Сургаал ба Гэрээ 46–48

Тойргийн тань цуглаан таны найз нөхөд, хөршүүдэд нээлттэй байдаг гэж танд санагддаг уу? Та Сүмийн цуглаанаа хүмүүсийн эргэн ирэхийг хүсдэг газар болгохын тулд юу хийж байна вэ? Та Сургаал ба Гэрээ 46 дээрх Их Эзэний зөвлөгөөг хэрхэн хэрэгжүүлж болохыг тунгаан бод (мөн 2 Нифай 26:24–28; 3 Нифай 18:22–23-ыг үзнэ үү).

Мөн та сүмийн цуглаанд эсвэл өөр нэг бүлгийн цугларалтад анх удаа очиж байсан үеэ бодож болох юм. Хүмүүс таныг угтан авахаар юу хийсэн бэ?

Моронай 6:5–9; “Тэнгүй хайрыг дуулах сайхан,” Дуулал, д.100; “Welcome” (видео), Gospel Library-г мөн үзнэ үү.

1:17

Эхэн үеийн гэгээнтнүүд сүнслэг бэлгүүдэд итгэдэг байсан ч тэдэнд тэдгээрийг ялган таньж, зорилгыг нь ойлгоход тусламж хэрэгтэй байв. Та Сургаал ба Гэрээ 46:7–33-аас Сүнсний бэлгүүдийн талаар судлахдаа “юуны төлөө тэдгээр нь өгөгдсөнийг” тунгаан бод (8-р шүлэг). Та эдгээр бэлгийг өгөгч Бурханы талаар юу мэдэж авсан бэ?

Эдгээр болон бусад сүнслэг бэлгийг ашиглахыг та харж байсан уу? Тэдгээр нь “Бурханы хүүхдүүд[эд ямар] ашиг тус[тай]” байсан бэ? (26-р шүлэг) Та мөн дараах судрууд дээрх өөр өөр сүнслэг бэлгийн жишээг таньж чадах эсэхээ харж болно. 1 Хаад 3:5–15; Даниел 2:26–30; Үйлс 3:1–8; Хиламан 5:17–19; Мормон 1:1–5; Ифер 3:1–15; Сургаал ба Гэрээ 6:10–12; Мосе 7:13.

Та сүнслэг бэлгүүдийн тухай судлах явцдаа Бурханы танд өгсөн бэлгүүдийн тухай тунгаан бодож болох юм. Та эдгээр бэлгийг Түүний хүүхдүүдийг адислахын тулд хэрхэн ашиглаж чадах вэ? Хэрэв танд патриархын адислал байгаа бол өгөгдсөн бэлгүүдийг тань тэнд дурдсан байх магадлалтай. Мөн санаанд тань ороогүй бэлгүүдийн тухай ахлагч Бага Жон К.Пингрийгийн Чамд зориулсан ажил надад буй хэлсэн үгээс мэдэж авч болно (2017 оны 10-р сарын Ерөнхий чуулган, х.17–21).

Хэрэв та сүнслэг бэлгүүдийг хэрхэн хөгжүүлэхийг мэдэхийг хүсвэл ахлагч Хуан Пабло Вилларын хэлсэн Сүнслэг булчингаа хөгжүүлэх нь захиасны эхэнд буй зүйрлэлийг уншаарай (2019 оны 4-р сарын Ерөнхий чуулган, х.115). Ямар “дасгалууд” таны сүнслэг бэлгүүдийг хөгжүүлэх вэ?

Жон Витмерийн Сүмийн түүхийг хөтлөх дуудлага нь Бурханы хүмүүсийн дунд цэдэг хөтлөгчийн өнө эртний уламжлалыг үргэлжлүүлсэн. Яагаад түүх хөтлөх нь Их Эзэний хувьд тийм чухал гэж та бодож байна вэ? 47-р хэсгийг болон 2 Нифай 29:11–12; Мосе 6:5; Абрахам 1:28, 31 дээрх ижил төстэй удирдамжуудыг уншихдаа энэ тухай тунгаан бод. Их Эзэн таныг амьдралынхаа юуны тухай цэдэг хөтлөхийг хүсэж байна гэж та бодож байна вэ?

FamilySearch дээр та өөрийн болон эцэг өвгөдийнхөө амьдралын дурсамж, мөн туршлагуудыг тэмдэглэн үлдээх боломжтой (FamilySearch.org-ийг үзнэ үү).

Хэнри Б.Айринг, “Ай санагтун, санагтун,” 2007 оны 10-р сарын Ерөнхий чуулганыг үзнэ үү.

