Hilamas 7–12

Hilamas 7–11 yeej yog ib zaj zoo heev kom kawm tias cov yaj saub ua dab tsi. Thaum koj nyeem tej tshooj no, cia li tsom ntsoov rau tej yam uas Nifais ua, xav thiab thaum nws sib tham nrog tus Tswv. Nifais txoj kev qhuab qhia pab koj li cas kom to taub tus yaj saub lub luag hauj lwm? Nov yog ob peb zaj lus piv txwv. Koj nrhiav tau dab tsi ntxiv?

• Hilamas 7:17–22: Cov yaj saub hais kom neeg hloov siab lees txim thiab ceeb toom txog tej yam yus raug thaum ua txhaum.

• Hilamas 7:29; 9:21–36:

  Tsim Lus Cim

• Hilamas 8:13–23:

  Tsim Lus Cim

• Hilamas 10:7:

  Tsim Lus Cim

• Hilamas 10:4–7, 11–12:

  Tsim Lus Cim

Raws li tej yam uas koj tau nyeem, koj yuav piav li cas txog qhov uas ib tug yaj saub yog leej twg thiab nws ua dab tsi? Xav seb puas sau kev txhais lo lus ntawd kom meej. Ces saib seb koj yuav tsum sau dab tsi ntxiv tom qab koj nyeem zaj lus hu ua “Yaj Saub” nyob hauv Phau Qhia txog Vaj Lug Kub (Txoj Moo Zoo cov Ntawv) los sis “Follow the Living Prophet” (Teachings of Presidents of the Church: Ezra Taft Benson [2014], 147–55).

Koj puas tau pom tias Nifais ua siab loj npaum li cas nyob hauv Hilamas 7:11–29? Vim li cas koj xav tias cov yaj saub yuav tsum ua siab loj hais lus ib yam li Nifais tau ua? Xav seb puas nrhiav tej lus teb hauv nqe hu ua “Tsis Txhob Xav Tsis Thoob” nyob hauv Txwj Laug Neil L. Andersen zaj lus “Vajtswv tus Yaj Saub” (Liyahaunas, Tsib Hlis Ntuj 2018, 26).

Thaum koj xav txog tej lus tseeb no, cia li xav txog qhov uas tus Tswv tau foom koob hmoov rau koj li cas dhau los ntawm Nws cov yaj saub txoj kev qhuab qhia. Tsis ntev tas los nws tau qhia dab tsi rau koj dhau los ntawm peb tus yaj saub? Koj ua dab tsi kom mloog thiab ua raws li tus Tswv qhia?

Kuj saib Txoj Moo Zoo tej Ntsiab Lus, “Prophets,” Txoj Moo Zoo cov Ntawv.

Yog tias tej cim los sis tej txuj ci tseem ceeb txaus ua rau ib tug neeg hloov siab, ces ntshe tag nrho cov Neeg Nifais tau hloov siab los ntseeg vim Nifais tau ua tej cim zoo kawg nkaus nyob hauv Hilamas 9. Thiab tsis tau muaj li ntawd. Saib seb tib neeg tau ua li cas thaum muaj tej txuj ci tseem ceeb nyob hauv Hilamas 9–10. Piv txwv hais tias, tej zaum koj yuav xav muab tej yam uas tsib tug txiv neej ua piv rau tej yam uas cov thawj txiav txim tau ua nyob hauv Hilamas 9:1–20 (kuj saib Hilamas 9:39–41; 10:12–15). Koj kawm dab tsi los ntawm tej yam no txog txoj kev txhawb nqa koj txoj kev ntseeg Yexus Khetos?

Kuj saib 3 Nifais 1:22; 2:1–2.

Thaum koj kawm Hilamas 10:1–12, saib seb Nifais tau ua li cas kom tus Tswv tso siab rau nws. Nifais tau ua li cas qhia tias nws xav ua raws li tus Tswv lub siab nyiam thiab tsis xav ua raws li nws tus kheej lub siab nyiam xwb? Nifais zaj no tshoov koj lub siab ua dab tsi?

Yog tias tau muaj ib lub sij hawm thaum koj poob siab, txhawj xeeb, los sis ua xyem xyav, tej zaum koj yuav kawm ib yam tseem ceeb los ntawm Nifais tus yam ntxwv nyob hauv Hilamas 10:2–4. Nws tau ua li cas thaum nws “poob siab”? (nqe 3).

