Fotopampianarana sy Fanekempihavanana 46–48

Moa ve tsapanao fa mahatsapa ho voaray tsara ao amin’ny fivoriam-pivavahana ao amin’ny paroasinao ireo namanao sy ireo mpiray monina aminao? Inona no ataonao mba hahatonga ireo fivoriam-piangonana ho toerana tian’ny olona hiverenana? Saintsaino ny fomba azonao ampiharana ilay torohevitry ny Tompo ao amin’ny Fotopampianarana sy Fanekempihavanana 46:1–7 (jereo koa ny 2 Nefia 26:24–28; 3 Nefia 18:22–23).

Azonao atao koa ny misaintsaina ireo fotoana izay vao sambany nanatrehanao fivoriana tao amin’ny Fiangonana, na fivoriana nataona vondrona hafa. Inona no nataon’ny olona mba hanampiana anao hahatsapa ho voaray tsara?

Jereo koa ny Môrônia 6:5–9; “Chantons du Christ le grand amour!,” Cantiques, no. 103; “Welcome” (horonan-tsary), Médiathèque de l’Évangile.

1:17

Ireo Olomasina tany am-piandohana dia nino ny fanomezam-pahasoavana ara-panahy saingy nila fanampiana tamin’ny famantarana izany sy ny fahatakarana ny antony isian’izy ireny. Rehefa mianatra mikasika ny fanomezam-pahasoavan’ny Fanahy ianao ao amin’ny Fotopampianarana sy Fanekempihavanana 46:7-33, dia saintsaino ny antony “anomezana azy ireny” (andininy 8). Inona no ianaranao momba an’ Andriamanitra, ilay mpanome ireo fanomezam-pahasoavana ireo?

Misy ohatra ana olona nampiasa ireo na fanomezam-pahasoavana ara-panahy hafa azonao eritreretina ve? Ahoana no naha “tombontsoan’ny zanak’ Andriamanitra” (andininy 26) azy ireny? Mety ho hitanao ihany koa raha afaka mamantatra ohatra ana fanomezam-pahasoavana ara-panahy hafa ao amin’ny soratra masina tahaka ireto ianao: 1 Mpanjaka 3:5–15; Daniela 2:26–30; Asan’ny Apostoly 3:1–8; Helamàna 5:17–19; Môrmôna 1:1–5; Etera 3:1–15; Fotopampianarana sy Fanekempihavanana 6:10–12; Mosesy 7:13.

Mety hitarika anao hisaintsaina izay fanomezam-pahasoavana nomen’ Andriamanitra anao ny fandalinanao momba ireo fanomezam-pahasoavana ara-panahy. Ahoana no ahafahanao mampiasa ireo fanomezam-pahasoavana ireo mba hitahiana ireo zanany? Raha manana tsodranon’ny patriarika ianao dia mety manambara ireo fanomezam-pahasoavana izay nomena anao izany. Ny famakiana ny hafatry ny Loholona John C. Pingree Jr. hoe “Manana asa ho anao aho” dia afaka ihany koa mampisokatra ny sainao amin’ireo fanomezam-pahasoavana tsy mbola noeritreretinao (Liahona, nôv. 2017, 32–35).

Raha maniry ny hianatra ny fomba hahazoana fanomezam-pahasoavana ara-panahy ianao dia afaka manampy ilay fanoharana any amin’ny fiandohan’ny hafatry ny Loholona Juan Pablo Villar hoe “Manatanjaka ireo hozatsika ara-panahy” (Liahona, mey 2019, 95). Inona no fanazaran-tena mampatanjaka afaka manampy anao hampitombo ireo fanomezam-pahasoavana ara-panahy anananao?

Jereo koa ny Sujets et questions, “Saint-Esprit,” Bibliothèque de l’Évangile.

Ny antson’i John Whitmer ho mpanao tantaran’ny Fiangonana dia tohin’ny fomba fanao efa ela be nataon’ireo mpitana rakitsoratra teo anivon’ny vahoakan’ Andriamanitra. Nahoana araka ny eritrerirao no tena manan-danja tokoa amin’ny Tompo ny firaketana tantara? Saintsaino izany eo am-pamakianao ny fizarana 47, ary koa ireo torolalana mitovy amin’izany ao amin’ny 2 Nefia 29:11–12; Mosesy 6:5; Abrahama 1:28, 31. Inona no tsapanao fa tian’ny Tompo horaketinao momba ny fiainanao?

Ao amin’ny FamilySearch ianao dia afaka mirakitra fahatsiarovana sy zavatra niainana avy amin’ny fiainanao, sy ny an’ireo razambenao (jereo ny FamilySearch.org).

Jereo ny Henry B. Eyring, “Oh ! souvenez-vous, souvenez-vous,” Liahona, nov. 2007, 66–69.

