Ib Hlis Ntuj 15–21: “Los Noj cov Txiv.” 1 Nifais 6–10,” Los, Nrog Kuv Mus—Siv hauv Tsev thiab lub Koom Txoos: Phau Ntawv Maumoos 2024 (2023)
“Ib Hlis Ntuj 15–21. 1 Nifais 6–10,” Los, Nrog Kuv Mus—Siv hauv Tsev thiab lub Koom Txoos: 2024 (2023)
Lihais Ua Npau Suav, los ntawm Steven Lloyd Neal
Ib Hlis Ntuj 15–21: “Los Noj cov Txiv”
1 Nifais 6–10
Lihais txoj kev ua npau suav—uas muaj tus nqaj hlau, txoj kev tsaus ntuj uas muaj huab zig niab, lub tsev dav, thiab tus ntoo uas muaj txiv “qab zib tshaj”—yog ib txoj kev caw peb kom txais cov koob hmoov ntawm tus Cawm Seej txoj kev hlub thiab txoj kev theej txhoj. Tiam sis, rau Lihais, txoj kev ua yog toog no yog hais txog nws tsev neeg: “Vim tej yam uas kuv tau pom, kuv thiaj li muaj kev zoo siab rau tus Tswv vim yog Nifais thiab kuj yog Xam thiab. … Tiam sis saib seb, Lamas thiab Lemu-ees, kuv txhawj heev kawg nkaus li vim yog neb” (1 Nifais 8:3–4). Thaum Lihais piav nws txoj kev ua yog toog tiav lawm, nws tau thov kom Lamas thiab Lemu-ees “kom nkawd mloog nws cov lus, kom tej zaum tus Tswv yuav hlub tshua nkawd” (1 Nifais 8:37). Txawm yog koj tau kawm Lihais txoj kev ua yog toog ntau zaus lawm los, zaum no cia li xav li Lihais tau xav—cia li xav txog ib tug uas koj hlub. Thaum koj ua li ntawd, ces kev nyab xeeb ntawm tus nqaj hlau, tej kev txaus ntshai los ntawm lub tsev dav, thiab qhov qab zib ntawm cov txiv yuav muaj ib lub ntsiab tshiab rau koj. Thiab koj yuav to taub ntxiv txog “leej txiv uas muaj siab hlub” tus uas tau txais kev ua yog toog tseem ceeb no.
Tej Tswv Yim Pab Qhia hauv Tsev thiab lub Koom Txoos
Kuv txawj zam txim rau lwm tus.
Muaj dab tsi uas tshoov koj lub siab txog Nifais tus yam ntxwv hauv 1 Nifais 7:6–21? Peb tau koob hmoov li cas thaum peb ib leeg “ua siab dawb paug zam txim” pub rau ib leeg? Tej zaum zaj vidi-aus “The Lord Delivers Nephi from His Rebellious Brothers” (Txoj Moo Zoo cov Ntawv) yuav pab koj txoj kev kawm.
The Lord Delivers Nephi from His Rebellious Brothers | 1 Nephi 7:6–22
Tuav ruaj rau Vajtswv txoj lus coj kuv mus cuag tus Cawm Seej thiab pab kuv paub txog Nws txoj kev hlub.
Lihais txoj kev ua yog toog ua rau yus xav txog qhov uas yus nyob qhov twg nyob rau ntawm txoj kev uas yus mus kom hloov los ua neeg zoo li Khetos. Thawj Tswj Hwm Boyd K. Packer tau hais: “Nej txhua tus nyob haud; peb txhua tus nyob haud. Lihais txoj kev ua npau suav txog tus nqaj hlau muaj txhua yam nyob haud uas ib tug … Neeg Ntseeg hauv Hnub Nyoog Kawg no yuav tsum to taub txog kev sim siab ntawm lub neej no” (“Lehi’s Dream and YouNew Era,Ib Hlis Ntuj 2015, 2).
Tej zaum koj yuav xav sau tej ntawd hauv ib daim phiaj zoo li no thaum koj kawm.