Жон Витмерийн өөрийнх нь дуудлага Бурханаас ирсэн гэсэн баталгааг хүсэх үед мэдэрсэн тэр мэдрэмжийг та мэдэрч байсан байх. Сургаал ба Гэрээ 47-д Их Эзэн Жон Витмерт болон бидэнд хандан Өөрийнх нь өгсөн дуудлагыг итгэлтэйгээр биелүүлэхэд урам зориг өгөхөөр юу хэлсэн бэ?

• Сургаал ба Гэрээ 46:5-ыг хүүхдүүдтэйгээ хамт уншаад, Аврагч хүмүүсийг Өөрийнх нь сүмд ирээд юу мэдрээсэй гэж хүсдэг талаар ярилц. Хэн нэгэн сүмд анх удаа ирж байгааг харж байна гэж төсөөлөн бодохыг хүүхдүүдээсээ хүс. Тэдэнд уг хүнийг хэрхэн найрсгаар угтан авах талаар дадлага хийхэд тусал.

• Хүүхдүүддээ Сургаал ба Гэрээ 46:13–26 дээрх сүнслэг бэлгүүдийн талаар судлахад нь тусалж дараах аргыг туршаарай. Та бэлгүүдийг нэг нэгээр нь цаасан дээр бичээд өрөөний энд тэнд нууж болно. Хүүхдүүдийг цаасыг олох бүрд энэ нь 46-р хэсгийн хаана дурдагдсаныг олоход тэдэнд тусал. Бэлэг тус бүрийг хэрхэн бусдыг адислахын тулд ашиглаж болох талаар тэдэнтэй ярилц (“20-р бүлэг: Сүнсний бэлгүүд, Сургаал ба Гэрээний түүхүүд, 77–80 дээрх тайлбар тус болж болох юм).

  

  2:19

• Та хүүхдүүддээ Тэнгэрлэг Эцэгийн тэдэнд өгсөн гэж бодож буй бэлгүүдийн тухай хэлж мөн тэднээр бусдаас анзаарсан бэлгүүдийнх нь талаар яриул. Сургаал ба Гэрээ 46:8–9, 26-д хэлсэнчлэн, Тэнгэрлэг Эцэг яагаад бидэнд сүнслэг бэлгүүдийг өгдөг вэ? Бид бусдад туслахын тулд бэлгүүдээ хэрхэн ашиглаж болох вэ?

• Сургаал ба Гэрээ 47:1, 3-т Их Эзэн Жон Витмерийг юу хийгээсэй гэж хүссэнийг хүүхдүүдээрээ олуулаарай. Мөн та нар бие биетэйгээ дуртай судрын түүхээ хуваалцаж болно. Хэн нэгэн тэмдэглэн үлдээсэн учраас бид эдгээр түүхийг мэдэж байгаа гэдгийг онцол.

• Өөрсдийн хувийн түүхээ бичихэд нь та хүүхдүүддээ хэрхэн урам зориг өгч болох талаар бодож үз. FamilySearch.orgТа өөрийн хувийн тэмдэглэлд бичсэн зүйлээ эсвэл өвөг дээдсийнхээ нэгэн түүхийг хуваалцаж болох юм (эсвэл Memories аппликэйшныг үзнэ үү). Та тэмдэглэл хөтлөхөд туслах “Энэ долоо хоногт болсон ямар үйл явдлыг ач зээ нар тань мэдээсэй гэж та хүсэж байна вэ?” эсвэл “Та энэ долоо хоногт амьдралд тань байх Их Эзэний мутрыг хэрхэн харсан бэ?” гэх мэт асуултыг өгч болно. Бага насны хүүхдүүд өөрт тохиолдсон зүйлээ зурж эсвэл та тэднээр болсон явдлыг яриулж, бичиж тэмдэглэж болно. “Түүхийг тогтмол” хөтөлснөөр ямар ямар адислал ирдэг вэ? (Сургаал ба Гэрээ 47:1).

• Та Сургаал ба Гэрээ 48:2–3-ыг хүүхдүүдтэйгээ хамт уншиж байхдаа хүмүүс дорно зүгээс Огайо руу нүүж байсан бөгөөд тэдэнд амьдрах газар байгаагүйг тайлбарлах хэрэгтэй байх. Их Эзэн гэгээнтнүүдээс тэдэнд туслахын тулд юу хийхийг хүссэн бэ? Бусадтай хуваалцаж болох ямар ямар зүйлийг Их Эзэн тэдэнд өгсөн талаар бодоход нь хүүхдүүддээ тусал. Та мөн “Бяцхан горхи урсаж байна” (Хүүхдийн дууны ном, 116) гэх мэт дууг тэдэнтэй хамт дуулж болно.