Dilongesha ne Bipungidi 2; Joseph Smith—Mulubu 1:27–65

Tshidi tshintu tshimua tshia kuitabuija ne Nzambi uvua ne mudimu bua Joseph kuenza—tudi mua kutangila panyima mu nsombelu wenda ne kumona patoka tshivuaye mukumbaja. Kadi ukadi muela meji ne Nzambi udi ne mudimu bueba kabidi? Pawudi ubala Joseph Smith—Mulubu 1:27–33, ela meji pa tshidi mua kuikala mudimu awu? Mushindu kayi udiwu ukuatshisha ditungunuja Dipinguluja dia lumu luimpa lua Mupandishi?

Mukulu Gary E. Stevenson wakalongesha: “Patudi tulua kudi Kilisto ne tuambuluisha bakuabu bua kuenza bia momumua, tudi tudibuinka mu mudimu wa lupandu ne wa dizanjikibua wa Nzambi, udi wimanyina pa majitu a bunzambi maleja. … majitu â adi mapepela, afila meji, asaka, ne akumbajibua. Nyoyeyi apa:

• Kuteka lumu luimpa lua Yezu Kilisto mu tshienzedi

• Diambuluisha dia badi ne dijinga

• Dibikila bonsu bua bapeta lumu luimpa

• Disangisha mêku bua kashidi” (“Simply Beautiful—Beautifully Simple,” Liahona, Ngondu wa Dikumi ne Umua 2021, 47).

Nana meji pa mamanya awuvua mupeta mu didibuinka mu onsu a ku majitu a bunzambi maleja â. Tshinyi tshidi Mupandishi musua bua wenza kabidi? Kudi dibeji dia Biena Bualu ne Nkonku bua bujitu bonsu bua ku majitu (tangila “Our Role in God’s Work of Salvation and Exaltation, [Mudimu Wetu mu Mudimu wa Lupandu ne Dizanjikibua wa Nzambi]” Tshisangi tshia Lumu Luimpa). Udi mua kutangilula mabeji â bua kukuambuluisha bua kuandamuna lukonku elu.

Misangu mikuabu udi mua kudiumvua bu ne Mukalenga kena mua kukuata neba mudimu bua bilema biudi muenza. Tshinyi tshiudi mulonga ku dimanya dia Joseph Smith mu Joseph Smith—Mulubu 1:28–29? Mushindu kayi uwudi mua kumanya luseka lueba kumpala kua Nzambi?

Tangila kabidi “Youth Responsibility in the Work of Salvation [Bujitu bua Bansonga mu Mudimu wa Lupandu]” (video), ChurchofJesusChrist.org; “Mudimu wa Lupandu ne Dizanjikibua,” Mukanda Munena wa Muludiki, 1.2.

3:15

Padi Moloni mumuenekela Joseph Smith, wakatela mambi a bungi a Dipungila Dikulukulu ne Dipia-Dipia, bu mudi Yeshaya 11; Bienzedi 3:22–23; ne Yowele 2:28–32. Pawudi ubala Joseph Smith—Mulubu 1:34–47, ela meji pa buatshinyi mambi â avua ne mushinga kudi Joseph bua kuamanya. Buatshinyi adi ne mushinga bueba wewa bua kuamanya?’

Udi mua kubala kabidi tshidi Mukulu David A. Bednar mulongesha pa dikumbula dia kumpala dia Moloni kudi Joseph Smith mu “With the Power of God in Great Glory” (Liahona, Ngondu wa Dikumi ne Umua 2021, 28).

13:16

Tangila kabidi “An Angel from on High,” Hymns, no. 13.

Joseph uvua amu ne bidimu 17 pavuaye mumona bitata bia ngolo bua musangu wa kumpala. Kabiakaya kulamibua ku bukubi buenda to, too ne pakakumbana bidimu binayi. Bala Joseph Smith—Mulubu 1:48–60, bua kukeba tshivua tshipitakana mu moyo wa Joseph mu tshikondu atshi. Mushindu kayi uwudi wela meji mudi bikuma ebi bimulongolola bua kuenza mudimu uvua Nzambi mumubikila bua kuenza? Mamanya kayi awuvua mupeta avua makulongolola bua kusadila Nzambi ne bakuabu? Tshinyi tshiudi umanya mpindiewu tshidi tshikuambuluisha bua kudilongolola bua disadila dialua?

