3 Nifais 12–16

Nov yog ib txoj kev rau koj kawm thiab ua raws li tej yam uas tus Cawm Seej tau qhia nyob hauv 3 Nifais 12–14: Cia li xaiv ob peb nqe thiab sim seb koj puas txawj hais ntsiab lus uas ntev li ib kab lus xwb txog tej yam uas ob peb nqe ntawd qhia, pib li no hais tias “Yexus Khetos cov thwj tim tseeb …” Piv txwv hais tias, tej zaum ib lub ntsiab lus txog 3 Nifais 13:1–8 yuav hais li no “Yexus Khetos cov thwj tim tseeb yeej tsis nrhiav kev qhuas thaum ua zoo.” Cia li sim ua li no rau tej nqe no:

• 12:3–16:

  Tsim Lus Cim

• 12:38–44:

  Tsim Lus Cim

• 13:19–24:

  Tsim Lus Cim

• 14:1–5:

  Tsim Lus Cim

• 14:21–27:

  Tsim Lus Cim

• Lwm nqe uas tshoov koj lub siab

Tom qab koj nyeem tej nqe no, koj xav tias koj yuav ua li cas kom coj raws li Yexus Khetos?

Cov lus txib hauv 3 Nifais 12:48 yeej nyuaj heev—ntshe yus xav tias yus ua tsis taus. Koj kawm dab tsi los ntawm Txwj Laug Jeffrey R. Holland zaj lus “Ua Neeg Zoo Tag Nrho—Thaum Kawg” (Liyahaunas, Kaum Ib Hlis Ntuj 2017, 40–42) uas pab koj to taub tus Cawm Seej tej lus hauv nqe no? Raws li Maulaunais 10:32–33, dab tsi ua rau yus ua tau zoo tag nrho li tus Cawm Seej?

Kuj saib Dallin H. Oaks, “The Challenge to Become,” Ensign, Kaum Ib Hlis Ntuj 2000, 32–34; Txoj Moo Zoo tej Ntsiab Lus, “Become like Jesus Christ,” Txoj Moo Zoo cov Ntawv; “Tus Tswv, Kuv Yuav Nrog Koj Mus,” Cov Nkauj Qhuas Vajtswv, zaj 98; “Jesus Christ Teaches How to Live the Higher Law” (vidi-aus), Txoj Moo Zoo cov Ntawv.

Vajtswv cov me nyuam tsawg tus tau pom tus Cawm Seej thiab tau hnov Nws lub suab, zoo li cov neeg hauv Huaj Vam tau pom thiab hnov. Peb feem coob yeej zoo li cov neeg nyob hauv 3 Nifais 12:2; 15:23; thiab 16:4–6. Tus Tswv tau cog lus dab tsi rau cov neeg zoo li no nyob hauv tej nqe no? Puas tau muaj raws li tej lus cog tseg no nyob hauv koj lub neej?

Kuj saib Yauhas 20:26–29; 2 Nifais 26:12–13; Amas 32:16–18.

Ib lub ntsiab lus uas koj yuav kawm hauv tej tshooj no yog tus Cawm Seej txoj kev caw peb ua raws li ib txoj kev cai siab dua—tsis yog hais kom peb ua ncaj ncees xwb tiam sis muaj kev ncaj ncees hauv peb lub siab thiab. Nrhiav lub ntsiab lus thaum tus Cawm Seej hais txog kev sib cav sib ceg (3 Nifais 12:21–26), kev tsis txawj tuag (3 Nifais 12:27–30), kev thov Vajtswv (3 Nifais 13:5–8), thiab kev yoo mov (3 Nifais 13:16–18). Koj nrhiav tau tej yam ntxwv ntxiv twg? Koj yuav ua li cas kom koj lub siab xav tau tej yam dawb huv?

Thaum koj nyeem tus Tswv tej lus caw nyob hauv 3 Nifais 14:7–11 kom koj thov, nrhiav, thiab khob, cia li xav txog “tej yam zoo” uas Nws xav kom koj thov. Tej nqe ntxiv no tej zaum yuav pab koj to taub koj yuav tsum ua li cas kom thov, nrhiav, thiab khob. Tej zaum tej nqe no yuav piav yog vim li cas Vajtswv tsis teb koj tej lus thov raws li koj xav: Yaxayas 55:8–9; Hilamas 10:4–5; Maulaunais 7:26–27, 33, 37; thiab Lus Qhuab Qhia thiab Kev Khi Lus 9:7–9; 88:64. Tej nqe no yuav hloov koj txoj kev thov, nrhiav, thiab khob qhov rooj li cas?

