Nkyerɛkyerɛ na Ahyɛmudzi 37–40

Asɔrmba a nna wɔwɔ Fayette, New York no, nna ɔwɔ dɛ wɔbɔ afɔr a ɔyɛ dzen dze tu kɔ Ohio (akwansin bɔbor 250) wɔ afe 1831 awɔw ber mu. Erekenkan Ewuradze ne mbra ho nsɛm wɔ Nkyerɛkyerɛ na Ahyɛmudzi 37:3–4, bia ibɔdwen afɔrbɔ a Ewuradze ebisa wo wɔ ho no. Nkyii, ber a isũa Nkyerɛkyerɛ na Ahyɛmudzi 38:1–33, hwɛ Agyenkwa no ho nokwar nsɛm a ɔma wo gyedzi ma edze dzi N’afotu do. Ebɛnadze na isũa fi nyiyimu 11–33 a ɔfa mboaboa ano ho nhyira dɛ Jesus Christ akadofo ?

Ibesi dɛn ayɛ Jesus Christ wo “mbramafo”? Osi dɛn na yedzi Ne mbra do a yɛbɛyɛ “fahodzifo”?

Hwɛ 2 Nephi 2:26–27 so.

Sɛ enya sũahu wɔ nkyerɛkyerɛ no a Ewuradze yii kyerɛe wɔ Nkyerɛkyerɛ na Ahyɛmudzi 38:30: “Sɛ hom ayɛ ahosiesie a, hom nnkosuro”? Ber a isũa ɔfã 38 no, hyɛ no nsew mbrɛ Ewuradze si yɛ Ahotseweefo no ahoboboa ma woetum dze gyedzi egyina akokodur mu ndaamba. Kwan bɛn na Ɔpɛ dɛ ebɛyɛ ɔhaw ho ahoboaboa ama woennkehia dɛ ibosuro?

Hwɛ David A. Bednar, “We Will Prove Them Herewith,” Liahona, Ɔberɛfɛw 2020, 8–11.

Ahotseweefo a wɔboaboa hɔn ano kɔr Ohio no fii gyinabew ahorow mu. Dɛmara so na ɔbɛyɛ nokwar ama hɔn a wɔwɔ wo ward no. Naaso Ewuradze hyɛ No nkorɔfo dɛ “Hom nyɛ kor” (nyiyimu 27). Yebesi dɛn benya koryɛ a ɔtse dɛm? Ebɛn adwenkyerɛ na ɔba w’adwen mu ber a ikenkan Nkyerɛkyerɛ na Ahyɛmudzi 38:24–27.? Dɛn ntsi na ohia dɛ yɛyɛ koryɛ ama yeetum aayɛ Nyankopɔn no nkorɔfo?

Erekenkan nyiyimu yinom botum so ekenyan wo ma adwen wo nkitahodzi ho—mfatoho, nye w’ebusua mu mba, wardfo, na quorum anaa classfo. Bia ebɛnadze na orisiw wo kwan ma enye Christ nnyɛ kor? Jesus besi dɛn aboa wo ma “wɔayɛ kor”? Video yinom “A Friend to All” (Obiara ne Nyɛnko) anaa “Love in Our Hearts” (“Ɔdɔ hyɛ Hɛn Akoma mu”) (Asɛmpa Nwoma Korabea) botum aboa wo ma eyiyi nsɛmbisa yinom ano. Bia ibotum so enya adwenkyerɛ binom wɔ Elder Dale G. Renlund n’amandzɛɛbɔ no mu “The Peace of Christ Abolishes Enmity,” Liahona, Ɔberɛfɛw 2021, 83–85.

4:1

3:14

Ibesi dɛn bɔboa ekuw yinom ma wɔayɛ kor ara yie? Mfatoho, susu dɛ edze text anaa erekyerɛw ayamuyie nsɛnsin bi akɛma wo quorum, class, anaa ebusua kuwba. Woana na inya ho nkenyan dɛ ebɛkyerɛw no?

Ebɛnadze na okenyan wo fa Agyenkwa ne fasusu wɔ Ephesusfo 2:14, 18–22; 2 Nephi 26:24–28?

Hwɛ Quentin L. Cook, “Hearts Knit in Righteousness and Unity,” Liahona, Ɔberɛfɛw 2020, 18–21; “Love One Another,” Hymns, nkanee 308; Nsɛngyinado na Nsɛmbisa, “Belonging in the Church of Jesus Christ,” Asɛmpa Nwoma Korabea.

W’adwen yɛ wo dɛn wɔ nsonsonee a ɔda “wiadze ahonyadze” na “onnyiewiei ahonyadze” mu? (Nkyerɛkyerɛ na Ahyɛmudzi 38:39). Ebɛn sũahu horow na wɔakyerɛkyerɛ wo ma onnyiewiei ahonyadze som wo bo?

