“Yim Hli Ntuj 5–11: ‘Txoj Hau Kev Zoo Siab uas Tseem Ceeb.’ Amas 39–42,” Los, Nrog Kuv Mus—Siv hauv Tsev thiab lub Koom Txoos: Phau Ntawv Maumoos 2024 (2023)
“Yim Hli Ntuj 5–11. Amas 39–42,” Los, Nrog Kuv Mus—Siv hauv Tsev thiab lub Koom Txoos: 2024 (2023)
Nws Sawv Rov Los, los ntawm Del Parson
Yim Hli Ntuj 5–11: “Txoj Hau Kev Zoo Siab uas Tseem Ceeb”
Amas 39–42
Thaum ib tug neeg uas peb hlub tau ua yuam kev loj heev, nyuaj rau peb paub ua li cas. Ib yam uas muaj nqis heev nyob hauv Amas 39–42 yog qhov uas Amas tau ua li cas thaum muaj xwm txheej li no vim nws yog Khetos ib tug thwj tim uas dhau los twb muaj tej kev txhaum loj heev nws thiaj li yuav tsum hloov siab lees txim. Amas tus tub Khali-atoos tau ua txhaum kev cai coj dawb huv, thiab Amas, ua li nws twb tau kawm ua hauv nws txoj hauj lwm qhuab qhia, nws tso siab rau lub hwj chim ntawm cov lus qhuab qhia tseeb kom txhawb nqa nws tus tub xav hloov siab lees txim thiab muaj lub zeem muag pom mus ib txhis li (saib Amas 4:19; 31:5). Nyob hauv tej tshooj no, peb pom Amas txoj kev ua siab loj hais tias kev txhaum yeej tsis zoo thiab nws txoj kev hlub rau Khali-atoos. Thiab thaum kawg, peb xav tias Amas txoj kev tso siab hais tias tus Cawm Seej “yuav los tshem neeg ntiaj teb tej kev txhaum mus [thiab] yuav los tshaj tawm tej moo zoo siab ntawm kev cawm seej” rau nws cov neeg (Amas 39:15). Vim Khali-atoos tau rov qab ua txoj hauj lwm qhuab qhia (saib Amas 49:30) ces peb yuav muaj kev cia siab rau txoj kev zam txim thiab kev txhiv dim thaum peb raug xeeb txob txog peb tej kev txhaum los sis ib tug uas peb hlub tej kev txhaum (saib Amas 42:29).
Kuj saib, “Alma Counsels His Sons” (vidi-aus), Txoj Moo Zoo cov Ntawv.
Tej Tswv Yim Pab Qhia hauv Tsev thiab lub Koom Txoos
Kuv dim tau kev txhaum kev cai coj dawb huv.
Amas tej lus ntuas rau nws tus tub Khauli-atoos nyob hauv Amas 39 muab lub cib fim zoo los kawm txog tej kev puas tsuaj uas los ntawm kev txhaum kev cai coj dawb huv, tsis hais kev saib duab liab qab. Tej zaum tseem ceeb dua, yuav pab koj to taub tus Cawm Seej txoj kev zam txim thiab kev kho rau cov neeg uas hloov siab lees txim. Tej lus nug thiab tej yam ntxim saib ntxim ua no los tej zaum yuav pab:
-
Tej kev ua yuam kev twg ua kom Khauli-atoos tsis ua raws li txoj kev cai coj dawb huv? (saib Amas 39:2–4, 8–9). Tau muaj li cas vim nws ua li ntawd? (saib nqe 5–13). Puas muaj dab tsi uas qhia tias Khauli-atoos tau hloov siab lees txim? (saib Amas 42:31; 49:30; 48:18). Koj kawm dab tsi txog tus Cawm Seej los ntawm qhov no?
-
Nyeem phab ntawv 19-20 los ntawm Ntxiv Dag Zog rau cov Tub Hluas Ntxhais Hluas: Phau Ntawv Coj Kev Pab Neeg Xaiv. Ces sau koj tus kheej piav seb duab liab qab yog dab tsi, vim li cas thiaj txaus ntshai, thiab seb koj yuav ua li cas thaum koj pom. {Kuj saib Mathais 5:27-28 thiab Lus Qhuab Qhia thiab Kev Khi Lus 63:16.)
-
Koj yuav qhia ib tug phooj ywg vim li cas koj txiav txim siab tias koj yuav tsis txhob saib duab liab qab thiab yuav ua raws li txoj kev cai coj dawb huv? Koj puas muaj kev nkag siab los ntawm “Koj lub Cev Yeej Dawb Ceev” nyob hauv Ntxiv Dag Zog rau cov Tub Hluas Ntxhais Hluas: Phau Ntawv Coj Kev Pab Neeg Xaiv (phab 22–29) uas koj xav qhia?
