Joseph Smith—Keeb Kwm 1:1–26

Lub hom phiaj ntawm Joseph Smith zaj keeb kwm yog kom peb “yuav tau tej pov thawj tseeb” vim muaj ntau zaus uas neeg qhia tsis tseeb txog Joseph (Joseph Smith—Keeb Kwm 1:1). Thaum koj nyeem Joseph Smith—Keeb Kwm 1:1–26, muaj dab tsi uas ua rau koj paub tseeb ntxiv txog qhov uas Vajtswv tau hu nws ua?

Kuj saib Saints, 1:3–19.

Puas tau muaj sij hawm thaum koj “tsis [tau] muaj tswv yim” los sis koj tsis paub koj yuav tsum txiav txim li cas? (Joseph Smith—Keeb Kwm 1:13). Tej yam uas muaj los rau Joseph Smith nyob rau xyoo 1820 yog ib tug txheej txheem zoo txog qhov uas koj txais tau kev tshwm sim rau koj tus kheej. Piv txwv tias, thaum koj nyeem Joseph Smith—Keeb Kwm 1:5–25, cia li nrhiav tej yam uas muaj los uas koj paub txog. Koj kawm dab tsi txog:

• Joseph npaj li cas kom txais tau tej lus dawb ceev thaum nws thov Vajtswv? (saib nqe 8, 11, 14–15).

• Txoj kev kawm vaj lug kub tau pab li cas thaum nrhiav kev tshwm sim? (saib nqe 11–12).

• Koj ua li cas thaum koj raug kev tawm tsam? (saib nqe 15–16, 21–26).

• Txais thiab ua raws li tej lub teb uas koj txais? (saib nqe 18–25).

Koj kawm dab tsi ntxiv los ntawm Thawj Tswj Hwm Henry B. Eyring zaj lus qhia “The First Vision: A Pattern for Personal Revelation”? (Liyahaunas, Ob Hlis Ntuj 2020, 12–17).

Tej zaum koj yuav xav nrhiav lwm cov piv txwv hauv cov vaj lug kub txog neeg uas nrog Vajtswv sib txuas lus. Cov duab hauv phau Txoj Moo Zoo Pawg Duab los sis lwm phau Los, Nrog Kuv Mus pab koj nrhiav tswm yim ntxiv. Sim teb tej lus nug uas sau ua ntej rau txhua qhov piv txwv uas koj nrhiav. Koj tau txais tej lus teb twg rau koj tej lus thov? Koj yuav ua li cas kom pab lwm tus txais lus teb thiab?

Kuj saib Russell M. Nelson, “Mloog Nws Hais,” Liyahaunas, Tsib Hlis Ntuj 2020, 88–92; Tej lub Ntsiab Lus thiab tej Lus Nug, “Kev Tshwm Sim,” Txoj Moo Zoo cov Ntawv.

Joseph Smith ntseeg tias Vajtswv yuav teb nws tej lus thov, tiam sis nws yeej tsis paub tias qhov uas Vajtswv teb yuav hloov nws lub neej npaum li cas—thiab hloov lub ntiaj teb. Thaum koj nyeem txog Joseph zaj lus, cia li xav txog qhov uas Thawj Zaug Ua Yog Toog tau hloov koj lub neej li cas.

Piv txwv tias, Thawj Zaug ua Yog Toog tau qhia ntau yam tseeb txog Vajtswv tus uas yog Leeg Txiv thiab Nws Leej Tub, Yexus Khetos, uas txawv qhov uas ntau tus neeg uas nyob tib lub sij hawm Joseph nyob tau ntseeg. Thaum koj nyeem Joseph Smith—Keeb Kwm 1:15–20, cia li sau seb hais lo lus no koj tiav li cas: “Vim muaj Thawj Zaug ua Yog Toog, kuv paub tias …”

Koj muaj tej kev xav li cas thaum koj xav txog tej yam uas muaj los rau Joseph thiab txhua yam uas tshwm sim?

Kuj saib “Ask of God: Joseph Smith’s First Vision” (vidi-aus), Txoj Moo Zoo cov Ntawv; “Yauxej Xamiv Thawj zaj Thov Vajtswv,” Cov Nkauj Qhuas Vajtswv, zaj 11.

6:35

Nyob hauv nws lub neej, Joseph Smith tau sau ntawv txog lub sij hawm thaum nws nyob hauv Koog Ntoo Dawb Ceev plaub zaug, feem ntau nws siv ib tug teev ntawv sau rau nws. Tsis tas li ntawd, ob peb zaj yog cov neeg uas sau ntawv thaum lawv hnov Joseph hais lus txog nws txoj kev ua yog toog. Txawm yog tej zaj no nyias txawv nyias me ntsis, nyob ntawm seb nws sau rau leej twg thiab thaum twg, tej zaj no feem ntau hais zoo ib yam. Thiab txhua zaj ntxiv tej yam me me uas pab peb to taub tej yam uas muaj los rau Joseph Smith, zoo ib yam li plaub phau Txoj Moo Zoo pab peb to taub tus Cawm Seej txoj kev qhuab qhia ntxiv.

Kuj saib Tej Ntsiab Lus thiab tej Lus Nug, “First Vision Accounts,” Txoj Moo Zoo cov Ntawv.

