2 Nifais 26–30

Nyov hauv 2 Nifais 26–27, Nifais hais txog Yaxayas tej lus qhia tej uas yuav muaj los yav tom ntej (saib Yaxayas 29) thiab muab piv rau nws cov neeg thiab lawv cov ceev xwm txheej—uas yog Phau Ntawv Maumoos. Nws tau paub los ntawm kev tshwm sim, ua ntej tau sau Phau Ntawv Maumoos tag nrho lawm, hais tias yuav muaj ib hnub phau no yuav “muaj nuj nqis heev rau noob neej” (2 Nifais 28:2). Vim li cas Phau Ntawv Maumoos muaj nqis rau koj? Xav txog txoj lus nug no thaum koj nyeem 2 Nifais 29–30. Muaj tej hauj lwm “zoo kawg nkaus” twg (2 Nifais 27:26) hauv lub ntiaj teb thiab hauv koj lub neej uas Vajtswv ua los ntawm Phau Ntawv Maumoos?

Kuj saib Joseph Smith—Keeb Kwm 1:62–65.

Muaj tej qhov tseeb zoo heev xav txog hauv 2 Nifais 26:23–24. Piv txwv hais tias, koj xav txog Yexus Khetos tau “ua tej yam uas pab neeg ntiaj teb”—thiab rau koj. Nws ua dab tsi kom “coj tau neeg txhua tus”—thiab koj—“los cuag nws”? Koj xav tias koj yuav ua dab tsi rau Nws vim Nws twb hlub koj?

Nyeem thiab nrhiav tej lus tseeb txog tus Cawm Seej hauv nqe 25–33. Xav txog Nws cov lus caw peb. Koj xav tias koj siv ib kab lus piav lub ntsiab ntawm Yexus Khetos cov lus li cas? Tej zaum ib zaj nkauj zoo li “Los Cuag Tswv Yexus” (Cov Nkauj Qhuas Vajtswv, zaj 42) yuav pab qhib koj lub siab kom txais kev tshoov siab ntxiv.

Cia li xav seb cov nqe no hloov tau txoj kev koj ua num ua ke nrog lwm tus thiab caw lawv los cuag Khetos li cas. Tej zaum koj yuav nrhiav tswv yim hauv Txwj Laug D. Todd Christofferson zaj lus “Cov Lus Qhuab Qhia txog txoj Kev Haum Xeeb” (Liahona, Kaum Ib Hlis Ntuj 2022, 53–56).

Kuj saib 3 Nifais 18:30–32; Dallin H. Oaks, “Peb tus Cawm Seej Tau Ua Dab Tsi Pab Peb?,” Liahona, Tsib Hlis Ntuj 2021, 75–77; Txoj Moo Zoo tej Ntsiab Lus, “Belonging in the Church of Jesus Christ,” Txoj Moo Zoo cov Ntawv.

Dab Ntxwg Nyoog tej kev ntxias thiab tom txwv feem ntau los qhia tawm los ntawm 2 Nifais 28. Nrhiav tej lus no nyob hauv nqe 6, 8, 21–23, 29. Vim li cas koj yuav tsum paub txog Dab Ntxwg Nyoog tej kev ntxias? Koj yuav ua li cas thaum tus yeeb ncuab sim ntxias koj?

Nyob nram qab no los muaj tej nqe vaj lug kub uas qhia txog Dab Ntxwg Nyoog tej lus dag. Sim saib seb koj puas txawj muab cov lus qhuab qhia tseeb hauv tej nqe no txuas rau cov lus qhuab qhia cuav uas Nifais ceeb toom peb txog nyob hauv 2 Nifais 28:

• 2 Nifais 2:17: muaj ib tug dab phem (2 Nifais 28:22: “Kuv tsis yog dab phem, vim tsis muaj dab phem“)

• Maulaunais 7:35–37

  Tsim Lus Cim

• Lus Qhuab Qhia thiab Kev Khi Lus 1:31.

  Tsim Lus Cim

• Lus Qhuab Qhia thiab Kev Khi Lus 68:31; 82:14

  Tsim Lus Cim

• Tej Nqe Kev Ntseeg 1:9.

  Tsim Lus Cim

Kuj saib Gary E. Stevenson, “Tsis Txhob Dag Ntxias Kuv,” Liahona, Kaum Ib Hlis Ntuj 2019, 93–96.

Vim peb yog Tsoom Haiv Neeg Ntseeg hauv Hnub Nyoog Kawg peb tau koob hmoov vim peb muaj Vajtswv txoj lus ntau. Tiam sis, ib yam li Nifais ceeb toom, peb yuav tsum tsis txhob xav tias “peb muaj txaus lawm!” Thaum koj nyeem tej lus ceeb toom nyob hauv 2 Nifais 28:27–31 thiab 2 Nifais 29, cia li xav txog tej lus nug zoo li no:

• Tus Tswv xav kom kuv xav dab tsi thiab ua dab tsi raws li Nws txoj lus?