Ntshinyi tshidi miaku eyi bu “kukuna,” “mioyo,” ne “kupingana” mu tshitupa etshi ikulongesha pa bukenji bua Eliya ne mabenesha a nsapi ya buakuidi ivuaye mupingajilula? Mushindu kayi uwuvua mumvua moyo weba mupingana kudi bankambua beba? Ela meji pa mishindu yiwudi mua kumanya ngumvuilu ewu misangu yonsu. Mushindu umua udi dikeba dia bankambua beba ne dibakumbajila dia milulu mu ntempelo (tangila FamilySearch.org). Ku tshinyi tshikuabu tshiudi mua kuela meji?

Tangila kabidi Dilongesha ne Bipungidi 110:13–16; Gerrit W. Gong, “Happy and Forever,” Liahona, Ngondu wa Dikumi ne Umua 2022, 83–86.

• Tudi tudiumvua bonsu misangu mikuabu “bapishibua bua mateketa ne bilema [bietu],” bu muvua Joseph Smith muenza. Wewa ne bana beba nudi mua kulonga Joseph Smith—Mulubu 1:29 pamua, mu dikeba tshiuvua Joseph muenza pavuaye mumvua mushindu awu. Tshinyi tshitudi mua kulonga ku tshilejilu etshi tshidi mua kutuambuluisha patudi tuenza bilema? Buatshinyi bidi ne mushinga bua kumanya ne Joseph Smith uvua mubikidibua kudi Nzambi nansha muvuaye kayi muakana?

• Bana beba badi mua kudifuanyikija bikala Joseph Smith pawudi ubalondela mulubu wa makumbula a Moloni mu Joseph Smith—Mulubu 1:27–54 anyi “Chapter 3: The Angel Moroni and the Gold Plates” (mu Miyuki ya Dilongesha ne Bipungidi, 13–17, anyi video udi upetangana mu Tshisangi tshia Lumu Luimpa). Tshilejilu, badi mua kuvunga maboku bu badi basambila anyi badi bidikija kubanda mukuna wa Kimola, ne bikuabu. Pashisha udi mua kubalomba bua bakula pa tshidi Nzambi mubikidila Joseph Smith bua kuenza ne mushindu utudi babeneshibua bu tshipeta. Tshilejilu, mushindu kayi utudi babeneshibua bualu Joseph Smith mukudimuna Mukanda wa Molomo? Mushindu kayi udi mudimu wenda mutuambuluisha bua kusemena pabuipi ne Tatu wa mu Diûlu ne Yezu Kilisto?

  

  2:29

• Pamuapa wewa ne bana beba nudi mua kusanka bua dimona bimfuanyi bikuabu bia dîku, udi mua kuangata tshimfuanyi tshia dîku dieba ku ntempelo biobi bikumbana (anyi Gospel Art Book, no. 120). Pashisha nudi mua kubala Dilongesha ne Bipungidi 2 ne kuabanyangana umua ne mukuabu pa tubingila tutudi ne ntempelo ne buatshinyi Tatu wa mu Diûlu mmusua mêku ikala pamua bua kashidi. Ela meji bua kuimba pamua “Families Can Be Together Forever” (Mukanda wa Misambu ya Bana, 188). Tshinyi tshidi musambu eu wamba tshitudi mua kuenza bua kuikala ne dîku dietu bua kashidi?

• Bana badi mua kusangela ne kumvua disanka bua muyuki wa dîku. Bua kubambuluisha, nudi mua kuabanyangana miyuki anyi bimfuanyi bia bankambua beba. Akulangana ne bana beba pa tshivua nsombelu wa bankambua babu pavuabu bikala bana. Bana beba badi mua kusanka kabidi ne bibilu bikuabu bia miyuki ya dîku pa FamilySearch.org/discovery.