Tom qab tej yam uas muaj los rau Joseph thiab Thawj Zaug Ua Yog Toog, Joseph kuj xav qhia txog tej yam uas muaj los rau lwm tus. Txoj kev tawm tsam uas nws raug ua rau nws xav tsis thoob. Thaum koj nyeem nws zaj, muaj dab tsi uas txhawb nqa koj kom ua raws nraim li koj zaj lus tim khawv? Muaj leej twg ntxiv uas coj yam ntxwv—los ntawm cov vaj lug kub los sis cov neeg uas koj paub—uas txhawb koj lub siab kom ua raws nraim li tej yam uas muaj los ntawm sab ntsuj plig uas koj tau txais lawm?

Kuj saib Gary E. Stevenson, “Kev Tu thiab Hais Nej Zaj Lus Tim Khawv,” Liyahaunas, Kaum Ib Hlis Ntuj 2022, 111–14.

• Txoj kev kawm txog Joseph Smith thaum nws yog ib tug hluas tej zaum yuav pab tau koj cov me nyuam kawm los ntawm nws lub neej. Tej zaum lawv tuav tau ib daim duab txog Joseph Smith thiab qhia seb lawv paub dab tsi txog nws. Tej zaum koj yuav xav qhia tej yam tseeb txog nws los ntawm Joseph Smith—Keeb Kwm 1:3–14 (kuj saib “Tshooj 1: Joseph Smith thiab Nws Tsev Neeg,” nyob hauv Cov Dab Neeg hauv phau Lus Qhuab Qhia thiab Kev Khi Lus, 6–8, los sis zaj vidi-aus nyob hauv Txoj Moo Zoo cov Ntawv). Tau muaj li cas rau Joseph uas pab nws npaj los ua ib tug yaj saub? Tej zaum Vajtswv npaj peb ua dab tsi?

  

  3:22

• Xav seb puas qhia koj cov me nyuam ntau yam phau ntawv, suav nrog cov vaj lug kub. Pab lawv xav txog tej lus nug uas phau no teb taus. Ces tej zaum nej yuav xav nyeem Joseph Smith—Keeb Kwm 1:10–11 ua ke kom nrhiav seb Joseph Smith muaj tej lus nug dab tsi thiab nws nrhiav tej lus teb twg nyob hauv cov vaj lug kub.

• Tej zaum koj cov me nyuam nrhiav tau tej lo lus nyob hauv nqe 12 uas piav seb txoj kev nyeem Yakaunpaus 1:5 ua rau Joseph xav li cas. Ces tej zaum nej yuav xav qhia txog tej lub sij hawm thaum ib nqe vaj lug kub muaj hwj chim hloov koj lub siab. Tej zaum nej yuav xav hu ib zaj nkauj ua ke txog txoj kev nyeem vaj lug kub, ib yam li “Search, Ponder, and Pray” (Children’s Songbook, 109). Zaj nkauj no qhia dab tsi rau peb txog vim li cas peb nyeem cov vaj lug kub?

• Kom pib sib tham txog txoj kev nrog Leej Txiv Saum Ntuj Ceeb Tsheej sib txuas lus, tej zaum koj thiab koj cov me nyuam yuav siv tej txheej txheem sib txuas lus kom ib leeg nug ib leeg xws li kev ntaus ntawv, hu xov tooj, los sis kev sau ntawv. Peb ua li cas kom nug peb Leej Txiv Saum Ntuj Ceeb Tsheej? Peb yuav ua li cas kom qhia Nws tias peb hlub thiab hwm Nws thaum peb thov Vajtswv? Nyeem Joseph Smith—History 1:16–19 ua ke thiab sib tham seb Leej Txiv Saum Ntuj Ceeb Tsheej teb Joseph Smith tej lus thov li cas. Tej zaum koj thiab koj cov me nyuam yuav xav qhia txog tej lub sij hawm thaum nej thov Vajtswv kom txais kev pab thiab txais lus teb.

• Tej zaum koj cov me nyuam yaus yuav nyiam sawv thiab ua yeeb yam xws li lawv yog tsob ntoo nyob hauv Koog Ntoo Dawb Ceev thaum koj qhia lawv txog Thawj Zaug Ua Yog Toog. Thov kom cov me nyuam co co ib yam li lawv raug cua tshuab thaum koj qhia txog Joseph txoj kev thov Vajtswv. Ces thov kom lawv sawv twj ywm thiab ntsiag to thaum koj qhia lawv tias Leej Txiv Saum Ntuj Ceeb Tsheej thiab Yexus Khetos tshwm sim rau Joseph.

• Tej zaum cov me nyuam loj yuav nyiam siv cov duab nyob hauv daim ntawv no kom qhia koj seb lawv paub dab tsi txog Thawj Zaug Ua Yog Toog. Txhawb kom lawv hais raws li Joseph Smith—Keeb Kwm 1:14–17 thiab qhia lawv txoj kev xav txog tej yam uas muaj los rau Joseph (kuj saib “Tshooj 2: Joseph Smith Thawj txoj Kev Ua Yog Toog,” nyob hauv Cov Dab Neeg hauv phau Lus Qhuab Qhia thiab Kev Khi Lus, 9–12, los sis zaj vidi-aus nyob hauv Txoj Moo Zoo cov Ntawv).

  

  3:23