Thawj Tswj Hwm Henry B. Eyring qhia tias, “Thaum peb xav txog vaj lug kub, ua rau peb txais tau tus Ntsuj Plig txoj kev tshwm sim” (“Serve with the Spirit,” Liyahaunas, Kaum Ib Hlis Ntuj 2010, 60). Koj yuav ua li cas kom teem sij hawm rau koj xav txog tej yam?

Koj ua li cas kom nco qab tej xov xwm tseem ceeb—xws li ib tug neeg hauv koj tsev neeg hnub yug los sis thaum yuav xeem ntawv? Tej no puas zoo li tej yam yus yuav tsum ua kom thiaj li “nco txog tus Tswv”? (Hilamas 12:5). Tej no sib txawv li cas?

Hilamas 12 piav txog ob peb yam uas ua rau tib neeg tsis nco qab tus Tswv. Tej zaum koj yuav xav sau tej ntawd thiab xav seb tej ntawd puas ua rau koj tsis nco qab txog Nws thiab. Tej yam twg pab koj nco txog Yexus Khetos? Koj txais kev tshoov siab ua dab tsi los ntawm tej yam uas koj kawm?

Kuj saib Lus Qhuab Qhia thiab Kev Khi Lus 20:77, 79; “Reverently and Meekly Now,” Cov Nkauj Qhuas Vajtswv, zaj 185.

• Kom pib sib tham txog kev nco txog tus Tswv, tej zaum koj yuav xav qhia koj cov me nyuam txog ib lub sij hawm thaum koj tsis nco qab ib yam dab tsi. Cia lawv hais txog tej zaj zoo li no thiab. Ces tej zaum nej yuav xav nyeem Hilamas 7:20–21 ua ke thiab nug koj cov me nyuam seb lawv xav tias qhov uas yus tsis nco qab txog Vajtswv zoo li cas. Tej zaum koj cov me nyuam yuav xav kos duab txog tej yam uas ua rau peb tsis nco qab tus Tswv thiab siv lawv cov duab npog ib daim duab txog Yexus. Ces cia lawv xav txog tej yam uas lawv ua tau kom nco txog Nws. Thaum lawv hais tias lawv xav li cas, lawv tshem tau cov duab ib daim mus ib daim txog thaum pom tau daim duab txog tus Cawm Seej tag nrho.

• Pab koj cov me nyuam nrhiav hauv Hilamas 8:13–23 kom nrhiav tau lub npe ntawm cov yaj saub uas qhia txog Yexus Khetos. Tej zaum lawv yuav xav muab ib daim duab txog Yexus pub rau lwm tus txhua zaus lawv nrhiav tau. Peb tus yaj saub uas muaj niaj hnub nim no tau qhia dab tsi txog tus Cawm Seej.

• Tej zaum nej yuav xav hu ib zaj nkauj ua ke txog cov lus txib, xws li “Follow the Prophet” (Children’s Songbook, 110–11). Tej zaum koj thiab koj cov me nyuam yuav xav xaiv ib kab lus los ntawm zaj nkauj thiab sau ib lo lus los ntawm kab lus ntawd rau ob peb hneev taw ntawv. Ces koj tso tau cov hneev taw ntawv hauv av raws txoj kev mus txog thaum pom tau ib daim duab txog tus Cawm Seej, thiab cia koj cov me nyuam taug kev raws cov hneev taw ntawv mus pom daim duab ntawd. Qhov uas peb coj raws li tus yaj saub tau pab peb li cas kom los cuag Yexus Khetos?

• Kom pab koj cov me nyuam to taub tias kev xav txhais li cas, tej zaum koj yuav xav nrog lawv nyeem “Xav Txog” nyob hauv Phau Qhia txog Vaj Lug Kub (Txoj Moo Zoo cov Ntawv). Muaj tej lus twg uas zoo li lo lus xav? Tej nej yuav xav nyeem Hilamas 10:1–3 ua ke thiab muab lo lus xav pauv ua lwm yam. Nrog koj cov me nyuam tham txog tej yam uas lawv ua taus kom xav txog cov vaj lug kub thaum lawv kawm.

• Nifais tau ua raws li Leej Txiv Saum Ntuj Ceeb Tsheej hais txawm yog nws yuav tsum ua tej yam nyuaj los. Piv txwv hais tias, koj thiab koj cov me nyuam nyeem Hilamas 10:2, 11–12 los tau. Tej zaum koj cov me nyuam yuav xav ua yeeb yam txog tej yam uas Nifais ua—taug kev mus rau chav ib sab (zoo lawv mus tsev), nres, tig los, thiab tuag kev rov qab los (zoo li lawv rov qab los qhia cov neeg). Leej Txiv Saum Ntuj Ceeb Tsheej xav kom peb ua tej yam twg?