• Vim li cas tej lub sij hawm tib neeg “npau taws” vim lawv txais qhov tseeb ntxiv los ntawm Vajtswv? (2 Nifais 28:28). Puas muaj tej lub sij hawm thaum kuv xav li no? Yog li ntawd, kuv yuav ua li cas kom hloov siab?

• Qhov uas yus txais Vajtswv txoj lus txhais tau li cas? Kuv yuav ua li cas kom qhia Nws tias kuv xav txais Nws txoj lus ntxiv?

• Kom qhia koj cov me nyuam txog tus Cawm Seej txoj kev caw hauv tej nqe no, tej zaum koj yuav xav nrog lawv sib thaum txog tej lub sij hawm thaum lawv caw lwm tus los koom ib qhov tseem ceeb, ib yam li ib txoj kev ua koob tsheej rau hnub yug. Ces tej zaum koj yuav xav nyeem 2 Nifais 26:23–28 ua ke thiab nrhiav seb Yexus caw peb ua li cas. Tej zaum koj cov me nyuam yuav nyiam kos ib daim duab uas caw ib tug neeg los cuag Yexus Khetos. Txhawb nqa lawv kom lawv siv cov lus ntawm tej nqe vaj lug kub hauv lawv cov lus caw.

• Daim duab thaum kawg ntawm zaj no los twb muaj cov neeg los ntawm lwm haiv neeg. Tej zaum koj cov me nyuam yuav xav saib daim duab no thaum koj nyeem 2 Nifais 26:33. Tej zaum koj hais tau tej lus “Yexus caw txhua tus los cuag Nws” thaum koj cov me nyuam taw tes rau txhua tus neeg hauv daim duab—ces taw tes rau lawv tus kheej. Peb yuav ua li cas kom los cuag Yexus?

• Ib zaj nkauj hais txog txoj kev hlub txhua tus neeg, ib yam li “I’ll Walk with You” (Children’s Songbook, 140–41), yuav pab koj qhia lub ntsiab ntawm 2 Nifais 26:33.

• Xwv kom pab koj cov me nyuam paub tias Phau Ntawv Maumoos “muaj nuj nqis loj” (2 Nifais 28:2), tej zaum koj qhwv ib phau ntawv ua khoom plig thiab cia lawv twv seb yog dab tsi. Lawv nrhiav qhov qhia kom paub hauv 2 Nifais 30:3–6. Qhia koj cov me nyuam vim li cas Phau Ntawv Maumoos muaj nuj nqis loj rau koj, thiab cia lawv qhia lawv xav dab tsi thiab.

• Tej zaum koj yuav xav hais kom koj cov me nyuam xav txog ib tug phooj ywg uas hais tias, “Kuv tsis tas nyeem Phau Ntawv Maumoos. Kuv twb nyeem phau Npaivnpaum lawm.” Peb yuav hais li cas rau peb tus phooj ywg? Nyeem 2 Nifais 29:7–11 ua ke kom kawm seb vim li cas Vajtswv xav kom peb muaj ob phau ntawv.

• Tej zaum koj xav txog ib zaj lus uas siv khoom kom pab koj cov me nyuam to taub seb “ib nqe lus rau ib nqe lus” txhais li cas. Piv txwv tias, tej zaum lawv yuav xav muab ib daim duab sib dhos ua ke los yog tsim ib yam dab tsi nrog cov block, ib lub pob zeb dhau ib lub pob zeb. Los sis koj qhia tau lawv kawm ib kauj ruam zuj zus, ib yam li khi ib txoj hlua los kos duab. Ces koj nyeem tau 2 Nifais 28:30 thiab sib tham txog qhov uas Leej Txiv Saum Ntuj Ceeb Tsheej qhia ib qhov tseeb dhau ib qhov tseeb zuj zus.

• Ib lub tswv yim ntxiv yog xaiv ib kab lus los ntawm 2 Nifais 28:30 thiab cia ib leeg zuj zus sau ib lo lus. Qhov no puas zoo ib yam li Vajtswv txoj kev qhia qhov tseeb rau peb? Vim li cas Vajtswv qhia qhov tseeb rau peb “ib nqe lus ntxiv rau ib nqe lus, ib ntsiab cai ntxiv rau ib ntsiab cai, muab me ntsis nim no thiab muab me ntsis lwm hnub” thiab tsis qhia thaum tib lub sij hawm xwb? Peb yuav ua li cas kom qhia Vajtswv tias peb xav txais qhov tseeb ntxiv los ntawm Nws?