Fa iyi to w’adwen do ber a ekenkan James Covel no ho asɛm wɔ afã 39–40 (a abakɔsɛm a ɔwɔ ekyir no wɔ ɔfa tsir no kã ho). Susu mbrɛ no sũahu no bia obotum afa wo ho. Mfatoho, dwen mber a nna “[w’]akoma tsen wɔ [Ewuradze] enyim” Nkyerɛkyerɛ na Ahyɛmudzi 40:1). Wosii dɛn hyiraa wo wɔ wo nokwardzi ho? Dwen so fa “wiadze yi akɔdadwen” a ihyia. Wobesi dɛn esiw wo kwan ma nnkɛfa “engyigye” agye Nyankopɔn n’asɛm? (Nkyerɛkyerɛ na Ahyɛmudzi 39:9; 40:2). Ebɛnadze na ihu no ɔfã yinom mu a okenyan wo ma ikɔ do ara yɛ setsie ma Nyame

Hwɛ Matthew 13:3–23 so.

• Map no na dwumadzi krataafa a ɔwɔ n’apɔwdo n’apɔwdo ewiei no botum aboa wo mbofra ma wɔatse dza Nyankopɔn hyɛɛ ho mbra wɔ Nkyerɛkyerɛ na Ahyɛmudzi 37:3 no ase. Bia ibotum aboa hɔn ma wɔahwehwɛ mbea ahorow a wɔabobɔ edzin wɔ nyikyerɛ yinom mu no. Ibotum so aboa hɔn ma woehu kasasin fi Nkyerɛkyerɛ na Ahyɛmudzi 38:31–33 mu a ɔkyerɛ siantsir a Nyame pɛ dɛ Ɔboa No nkorɔfo ano.

• Ber a enye wo mbofra kenkan Nkyerɛkyerɛ na Ahyɛmudzi 38:24–25 no, hom nkasa mfa ibobu wo nua dɛ wankasa woho n’asekyerɛ (hwɛ Matthew 7:12 so). Boa hɔn ma wonsi kyerɛwsɛm no do nkã, a wɔdze ɔbaako biara ne dzin bɛhyɛ “no nua” anan mu.

• Ama aakyerɛ wo mbofra “ebɛyɛ-kor” n’asekyerɛ no (Nkyerɛkyerɛ na Ahyɛmudzi 38:27), ibotum aboa hɔn ma wɔadorɔw nkanee 1 kɛse noara na edze edzin na adorɔw anaa obiara a ɔwɔ w’ebusua mu anaa w’adzesũabea no no mfonyin esiesie do. Dza odzi 1 no do no, ibotum akyerɛw ndzɛmba a wɔbɛyɛ akã abɔ mu ara yie.

• Susu dɛ ibɛkyɛ adzesuadze pɔkyee bi a ɔkyerɛ mbrɛ ndzɛmba bɔbɔ mu anaa wɔabɔ mu abɛyɛ kor, tse dɛ tam asaasaba a wɔdze pam adze anaa ndzɛmba horow a wɔdze yɛ paanoo kor. Ebɛnadze na mfatoho yinom kyerɛkyerɛ hɛn fa yɛrebɛyɛ kor dɛ Nyame no nkorɔfo?

• Ber a hom bɔ mu kenkan Nkyerɛkyerɛ na Ahyɛmudzi 38:30, ɔwo na wo mbofra botum akasa afa ndaansa sũahu a okehia ahoboaboa. Nkyii ibotum ebisa wo mbofra no afa ndzɛmba a Ɔsor Egya pɛ dɛ yɛyɛ ho ahoboa. Enye wo mbofra no nkyɛ sũahu bi a nna osian dɛ ayɛ ahoboa no ɔboaa wo ma ennsuro. Hom so botum abɔ mu ahwɛ video “Men’s Hearts Shall Fail Them” [“Na Nyimpa Bɔtɔ Akɔtɔmborɔnsa”] (Asɛmpa Nwoma Korabea).

• Susu dɛ edze obi a worisi no pi no mfonyin bɛkyerɛ. Bisa wo mbofra no ma wɔnkã dza ɔrokɔ do wɔ mfonyin mu no. Ibotum so ato nsa afrɛ hɔn ma wɔatsen hɔn nsa wɔ mfonyin no do ber biara wɔbɛtse nkasfua Sunsum Krɔnkrɔn no wɔ Nkyerɛkyerɛ na Ahyɛmudzi 39:6, 23 mu (anaa wɔ ndwom tse dɛ “The Holy Ghost,” Children’s Songbook, 105 mu). Hom nye homho nkyɛ mbrɛ Sunsum Krɔnkrɔn akyɛdze no ehyira hom.