|
Tej lub cim los ntawm Lihais txoj kev ua yog toog |
Lub ntsiab |
Tej lus nug zoo xav txog |
|---|---|---|
Tej lub cim los ntawm Lihais txoj kev ua yog toog Tus ntoo thiab cov txiv (1 Nifais 8:10–12) | Lub ntsiab | Tej lus nug zoo xav txog Kuv ua dab tsi kom caw lwm tus los txais Vajtswv txoj kev hlub? |
Tej lub cim los ntawm Lihais txoj kev ua yog toog Tus dej (1 Nifais 8:13) | Lub ntsiab | Tej lus nug zoo xav txog |
Tej lub cim los ntawm Lihais txoj kev ua yog toog Tus nqaj hlau (1 Nifais 8:19–20, 30) | Lub ntsiab | Tej lus nug zoo xav txog |
Tej lub cim los ntawm Lihais txoj kev ua yog toog Kev tsaus ntuj muaj huab zig niab (1 Nifais 8:23) | Lub ntsiab | Tej lus nug zoo xav txog |
Tej lub cim los ntawm Lihais txoj kev ua yog toog Lub tsev loj thiab dav (1 Nifais 8:26–27, 33) | Lub ntsiab | Tej lus nug zoo xav txog |
Tej zaum koj kuj nyeem tau tej nqe no kom kawm txog plaub pawg neeg uas Lihais tau pom: 1 Nifais 8:21–23, 24–28, 30, thiab 31–33. Koj kawm txog tej yam twg uas sib txawv ntawm plaub pawg neeg no? Vim li cas ib txhia thiaj li tawm mus tom qab lawv los txog tsob ntoo thiab saj cov txiv (saib nqe 24–28)? Koj kawm dab tsi los ntawm qhov no?
Kuj saib Kevin W. Pearson, “Nyob Rawv ntawm Tsob Ntoo,” Liyahaunas, Tsib Hlis Ntuj 2015, 114–16; “Lehi Sees a Vision of the Tree of Life” (vidi-aus), Txoj Moo Zoo cov Ntawv.
Kom saib ib yam uas yuav pab koj kawm txog Lihais txoj kev ua yog toog, nias qhov no.
Lehi Sees a Vision of the Tree of Life | 1 Nephi 8
Cia cov neeg uas kawm qhia txoj lawv tej kev tshawb pom. Tej zaum caw cov neeg uas kawm nrhiav tej qhov tseeb ntawm cov vaj lug kub. Piv txwv hais tias, tej zaum koj yuav xav caw lawv nrhiav tej nqe vaj lug kub ntawm daim phiaj no rau lawv tus kheej los sis hauv tej pab pawg uas yog ob peb tug neeg xwb. Lawv yuav nco ntsoov thiab muab siab npuab qhov tseeb uas lawv nrhiav tau.
Txoj Hlua rau Txhua Tus, los ntawm Kelsy and Jesse Barrett
Cov yaj saub puag thaum ub paub txog Yexus Khetos lub luag hauj lwm thiab tau ua tim khawv txog Nws.
Vim li cas tus Tswv yuav xav kom Lihais tsev neeg—thiab peb txhua tus—kom peb paub txog tej yam tseeb nyob hauv 1 Nifais 10:2–16? Cia li xav txog qhov uas koj yuav pab cov uas koj hlub caw tus Cawm Seej los rau hauv lawv lub neej.
Vajtswv yuav qhia qhov tseeb rau kuv los ntawm tus Vaj Ntsuj Plig Dawb Huv lub hwj chim.
Koj ua li cas thaum koj kawm txog ib lub ntsiab cai ntawm txoj moo zoo uas koj tsis to taub? Cia li saib ntawm tej nqe vaj lug kub tias qhov uas Nifais ua li cas thaum hnov txog Lihais txoj kev ua yog toog (saib 1 Nifais 10:17–19;-11:1 thiab qhov uas Lamas thiab Lemu-ees ua li cas (saib 1 Nifais 15:1–10) yeej sib txawv. Nifais to taub tej yam tseeb twg nws thiaj ua li nws tau ua?
Xav txog Nifais tus yam ntxwv thiab sau ntawv txog txoj moo zoo tej ntsiab cai uas koj xav to taub zoo dua. Koj yuav ua li cas kom nrhiav tej lus teb rau koj tus kheej? {Kuj saib “Truth Will Make You Free” nyob hauv Ntxiv Dag Zog rau cov Tub Hluas Ntxhais Hluas: Phau Ntawv Coj Kev Pab Neeg Xaiv, 30–33.)
Ib yam li Nifais kawm rau nws tus kheej tias nws txiv cov lus muaj tseeb, peb muaj lub cib fim ua ib yam thaum peb mloog cov yaj saub thiab cov thwj tim lus niaj hnub no. Cov yaj saub thiab cov thwj tim qhia peb li cas ntawm lub tuam rooj sab laj zaum tas los no? Koj puas muaj ib zaj lus tim khawv txog tej yam lawv tau qhia?
Kuj saib 1 Nifais 2:11–19; Lus Qhuab Qhia thiab Kev Khi Lus 8:1–3; “Search, Ponder, and Pray,” Children’s Songbook, 109; Txoj Moo Zoo tej Ntsiab Lus, “Tshwm Sim,” Txoj Moo Zoo cov Ntawv.