-
Xav seb puas saib zaj vidi-aus “To Look Upon” *(Txoj Moo Zoo cov Ntawv). Nres zaj vidi-aus txhua lub sij hawm Davis tuaj yeem xaiv qhov txawv. Davis tej kev xaiv zoo ib li tej kev xaiv uas koj yuav ntsib li cas?
Nres thiab xav txog. Thaum saib ib qho vidi-aus, txawm tias koj qhia lwm tus los sis kawm ntawm koj tus kheej, nres qhov vidi-aus qee zaus thiab nug, “Kuv kawm dab tsi?” Qhov no yuav pab koj txais tau tej kev tshoov siab los ntaw tus Vaj Ntsuj Plig Dawb Huv.
Kuj saib Bradley R. Wilcox, “Kev Tsim Nyog Tsis Yog Kev Zoo Tag Nrho,” Liyahaunas, Kaum Ib Hlis Ntuj 2021, 61–67; “Pornography” nyob hauv Pawg “Life Help” nyob hauv Txoj Moo Zoo cov Ntawv.
Yuav muaj li cas tom qab kuv tas sim neej?
Khali-atoos muaj lus nug txog tej yam uas muaj los tom qab peb tuag. Tej ntawd ua rau Amas qhia tej ntsiab cai nyob hauv Amas 40–41. Thaum koj kawm, sau ntawv txog tej yam tseeb uas koj nrhiav tau txog lub ntuj ntsuj plig, kev sawv rov los, thiab kev txiav txim. Xav seb koj puas nyeem tej tshooj no raws li koj yog ib tug zoo li Khali-atoos, uas xav hloov siab lees txim—vim hais tias, peb txhua tus yeej yuav tsum ua li ntawd.
Kuv yuav muaj kev ntseeg Yexus Khetos thaum kuv nrhiav tej lus teb rau kuv tej lus nug.
Tej lub sij hawm peb xav tias cov yaj saub paub teb txhua txoj lus nug txog txoj moo zoo. Tiam sis cia li pom tias Amas muaj cov lus nug uas tseem tsis tau teb nyob hauv tshooj 40. Nws tau ua li cas kom paub lus teb? Nws tau ua li cas thaum nws tsis muaj lus teb? Amas tus yam ntxwv pab koj li cas?
Kev thov Vajtswv yog ib txoj kev rau peb nrhiav tau lus teb rau peb tej lus nug txog txoj moo zoo.
Yexus Khetos txoj Kev Theej Txhoj ua rau peb txais tau kev txhiv dim.
Khali-atoos ntseeg tias kev rau txim thaum ua txhaum yeej tsis ncaj (saib Amas 42:1). Nyob hauv Amas 42, Amas kho nws tej kev txhawj xeeb li cas? Tej zaum koj yuav xav muab tej nqe hauv tshooj no faib ua ob qho: “Vajtswv ncaj ncees” thiab “Vajtswv muaj siab hlub tshua.” Tus Cawm Seej txoj Kev Theej Txhoj ua li cas kom thiaj muaj raws li txoj kev txim lij thiab txoj kev hlub tshua? Nrhiav kev pom ntxiv hauv qhov vidi-aus “The Mediator” (Txoj Moo Zoo cov Ntawv).
Kuj saib “Vajtswv Muaj Tswv Yim thiab Hlub Peb,” Cov Nkauj Qhuas Vajtswv, 84.
Yog xav tau tswv yim ntxiv, saib tej phau xov xwm Liyahaunas thiab Ntxiv Dag Zog rau cov Tub Hluas Ntxhais Hluas rau lub hlis no.
Tej Tswv Yim Pab Qhia cov Me Nyuam
Kuv tus yam ntxwv zoo yuav coj tau lwm tus mus cuag Khetos.
-
Amas tej lus ntuas Khali-atoos yuav pab koj cov me nyuam to taub tias ua ib tug yam ntxwv zoo tseem ceeb heev. Xav seb puas nyeem Amas 39:1 ua ke. Khali-atoos tus tij laug Sinploos tau coj yam ntxwv zoo li cas? Tej zaum koj cov me nyuam yuav xav nrhiav tej lus teb qhov no ntxiv nyob hauv Amas 38:2–4.