Kuj saib Milton Camargo, “Thov, Nrhiav, thiab Khob Qhov Rooj,” Liyahaunas, Kaum Ib Hlis Ntuj 2020, 106–8.

• Tej lub sij hawm cov me nyuam yuav tsis paub tias lawv tus yam ntxwv yuav pab npaum li cas kom foom koob hmoov rau lwm tus. Siv 3 Nifais 12:14–16 kom txhawb nqa lawv kom lawv cia lawv txoj kev kaj ci ntsa iab. Piv txwv hais tias, thaum koj nyeem “koj” hauv nqe no, hais kom koj cov me nyuam taw tes rau lawv tus kheej. Qhia cov me nyuam tias koj pom txoj kev kaj hauv lawv lub siab thaum lawv ua raws li Yexus Khetos thiab vim li cas qhov no txhawb kom koj ua raws li Nws thiab. Tej zaum nej kuj yuav xav hu ib zaj nkauj uas txhawb kom cov me nyuam ci ntsa iab, ib yam li “I Am like a Star” (Children’s Songbook, 163).

• Cia koj cov me nyuam nkaum los sis npog lub teeb kom yaum lawv tsis txhob zais lawv txoj kev kaj ci ntsa iab (saib 3 Nifais 12:15). Tej zaum lawv yuav xav qhib lub teeb txhua zaus lawv qhia txog ib txoj kev lawv ua yam ntxwv zoo rau lwm tus.

• Tej zaum kev nyeem tej nqe no yuav pab nej sib tham txog tej yam uas muaj nqis rau peb. Tej zaum koj yuav xav coj koj cov me nyuam mus nrhiav tej uas muaj nqis uas ua rau lawv nco txog tej yam uas muaj nqis mus ib txhis li.

• Thaum koj nyeem 3 Nifais 14:7, tej zaum koj cov me nyuam yuav xav siv lub cev ua tej yam uas qhia txog tus Cawm Seej tej lub caw hauv nqe no. Piv txwv tias, lawv tsa tes (nug), siv lawv ob txhais tes los ua zoo li tuav lub koob tsom deb (nrhiav), los sis ua txuj khob qhov rooj (khob qhov rooj) los tau. Pab koj cov me nyuam xav txog tej yam uas lawv hais thiab thov tau thaum lawv thov Vajtswv.

• Tej zaum cov me nyuam yuav nyiam ua si thaum lawv thov kom tau ib yam khoom thiab txais ib yam uas txawv heev. Nyob hauv 3 Nifais 14:7–11, tus Cawm Seej xav kom peb paub dab tsi txog Leej Txiv Saum Ntuj Ceeb Tsheej?

• Cia li xav txog tej yam uas yuav pab koj cov me nyuam xav txog zaj lus piv txwv hauv tej nqe no. Tej zaum lawv yuav xav kos duab, piav tes taw, los sis muab tej yam tsa saum ib lub hauv paus ruaj nrees thiab ib lub pob zeb uas yog xuab zeb ua. Tej zaum lawv xav pauv lawv lub npe rau “tus neeg txawj ntse” thaum lawv nyeem 3 Nephi 14:24–27 los sis hu zaj nkauj “The Wise Man and the Foolish Man” (Children’s Songbook, 281). Los sis tej zaum lawv yuav xav sawv txhua zaus lawv hnov lo lus “ua” hauv 3 Nifais 14:21–27 thiab 15:1.

• Koj ua tau zaj lus qhia uas siv khoom no: hais kom koj cov me nyuam xav tias lawv ib txhais ceg sawv cev rau txoj kev hnov​tus Cawm Seej thiab lwm txhais ceg sawv cev rau txoj kev ua raws li tus Cawm Seej tau qhia. Caw kom koj cov me nyuam siv sab ceg uas “mloog” xwb sawv. Yuav ua li cas yog tias cua hlob nkag hauv chav? Ces koj thiab koj cov me nyuam yuav nrhiav tej yam uas tus Cawm Seej tau qhia kom peb ua: saib 3 Nifais 12:3–12, 21–26; 13:5–8.