IPasika

Uninzi lwethu aluzange lumbone uYesu Krestu njengoko umProfeti uJoseph Smith wenjenjalo. Kodwa singazi, njengokuba wenjenjalo, ukuba uMsindisi uyaphila, ukuba Yena uyazazi iimpumelelo zethu nobunzima, kwaye Yena uya kusinceda ngamaxesha eentswelo. Cinga obakho ubungqina bukaKrestu ophilayo njengoko ucingisisa nzulu ngale mibuzo ingezantsi kwaye ufunde izixhobo ehambelana nayo.

• Ngubani uYesu Krestu? Kutheni simnqula Yena? (bona “UKrestu Ophilayo: Ubungqina babaPostile”).

• Undifundisa ntoni uMoya ngamava kaJoseph Smith nabanye ababona uMsindisi? Ubungqina babo bubomeleza njani obam? (bona IMfundiso neMinqophiso 76:11–14, 20–24; 110:1–10; Imbali—kaJoseph Smith:17).

• Ndifunda ntoni ngomsebenzi woMsindisi nobuthixo kumazwi aKhe? (bona IMfundiso neMinqophiso 29:5; 38:7).

• UMsindisi angandinceda njani namhlanje? (bona Isaya 53:3–5; AmaHebhere 2:17–18; Mozaya 3:7; Alma 7:11–13; 36:3; Etere 12:27; Moses 5:10–12).

Yintoni oziva uphefumlelwe ukuba uyenze ukuze ufumane iinyaniso ezikuye “UKrestu Ophilayo” kwintliziyo nasengqondweni yakho?

2:5

Ukufunda ngakumbi ngendlela uMsindisi asisikelela ngayo namhlanje. Kunokukhuthaza ukukhangela iinyaniso kweli culo ezifundiswa kananjalo kuyo IMfundiso neMinqophiso 6:34; 84:77; 98:18; 138:23.

UJoseph Smith wayesazi indlela evakala ngayo ukulilela ukufa kwabathandekayo, kuquka uyise nabazalwana bakhe ababini. UJoseph no-Emma bangcwaba abantwana babo abathandathu, ngamnye engaphantsi kweminyaka emibini ubudala. Okuvela kwizityhilelo uThixo awazinikayo, uJoseph no-Emma bafumana imbono yanaphakade.

Khangela iinyaniso ngokufa necebo likaThixo lanaphakade kuyo IMfundiso neMinqophiso 29:26–27; 42:45–46; 63:49; 88:14–17, 27–31; 93:33–34. Ezi nyaniso ziyichaphazela njani indlela okujonga ngayo ukufa? Ziyichaphazela njani indlela ophila ngayo?

Bona kananjalo KwabaseKorinte I 15 Easter.ChurchofJesusChrist.org.

Enye indlela yokugxila kuMsindisi ngexesha lePasika kufunda izityhilelo kuyo IMfundiso neMinqophiso ezifundisa ngedini laKhe lentlawulelo. Ezinye zinokufumaneka kuyo IMfundiso Neminqophiso 18:10–13; 19:16–19; 45:3–5; 76:69–70. Cinga ngokwenza uluhlu lweenyaniso ozifumana kule miqolo. Ukwenza nzulu isifundo sakho, unokongeza kuluhlu lwakho ngokukhangela ULuka 22:39–44; 1 UYohane 1:7; 2 Nifayi 2:6–9; Mozaya 3:5–13, 17–18; Moronayi 10:32–33.

Nantsi eminye imibuzo engakukhokela kwisifundo sakho:

• Yintoni iNtlawulelo kaYesu Krestu?

• Kwakutheni ukuze uYesu Krestu akhethe ukubandezeleka aze asifele?

• Yintoni ekufuneka ndiyenze ukuze ndifumane iintsikelelo zedini laKhe?

• Ndiziva njani ngoYesu Krestu emva kokufunda le miqolo?

Bona kananjalo IsiKhokelo kwiziBhalo, “Ntlawulelo.”

8:48

• Ukufundisa abantwana bakho ngovuko, ungaqala ngokubabonisa imifanekiso yokufa noVuko loMsindisi. Vumela abantwana bakho babelane ngoko bakwaziyo ngezi ziganeko.

• Cinga ngesifundo sento esinokunceda abantwana bakho baqonde ukuba kwenzeka ntoni na xa sisifa (imimoya yethu nemizimba yethu iyahlukana) kwaye xa sivuswa (imimoya yethu nemizimba yethu ibuyela kunye, kwaye imizimba yethu igqibelele kwaye ayifi). Ngokomzekelo, kwenzeka ntoni xa sikhupha ibhetri kwitotshi okanye isikhongozeli se-inki kwipeni? Kwenzeka ntoni xa ziphinda zidibana? (Bona Alma 11:44–45.)

• Ngaba abantwana bakho bayamazi umntu ongasekhoyo? Bavumele babelane kancinci malunga naba bantu, kwaye emva koko bafunde kunye IMfundiso neMinqophiso 138:17. Thetha omnye nomnye ngendlela ekuvakala ngayo ukwazi ukuba abantu esibathandayo baya kuvuswa baze babe nemizimba kwakhona.

• Ukuba unabantwana abadala, ungabamema ukuba bajonge amabinzana abamba umyalezo wePasika kwezi zicatshulwa zilandelayo: IMfundiso neMinqophiso 63:49; 88:14–17, 27; 138:11, 14–17. Sinokwabelana njani ngawo lo myalezo nabanye ?

• Wena nabantwana bakho ninokuba nomdla wokufunda malunga namaxesha amathathu ahlukeneyo uYesu Krestu wabonakala kuJoseph Smith nakwabanye, njengoko kubhaliwe kuyo IMbali—kaJoseph Smith 1:14–17; IMfundiso neMinqophiso 76:11–24; 110:1–10. Abantwana bakho banokujonga kananjalo imifanekiso yezi ziganeko kwela le veki iphepha lomsebenzi. Sifunda ntoni ngoYesu Krestu nganye kula mava? Kutheni kuyintsikelelo ukwazi ukuba uJoseph Smith nabanye babona uMsindisi ovusiweyo?

• Iinyaniso uJoseph Smith awazifundayo ngoxolelo ngoKrestu zinokunika abantwana bakho ithemba lokuba banokuxolelwa iimpazamo zabo nezono. Cinga ngokumema abantwana bakho ukuba benze itafile enezihloko ezifana nezi: Into uMsindisi andenzele yona kunye Nento emandiyenze ukuze ndifumane uxolelo lwaKhe. Nceda abantwana bakho baphendle ezi ndima zilandelayo ukuze bafumane izinto eziphantsi kwezi zihloko: IMfundiso neMinqophiso 18:10–13; 19:16–19; 45:3–5; 58:42–43. Yabelana omnye nomnye ngovuyo lwakho nombulelo ngento uMsindisi asenzele yona.

• :

3:4