Yog xav tau tswv yim ntxiv, saib tej phau xov xwm Liyahaunas thiab Ntxiv Dag Zog rau cov Tub Hluas Ntxhais Hluas rau lub hlis no.
Tej Tswv Yim Pab Qhia cov Me Nyuam
Qhov uas kuv tuav rawv Vajtswv txoj lus coj kuv mus cuag tus Cawm Seej thiab pab kuv paub txog Nws txoj kev hlub.
-
Tej zaum koj cov me nyuam yuav nyiam kos duab txog Lihais txoj kev ua yog toog pom thaum koj nyeem 1 Nifais 8 ua ke. Cia lawv muab lawv cov duab rau sawv daws saib, thiab pab lawv nrhiav seb tej lub cim hauv zaj ua npau suav piv txog dab tsi (saib 1 Nifais 11:21–22; 12:16–18; 15:23–33, 36 thiab phab ntawv ntxim ua rau lub lim tiam no). Thov kom lawv qhia tej lus teb rau lo lus nug no: Peb kawm dab tsi los ntawm Lihais txoj kev ua yog toog?
-
Koj puas muaj ib yam dab tsi uas sawv cev rau tus nqaj hlau ntawm Lihais txoj kev ua yog toog, piv txwv li ib lub raj los yog ib tug ceg ntoo? Cia cov me nyuam tuav qhov no thaum koj coj lawv ncig chav mus txog ib daim duab txog tus Cawm Seej. Vim li cas tus nqaj hlau ntawm Lihais txoj kev ua yog toog tseem ceeb? (Saib 1 Nifais 8:20, 24–30). Vim li cas tus nqaj hlau zoo li Vajtswv txoj lus?
-
Caw cov me nyuam nyeem 1 Nifais 8:10–12 thiab piav saib Lihais pom dab tsi. Nug kom lwm tus nyeem 1 Nifais 11:20–23 thiab piav saib Nifais pom dab tsi. Vim li cas tus tim tswv tau ua rau Nifais pom tus me nyuam mos liab Yexus kom qhia Nifais txog Vajtswv txoj kev hlub? Ces nrog koj cov me nyuam sib tham txog qhov uas lawv hnov Vajtswv txoj kev hlub hauv lawv lub neej li cas. Ib zaj nkauj zoo li “I Feel My Savior’s Love” (Children’s Songbook, 74–75) yuav pab lawv xav txog tej yam piv txwv.
Vajtswv yuav qhia qhov tseeb rau kuv los ntawm tus Vaj Ntsuj Plig Dawb Huv lub hwj chim.
-
Koj pab tau koj cov me nyuam li cas kom to taub tej uas Nifais qhia hauv 1 Nifais 10:19? Tej zaum koj quav ib daim duab txog tus Cawm Seej los sis lwm yam khoom tshwj xeeb hauv ib daim pam thiab caw cov me nyuam nthuav tawm. Thaum koj nyeem 1 Nifais 10:19, tej zaum lawv yuav xav tsa tes thaum lawv hnov lo lus “nthuav” thiab “Vaj Ntsuj Plig Dawb Huv.” Ces tej zaum koj yuav xav qhia txog ib zaug thaum tus Vaj Ntsuj Plig Dawb Huv pab koj nrhiav qhov tseeb.
-
Thov kom cov me nyuam qhia seb lawv ua li cas kom nrhiav lus teb rau ib lo lus nug. Nifais yuav hais li cas yog leej twg nug nws seb yuav tsum ua li cas kom nrhiav lus teb thaum muaj lus nug txog txoj moo zoo? Txhawb nqa cov me nyuam txoj kev kawm thaum nyeem 1 Nifais 10:17–19; 11:1.
-
Koj cov me nyuam puas tau hnov tias tus Vaj Ntsuj Plig Dawb Huv pab lawv paub tias ib yam dab tsi muaj tseeb? Cia lawv qhia txog tej yam uas muaj los. Peb yuav hais li cas rau ib tug phooj ywg uas xav tias nws txais tsis tau tej lus teb los ntawm tus Vaj Ntsuj Plig Dawb Huv? Peb nrhiav tau dab tsi hauv 1 Nifais 10:17–19 thiab 11:1 uas pab tau tus phooj ywg ntawd?
Yog xav tau tswv yim ntxiv, saib phau xov xwm Phooj Ywg rau lub hlis no.
Tus Ntoo Cawm txoj Sia, los ntawm Avon Oakeson