებში მოცემული პრინციპები, შეგიძლიათ ქაღალდისგან მოამზადოთ ფეხის ოთხი ანაბეჭდი და ოთხი სურათი, რომელიც წარმოადგენს იესო ქრისტეში რწმენას, მონანიებას, ნათლობასა და სულიწმინდის მიღებას (იხილეთ სურათები ამ კვირის გასართობ გვერდზე). სთხოვეთ ბავშვებს, დაალაგონ ფეხის ანაბეჭდები იატაკზე და სურათები მათ გვერდზე. შემდეგ მორიგეობით გაიარონ ამ ფეხის ანაბეჭდებზე, როცა თქვენ კითხულობთ მოძღვრებასა და აღთქმები 49:12–14. დაეხმარეთ გაიგონ, რომ როდესაც ჩვენ ვაკეთებთ იმას, რაც ამ სურათებზეა ასახული, ჩვენ ამით იესო ქრისტეს კვალზე დავდივართ.

• თქვენ ასევე შეიძლება სთხოვოთ ბავშვებს, შეადარონ მოძღვრება და აღთქმები 49:12–14 საქმეები 2:38 და რწმენის მეოთხე სიმბოლო. რა მსგავსებებს პოულობენ ისინი? რატომ არის ეს ჭეშმარიტებები მნიშვნელოვანი?

• ამ სტროფების გასაცნობად შეგიძლიათ ახსნათ, რომ „შეიკერები“ იყო რელიგიური ჯგუფი, რომელსაც სჯეროდა, რომ ადამიანები არ უნდა დაქორწინებულიყვნენ (იხილეთ მოძღვრება და აღთქმები 49-ე ნაწილის სათაური). სთხოვეთ ბავშვებს იპოვონ, თუ რას ასწავლის უფალი ქორწინების შესახებ მოძღვრება და აღთქმები 49:15–17. რას ნიშნავს „ქორწინება არის დადგენილი უფლის მიერ“? იქნებ, ერთად წაიკითხოთ „ოჯახი: მოწოდება მსოფლიოს“ პირველი სამი აბზაცი. შემდეგ ისაუბრეთ იმაზე, თუ რატომ არის ქორწინება და ოჯახი მნიშვნელოვანი ზეციური მამისთვის.

• მოძღვრება და აღთქმები 50:23–25-ს წარსადგენად ესაუბრეთ ბავშვებს განსხვავებაზე სინათლისა და წყვდიადს შორის. რატომ გვჭირდება სინათლე? შეგიძლიათ ერთად წაიკითხოთ „Walk in God’s light [უფლის ნათელში სიარული]“-ს პირველი აბზაცი ახალგაზრდების გასაძლიერებლად: გზამკვლევი გადაწყვეტილების მისაღებად (გვერდი 17) და მოძღვრება და აღთქმები 50:23–25. ისაუბრეთ, როგორ ვიღებთ ღვთის ნათელსა და საშუალებებს წყვდიადის განსადევნად. შემდეგ შეგიძლიათ ერთად იმღეროთ სიმღერა მათი სულიერი ნათელის შესახებ, მაგალითად, „Shine On [იბრწყინე]“ (Children’s Songbook 144).

• მოძღვრებისა და აღთქმები 50:40–46 ერთად წაკითხვის შემდეგ შეგიძლიათ აჩვენოთ მხსნელის სურათი და დაუსვათ კითხვები, მაგ: რას ფიქრობს მწყემსი თავის სამწყსოზე? რანაირად არის მხსნელი ჩვენი მწყემსი?