“Epril 14-20: ‘Mi Em Husat I Stap, Mi Em Husat Ol i Kilim ’: Ista,” Kam, Bihainim Mi—Bilong Haus na Sios: Doktrin na ol Kavanen 2025 (2025)

Ista,” Kam, Bihainim Mi—Bilong Haus na Sios): 2025

Epril 14–20: “Mi Em Husat I Stap, Mi Em Husat Ol i Kilim”

Ista

Epril 3, 1836, i i bin Ista Sande. Bihain long helpim long edministarim sakramen long ol Seints long nupela Kirtland Temple i dedikeit, Joseph Smith na Oliver Cowdery i painim wanpela hap i stap isi baiksait long wanpela veil na daunim het long beten. Bihain, long dispela sekred de taim olgeta Kristien long olgeta hap i makim Kirap Bek bilong Jisas Krais, dispela Seivia i kirap Em yet i kamap long temple bilong Em i tokaut, “Mi em husat i bin stap laip, Mi em husat ol i bin kilim” (Doktrin na ol Kavanen 110:4).

Em i min wanem long tok olsem Jisas Krais em “husat i bin stap laip”? Em i no min olsem Em bin kirap tasol na kamap long ol disaipel bilong Em long Galili. Em i min Em i stap laip tede. Em i toktok thru long ol profet tede. Em i lidim Sios bilong Em tede. Em i hilim ol lain i karim pen na ol bel i bruk tede. So yumi ken tokim ol wods bilong strongpela testimoni bilong Joseph Smith: “Bihain long ol planti testimoni we ol i givim long em, dispela em i testimoni … we yumi givim bilong em: Olsem em i stap laip!” (Doktrin na ol Kavanen 76:22). Yumi ken harim nek bilong em long ol dispela revelesen, witnesim han bilong Em long laip bilong yumi, na pilim dispela amamas dispela sentens i givim : ‘Mi save olsem Ridima bilong mi i stap laip!’” (Hymns, no. 136).

Ol aidia bilong Lainim long Haus na long Sios

Jisas Krais i stap laip.

Planti long yumi ino lukim Jisas Krais olsem Profet Joseph Smith. Tasol yumi save, olsem em i save, Seivia i stap laip, Em i save long ol gutpela na hevi bilong yumi, na Em bai helpim yumi long taim yumi gat nid. Tingting long testimoni bilong dispela Krais i stap laip taim yu tingting long ol kwesten i stap daunbilo na stadim ol dispela risoses.

Husat em Jisas Krais? Wai yumi save lotu long Em? (lukim “Krais I Stai Laip: Dispela Testimoni bilong ol Aposel”).
Spirit i tisim mi wanem long ol ekspiriens bilong Joseph Smith na ol narapela husat i bin lukim Seivia? Hau ol testimoni bilong ol bai strongim bilong mi? (lukim Doktrin na ol Kavanen 76:11–14, 20–24; 110:1–10; Joseph Smith—History:17).
Mi lainim wanem long misin na em i pikinini bilong God long toktok bilong Em yet? Doktrin na ol Kavanen 29:5; 38:7).
Hau bai Seivia i helpim mi tede? (lukim Isaiah 53:3–5; Hebrews 2:17–18; Mosaia 3:7; Alma 7:11–13; 36:3; Ita 12:27; Moses 5:10–12).

Pawa i kam long memoraisim. Elda Richard G. Scott i tok klia: “Bikpela pawa bai kam long yu taim yu memoraisim ol skripsa. Long memoraisim wanpela skripsa em long statim wanpela nupela prensip. Em i olsem long painim wanpela nupela man o meri husat i ken helpim taim i gat nid, givim gutpela tingting na kamfot, na kamap motivesen bilong senis” (“The Power of Scripture,” Ensign, Nov. 2011, 6). Sapos yu painim wanpela skripsa long Seivia we i gat mining long yu—ating wanpela bai givim yu kamfot long taim yu gat nid—tingting long memoraisim en.

Insait long vidio “My Spiritual Goal,” wanpela yangpela meri i memoraisim “Krais I Stap Laip” (Gospel Library). Wanem samting i holim bel bilong yu wantaim dispela ekspiriens? Wanem samting yu pilim i kirapim bel bilong yu long kisim ol toktru insait long “Krais I Stap Laip” insait long bel bilong yu na tingting?

Long lainim moa long hau Seivia i blesim yumi tede, yu ken stadi, harim o singim “I Know That My Redeemer Lives” (Hymns, no. 136). Em bai givim yu gutpela tingting long lainim ol tok tru insait long dispela singsing we i stap tu long Doktrin na ol Kavanen 6:34; 84:77; 98:18; 138:23.

Lukim tu ol Topik na ol Kwesten, “Jisas Krais,” Gospel. Library.

Bikos long Jisas Krais mi bai kirap bek.

Joseph Smith i save hau em i pil long sore long dai bilong ol lain yumi laikim timas, wantaim tu papa na tupela brata bilong em. Joseph na Emma i bin planim sikispela pikinini bilong tupela, ol i no tupela krismas yet. Long ol revelesen God i givim, Joseph na Emma i kisim lukluk bilong laip oltaim oltaim.

Painim ol tok tru long dai na oltaim oltaim plen bilong God long Doktrin na ol Kavanen 29:26–27; 42:45–46; 63:49; 88:14–17, 27–31; 93:33–34. Hau ol dispela toktru i senisim wei yu lukim dai? Hau ol i senisim stap bilong yu?

