Dipinguluja dia Tshiwudi tshia Lumu Luimpa lua Yezu Kilisto

Mu muenenu weba, buatshinyi dimanyisha pa Dipinguluja ndibanga ne dimanyisha pa dinanga dia Nzambi? Pawudi ulonga dimanyisha, keba biambilu bia dinanga dia Nzambi bua “bana benda mu bisamba bionsu bia pa buloba.” Mushindu kayi udi Dipinguluja dia lumu luimpa dikuambuluisha bua umvua dinanga dienda?

Tangila kabidi Gerrit W. Gong, “All Nations, Kindreds, and Tongues,” Liahona, Ngondu wa Dikumi ne Umua 2020, 38–41.

Bidi mua kuambibua ne Mupandishi wakabanga Dipinguluja dia lumu luimpa luenda ku diandamuna ku lukonku. Mukenji kayi uwudi umvua udi Dimanyisha dia Dipinguluja dikala nawu bua muntu udi ne nkonku pa Nzambi, pa lumu luimpa, anyi pa “lupandu lua anyima wenda”? Udi kabidi mua kulonga Joseph Smith—Mulubu 1:5–20 bua kumona tshiudi mua kulonga ku Joseph Smith pa dipeta mandamuna ku nkonku ya lumu luimpa.

Tangila kabidi Biena Bualu ne Nkonku, “Seeking Answers [Dikeba Mandamuna],” Tshisangi tshia Lumu Luimpa.

Tshinyi tshiudi mumanya pa “Ekelezia wa Yezu Kilisto wa Dipungila Dipia-dipia,” uvua Mupandishi mupingajilula kupitshila ku Joseph Smith? Ela meji bua dilonga mifundu eyi ne kutela mulongu wa ngikadilu ya Ekelezia wenda:

• Matayo 16:15–19

  Create a Note

• Mako 16:15–18

  Create a Note

• Luka 6:12–13

  Create a Note

• Bienzedi 4:34–35

  Create a Note

• 1 Kolinto 15:29

  Create a Note

• Efeso 4:11–15

  Create a Note

Pashisha, udi mua kutuangaja mifundu idi kuinshi eyi ne idi kulu, idi yumvuija mushindu uvua Yezu Kilisto mupingajilula ngikadilu ya Ekelezia wenda kupitshila ku Joseph Smith:

• Dilongesha ne Bipungidi 18:37–38; 107:23–24

  Create a Note

• Dilongesha ne Bipungidi 51:3; 70:14

  Create a Note

• Dilongesha ne Bipungidi 84:64–72

  Create a Note

• Dilongesha ne Bipungidi 110:11–16

  Create a Note

• Dilongesha ne Bipungidi 124:31, 36

  Create a Note

• Tunungu tua Ditabuija 1:6

  Create a Note

Buatshinyi udi ne dianyisha bua Dipinguluja dia lumu luimpa lua Yezu Kilisto?

Mukulu Jeffrey R. Holland ne mukaji wenda bavua bateta bua kufuanyikija mushindu uvuabu bumvua mu disomba kumpala kua Ekelezia mupingajilula. “Tshinyi tshituvua mua kusua bua kuikala natshi?” ki muvuabu badikonka. Bala pa malu mabafikila abu mu “A Perfect Brightness of Hope” (Liahona, Ngondu Muitanu 2020, 81–82). Mushindu kayi udi Dipinguluja dikuambuluisha bua kukumbaja matekemena eba a mu nyuma?

Tangila kabidi Biena Bualu ne Nkonku, “Apostasy and the Restoration of the Gospel,” Tshisangi tshia Lumu Luimpa.

Ukadi muela meji wewa bu ne udi tshitupa tshia Dipinguluja dia lumu luimpa? Ela meji pa miaku eyi ya kudi Mulombodi Mukulu Dieter F. Uchtdorf: “imua misangu tudi tuela meji a Dipinguluja dia lumu luimpa bu tshintu kampanda tshikadi tshienzeka kujika, ne tshikadi panyima petu. … Mu bulelela, Dipinguluja didi ngenzelu udi mu ditungunuka, tudi basomba mu yeya mpindiewu bushuwa” (“Are You Sleeping through the Restoration?,” Liahona, Ngondu Muitanu 2014, 59).