Azonao atao ny mampifandray ny tenanao amin’ny zavatra tsapan’i John Whitmer rehefa naniry ny hahazo antoka izy fa avy amin’ Andriamanitra ny antsony. Inona no nolazain’ny Tompo ao amin’ny Fotopampianarana sy Fanekempihavanana 47 tamin’i John Whitmer, sy aminao, mba hananana fahatokian-tena amin’ny fanatanterahana ny antso izay omeny?

• Rehefa avy mamaky ny Fotopampianarana sy Fanekempihavanana 46:5 miaraka amin’ireo ankizy dia resaho ny hoe inona no tian’ny Mpamonjy ho tsapan’ny olona rehefa mankao amin’ny Fiangonany izy ireo. Asao ny ankizy haka sary an-tsaina fa nahita olona izay sambany vao hitan’izy ireo tao am-piangonana izy ireo. Ampio izy ireo hizatra hampiasa ireo fomba hanampiana io olona io hahatsapa ho voaray tsara.

• Mba hanampiana ireo ankizy hianatra ireo fanomezam-pahasoavana ara-panahy voasoritsoritra ao amin’ny Fotopampianarana sy Fanekempihavanana 46:13–26, dia eritrereto ity hevitra ity. Azonao soratana amina sombin-taratasy ireo fanomezam-pahasoavana dia afeno manerana ny efitrano izany. Rehefa hitan’ny ankizy ny taratasy tsirairay dia ampio izy ireo hitady ny toerana hanononana izany fanomezam-pahasoavana izany ao amin’ny fizarana 46. Ho an’ny fanomezam-pahasoavana tsirairay dia resaho amin’izy ireo ny fomba ampiasana izany mba hitahiana ny hafa (afaka manampy ireo fanazavana ao amin’ny “Toko 20: Fanomezam-pahasoavan’ny Fanahy,” ao amin’ny Tantara ao amin’ny Fotopampianarana sy Fanekempihavanana, 77–80).

  

  2:19

• Lazao amin’ireo ankizy ireo fanomezam-pahasoavana izay tsapanao fa nomen’ny Ray any An-danitra azy ireo, ary avelao izy ireo hiresaka ireo fanomezam-pahasoavana tsikaritr’izy ireo eo amin’izy samy izy. Araka ny voalaza ao amin’ny Fotopampianarana sy Fanekempihavanana 46:8–9, 26, dia nahoana ny Ray any An-danitra no manome antsika fanomezam-pahasoavana ara-panahy? Ahoana no ahafahantsika mampiasa ny fanomezam-pahasoavana ananantsika mba hanampiana ny hafa?

• Avelao ny ankizy hahita ny zavatra tian’ny Tompo hataon’i John Whitmer ao amin’ny Fotopampianarana sy Fanekempihavanana 47:1, 3. Azonareo ifampizarana ihany koa ireo tantara tianareo indrindra ao amin’ny soratra masina. Ampahafantaro fa mahafantatra ireo tantara ireo isika satria nisy olona nirakitra izany an-tsoratra.

• Eritrereto ny fomba azonao itaomana ny ankizy hirakitra an-tsoratra ny tantaram-piainan’izy ireo manokana. Azonao atao ny mizara ampahany avy amin’ny diarinao manokana na tantara iray mikasika ny razambe anankiray (jereo ny FamilySearch.org na ny application Souvenirs). Azonao atao ny manome fanontaniana hoenti-manoratra ao anatin’ny diary toy ny hoe: “Inona no nitranga tamin’ity herinandro ity ka tianao ho fantatr’ireo zafikelinao?” na “Ahoana no nahitanao ny fitantanan’ny Tompo teo amin’ny fiainanao tamin’ity herinandro ity?” Afaka manao sarin’ny zavatra niainan’izy ireo ny ankizy kely, na azonao atao ny mirakitra ny feon’izy ireo eo am-pitantarany ny tantarany. Inona avy ireo fitahiana azo avy amin’ny firaketana “tsy miato ny tantara”? (Fotopampianarana sy Fanekempihavanana 47:1).

• Rehefa miara-mamaky ny Fotopampianarana sy Fanekempihavanana 48:2–3 amin’ny ankizy ianao, dia mety ilainao ny manazava fa niainga avy tany Antsinanana ny olona mba hankany Ohio ary tsy nanana toerana honenana izy ireo. Inona no nasain’ny Tompo nataon’ny Olomasina mba hitondrana fanampiana? Ampio ny ankizy hieritreritra ireo zavatra efa nomen’ Andriamanitra azy ireo ka azon’izy ireo zaraina amin’ny hafa. Azonao atao ihany koa ny miara-mihira amin’izy ireo ny hira toy ny “Hoy ilay rano kely hoe -Manomeza-”, (Bokin-kiran’ny ankizy, 116).