-
Tej zaum nej yuav xav ua si kom koj thiab koj cov me nyuam ib leeg coj thiab raws ib leeg. Siv tej kev ua si no kom qhia tias tej yam peb ua yuav pab lwm tus xaiv qhov zoo. Hu zaj nkauj “I Am like a Star” (Children’s Songbook, 163) ua ke, thiab pab koj cov me nyuam xav txog seb lawv ua ib tug yam ntxwv zoo li cas.
-
Tej zaum koj yuav xav siv ib lub teeb nyem los sis ib daim duab txog lub hnub, kom muab qhov kaj piv rau lub hwj chim uas los ntawm ib tug uas coj yam ntxwv zoo. Tej zaum koj thiab koj cov me nyuam yuav xav saib cov duab txog Yexus txoj kev ua tej yam zoo ua ke thiab sib tham txog Nws tus yam ntxwv zoo uas Nws coj rau peb xyaum. Cov vidi-aus “Shine Your Light So Others May See” thiab “Lessons I Learned as a Boy” yuav pab koj cov me nyuam sib tham txog lawv cov yam ntxwv uas pab lwm tus los rau Khetos.
Los ntawm Yexus Khetos, kuv hloov siab lees txim thaum kuv ua txhaum.
-
Tsis txhob mus rau hauv kev nthuav dav txog nws tej kev txhaum, tiam sis qhia tias Khali-atoos tau xaiv yuam kev. Peb yuav hais li cas kom pab nws? Tej zaum koj yuav xav nyeem Amas 39:9 rau koj cov me nyuam, thiab pab lawv to taub seb hloov siab lees txim and tso tseg txhais li cas. Ua tim khawv hais tias vim muaj Yexus Khetos thiab Nws txoj Kev Theej Txhoj peb thiaj li muaj kev hloov siab lees txim.
-
Nov yog ib zaj lus qhia uas siv khoom kom qhia txog kev xyiv fab uas los ntawm kev hloov siab lees txim: Muab ib yam dab tsi hnyav rau tus ib tug me nyuam tuav thaum koj qhia ib zaj dab neeg txog ib tug neeg uas ua tej yam tsis zoo thiab tu siab. Qhia koj cov me nyuam tias qhov khoom hnyav ntawd zoo li peb tej kev tu siab thaum peb ua tej yam tsis zoo. Tshem qhov khoom hnyav ntawm tus me nyuam thaum koj ua tim khawv tias Leej Txiv Saum Ntuj Ceeb Tsheej thiab Yexus Khetos muaj peev xwm tshem tau txoj kev hnyav thiab tu siab thiab pab peb zoo dua thaum peb hloov siab lees txim.
Tom qab peb tas sim neej no, peb cov ntsuj plig mus rau hauv lub ntuj ntsuj plig mus txog lub caij rau Kev Sawv Rov Los thiab Kev Txiav Txim.
-
Txhus tus yeej xav txog seb yuav muaj li cas tom qab peb tas sim neej. Koj muaj peev xwm ua dab tsi kom pab koj cov me nyuam nrhiav lus teb? Tej zaum koj yuav xav sau lo lus tuag, lub ntuj ntsuj plig (yeeb tsheej thiab lub nkauj ntsuj plig), kev sawv rov los, thiab kev txiav txim rau ntawm tej daim ntawv. Pab koj cov me nyuam to taub seb cov lus no txhais li cas. Thaum nej nyeem Amas 40:6–7, 11–14, 21–23 ua ke, tej zaum koj cov me nyuam yuav xav tso cov lus raws li lawv hnovhauv tej nqe no.
-
Tej zaum cov me nyuam hlob yuav nyiam nrhiav lus teb rau tej lus nug thaum lawv nrhiav hauv Amas 40:6–7, 11–14, 21–23. Tej zaum koj yuav xav nug koj cov me nyuam tej lus uas teb tau hauv tej nqe no, ib yam li “Kuv lub cev yuav zoo li cas thaum kuv sawv rov los?” Caw lawv nrhiav lus teb hauv tej nqe vaj lug kub no.
Maivliag thiab tus Cawm Seej uas Sawv Rov Los, los ntawm Harry Anderson
-
Koj cov me nyuam puas paub ib tug neeg uas tas sim neej lawm? Tej zaum nej yuav xav sib tham txog tus neeg ntawd. Ua tim khawv tias yuav muaj ib hnub—nws thiab txhua leej txhua tus— thaum yuav sawv rov los vim muaj Yexus Khetos. Yog xav tau, siv phab ntawv ntxim ua rau lub lim tiam no kom piav tias kev sawv rov los txhais li cas.
Yog xav tau tswv yim ntxiv, saib phau xov xwm Phooj Ywg rau lub hlis no.
Nov Yog Kuv tus Tub, los ntawm Elspeth Caitlin Young