Lukim tu 1 Corinthians 15; Teachings of Presidents of the Church: Joseph Smith (2007), 174–76; Easter.ChurchofJesusChrist.org.

Jisas Krais i inapim wanpela “gutpela tru atonmen” bilong mi.

Wanpela wei long fokas long Seivia long Ista taim em long stadim ol revelesen insait long Doktrin na ol Kavanen we i tisim yumi long atonmen sakripais bilong Em. Sampela yumi ken painim long Doktrin na ol Kavanen 18:10–13; 19:16–19; 45:3–5; 76:69–70. Tingting long mekim wanpela lis bilong ol toktru yu painim long ol dispela ves. Long mekim stadi bilong yu i go mo dip, yu ken putim long lis bilong yu long painim long Luke 22:39–44; 1 John 1:7; 2 Nifai 2:6–9; Mosaia 3:5–13, 17–18; Moronai 10:32–33.

Long hia em sampela askim iken gaidim stadi bilong yu:

Wanem em Atonmen bilong Jisas Krais?
Wai na Jisas i sus long karim hevi na dai bilong yumi?
Mi mas mekim wanem long kisim ol blesing bilong sakripais bilong Em?
Hau mi pilim long Jisas Krais bihain long ridim ol dispela dispela ves?

Lukim tu Gaid i go long ol Skripsa, “Atonement,” Gospel Library; “The Savior Suffers in Gethsemane” (video), Gospel Library.

Long moa aidia, lukim isu bilong dispela mun bilong Liahona na For the Strength of Youth megesin.

Ol aidia bilong Tisim ol Pikinini

Bikos long Jisas Krais, Mi bai kirap bek.

Long tisim ol pikinini bilong yu long kirap bek, yu ken stat wantaim soim ol piksa bilong dai na Kirap bek bilong Seivia. Larim ol pikinini bilong yu serim wanem ol save long ol dispela samting. Yu ken tu singim wanpela singsing olsem“Did Jesus Really Live Again?” (Children’s Songbook, 64).
Skelim wanpela leson we yu bai yusim samting long helpim ol pikinini bilong yu klia gut long wanem i kamap taim yumi dai (ol spirit bilong yumi i lusim bodi bilong yumi) na taim yumi kirap bek (ol spirit na bodi bilong yumi i kam bek wantaim na ol bodi i stretpela tru na i no inap dai). Eksampel, wanem bai kamap taim yumi rausim batari long tos o ink long pen? Wanem bai kamap taim ol i kam bek wantaim? (Lukim Alma 11:44–45.)
Ol pikinini bilong yu save long wanpela husat i dai pinis? Larim ol serim liklik stori long ol dispela lain, na bihain rid wantaim Doktrin na ol Kavanen 138:17. Toktok wantaim wanpela narapela long hau em i pil long save olsem ol lain yumi laikim tumas bai kirap bek na gat ol bodi gen.
Sapos yu gat ol bikpela pikinini, yu bai ken invaitim ol long painim ol hap tok i gat dispela toktok bilong Ista insait long ol dispela hap tok: Doktrin na ol Kavanen 63:49; 88:14–17, 27; 138:11, 14–17. Ol i ken mekim wankain samting wantaim vidio “Because He Lives” (Gospel Library). Hau bai yumi serim dispela toktok wantaim ol narapela?

Profet Joseph Smith lukim Jisas Krais.

Yu na ol pikinini bilong yu bai interes long ridim long tripela taim Jisas Krais i bin kamap long Joseph Smith na ol narapela , olsem i stap long rekod long Joseph Smith—History 1:14–17; Doktrin na ol Kavanen 76:11–24; 110:1–10. Ol pikinini bilong yu i ken tu lukluk long ol piksa long ol dispela samting long ektiviti peij) bilong dispela wik. Wanem samting yumi lainim long Jisas Krais insait long ol dispela ekspiriens? Wai em i blesing long save olsem Joseph Smith na ol narapela i bin lukim Seivia i kirap bek?

Bikos long Jisas Krais, mi ken kisim pogivnes long ol sin bilong mi.

Ol toktru Joseph Smith i lainim long pogivnes thru long Krais i ken givim ol pikinini bilong yu hop bai ol i ken kisim pogivnes long ol mistek na sin bilong ol. Tingting long invaitim ol pikinini long kamapim wanpela tebol wantaim ol heding olsem dispela: Wanem Seivia i mekim bilong mi na Wanem mi mas mekim long kisim pogivnes bilong Em. Helpim ol pikinini bilong yu painim long ol dispela toktok ol samting i go wantaim ol dispela heding: Doktrin na ol Kavanen 18:10–13; 19:16–19; 45:3–5; 58:42–43. Serim wantaim wanpela narapela amamas bilong yu na tenkyu long wanem Bikpela i mekim bilong yumi.
Yu ken tu lukim dispela vidio “The Shiny Bicycle” wantaim ol pikinini bilong yu (Gospel Library) na serim ol ekspiriens taim yu pilim pogivnes bilong Seivia taim yu tanim bel.

Long moa aidia, lukim isu bilong dispela mun bilong Friend megesin.

Krais i kirap bek i kamap long Mary — Krais na Mary long Matmat Tum, Joseph Brickey i mekim