Pawudi udilongolola bua kulonga mushindu udi lumu luimpa lupingajilula mu 1800, udi mua kubanga kunana meji mushindu udilu lupingajilula mu moyo weba. Bala Dimanyisha dia Dipinguluja ne nkonku eyi mu meji: Mushindu kayi undi mufika ku dimanya ne tshidi bulelela? Mushindu kayi undi ndibuinka mu Dipinguluja lelu?

Tshinyi tshidi tshiambilu “Diûlu didi diunzuluka” tshiumvuija kuwudi? Tshipeta kayi tshiudi umona—mu Dimanyisha dia Dipinguluja, mu Ekelezia lelu, mu mifundu, ne mu moyo weba—ne Diûlu didi diunzuluka bushuwa?

Udi mua kuangata kabidi “The Morning Breaks” (Misambu, no. 1) bu tshitupa dia dilonga dieba. Tshinyi tshiudi mupeta mu musambu ewu tshidi tshikumbaja lumvu lueba bua tshiambilu “diûlu didi diunzuluka”?

Tangila kabidi Quentin L. Cook, “The Blessing of Continuing Revelation to Prophets and Personal Revelation to Guide Our Lives,” Liahona, Ngondu Muitanu 2020, 96–100.

• Pawudi ubala bitupa bia Dimanyisha dia Dipinguluja ne bana beba (anyi numona video wa Mulombodi Mukulu Nelson udibala), bambuluisha bua bapeta biambilu bidi miaku bu “tudi tumanyisha,” “tudi tuamba,” anyi “tudi tujadika.” Malelela kayi adi bambi ne bapostolo betu bamanyisha? Pamuapa wewa ne bana beba nudi mua kuabanyangana pa bujadiki buenu bua ku amua a malelela â.

  

  6:0

• Bidi mua kusankisha bana beba bua kujandula imua ya ku nkonku ya Joseph Smith yakalombola ku Dipinguluja dia lumu luimpa Mupandishi. Bambuluisha bua bapeta bilejilu bikuabu mu Joseph Smith—Mulubu 1:10, 29, 68. Mushindu kayi utudi babeneshibua lelu bualu Nzambi wakandamuna ku nkonku ya Joseph Smith?

• Udi mua kupesha bana tshikondu bua kuakula pa nkonku idibu nayi. Tshinyi tshitudi balonga ku Joseph Smith pa mushindu wa kupeta mandamuna? (tangila Joseph Smith—Mulubu 1:8–17; tangila kabidi kanungu 3 ne 4 ya “This Is My Beloved Son,” Children’s Songbook, 76).

• Mbanganyi bavua “batumibua ba ku diûlu bakalua bua kulongesha Joseph”? Bana beba badi mua kusanka bua kukeba bimfuanyi biabu mu Gospel Art Book [Mukanda wa Bimfuanyi bia Lumu Luimpa] (tangila nos. 91, 93, 94, 95). Mushindu kayi udi yonsu wa ku batumibua bambuluisha “dishindamijilula dia Ekelezia wa Yezu Kilisto”? Mifundu mileja mu dibeji dia tshibilu tshia lumingu elu idi mua kuambuluisha bana beba bua kuandamuna lukonku elu.

• Mushindu kayi uwudi mua kuambuluisha bana beba bua kumvua tshidi tshiumvuija pa Ekelezia wa Mupandishi mmupingulujibua? Pamuapa badi mua kuibaka tshibumba tshikesa ne madiotu anyi ne makopu ne “kupinguluja,” anyi kutshibakulula. Anyi, padi bana beba bakadi bapingaja tshintu kampanda bualu tshivua tshijimina anyi tshinyanguka, udi mua kupima dimanya edi ku dia Mupandishi dia dipinguluja dia Ekelezia. Bambuluisha bua bapeta bintu bisunguluka bidi bifunda mu Dimanyisha dia Dipinguluja ne Mupandishi wakapingajilula.

• Bua kuleja tshidi tshiambilu “diûlu didi diunzuluka” tshiumvuija, pamuapa nudi mua kuabanyanga mukenji ne bana beba, tshiakumpala panyima pa tshibi tshikanga ne pashisha ku tshibi tshiunzulula. Balekela babanya pabu mukenji. Mikenji kayi idi Yezu nayi buetu? Mamanya kayi avua matuambuluisha bua kumanya ne diûlu didi diunzuluka kutudi?