Etke Ej Aorōk Bwe Priesthood Kii ko ren Pād ioon Laļ Rainin?

Priesthood Ki ko,” Elder Gary E. Stevenson ekar katakin, “kōpeļļo̧k ial̗an kōjeram̧m̧an ko, menin letok ko, im kajoor an lan̄ n̄an [kōj]” (“Ewi Kii Ko im Mālim eo an Priesthood?” Liaona, Māe 2016, 32). Jisōs Kraist ej kabwijer aolep priesthood kii ko, im Ekar kōmālim rikwoj meļan ro an lan̄ n̄an leļo̧k kii ko an priesthood eo ioon Josep Smith. Rainin ro uwaan Būreejtōnji eo Kein Kajuon im Doulul eo an Jon̄oulruo Rijilōk ro rej kabwijer ejja kii ko wōt (lale Katak im Bujen Ko 90:3–4, 6; 107:35; 132:7). Kii kein rej mālim eo Anij ekar leļo̧k n̄an ritōl ro an priesthood n̄an tōl jerbal eo an priesthood eo An ioon laļ in.

Ilo am riiti Katak im Bujen Ko 107 wiik in, ļōmņak kōn ekōjkan an Anij maron̄ kōjeraam̧m̧an kwe im ro kwoj katakin kōn priesthood eo An. Ta eo kwoj loe ilo jekjōn in me ej aorōk n̄an ro uwaan doulul eo ak kūlaaj eo n̄an jeļā? Ilo am̧ m̧aanjabpopo n̄an katakin, komaron̄ etale ennaan eo an Elder Gary E. Stevenson kar kōnono kake itulōn̄ im “Priesthood Keys” ilo True to the Faith ([2004], 126–27).

Katak im Bujen Ko 107 maron̄ jipan̄ uwaake kajjitōk eo “Ta kōjeraam̧m̧an ko jej būki kōn priesthood eo im jerbal in jipan̄ eo an ritōl ro an priesthood?” Bōlen ro uwaan doulul eo ak kūlaaj eo remaron̄ kappukōt jet uwaak ko ilo eoon 18–23, 85–89. N̄an jipan̄ er em̧m̧anļo̧k aer meļeļe ekōjkan an priesthood eo im ritōl ro an priesthood eo kōjeraam̧m̧an mour ko ad, kōjerbal juon ak elōn̄ļo̧k m̧akūtkūt kein.

• Komaron̄ jino juon iien ekōnono kōn priesthood ki ko kōn kajjitōk ippān juon uwaan doulul eo ak kūlaaj eo n̄an pojak tok n̄an kwaļo̧k bwebwenato eo kōn loļo̧k eo an Būreejtōn Spencer W. Kimball n̄an jun m̧ōnjar ilo Denmark, kar bwebwenato kake jān Būreejtōn Boyd K. Packer ilo ennaan eo an ilo“The Twelve” (Liaona, Māe 2008, 83–87; lale barāinwōt pija in alooj eo “The Restoration of Priesthood Keys” [ChurchofJesusChrist.org]). Komaron̄ barāinwōt kajjitōk ippān doulul eo ak kūlaaj eo am̧ n̄an riiti ippān doon jekjōk eo “Priesthood Keys” ilo True to the Faith (peij 126–27). Leļo̧k n̄an er iien n̄an katakin doon ilo ruo iaan ruo ta priesthood kii ko rej, pedped ioon ta eo raar ekkatak. Ta kōjeraam̧m̧an ko raar itok n̄an kōj kōn jerbal in jipan̄ eo an ro me rej kabwijer priesthood kii ko?

• Komaron̄ kōņaan kwaļok bwebwenato eo an Elder Gary E. Stevenson kōn ki ko an raar jako jān perokūrāāp ko jiljino im̧aan in ennaan eo an “Ewi Ki Ko im Mālim eo an Priesthood?” (ak kwaļo̧k pija in alooj eo “Where Are the Keys?” [ChurchofJesusChrist.org]). Komaron̄ kwaļo̧k jet kii ko im kajjitōk ippān doulul eo ak kūlaaj eo n̄an kwaļo̧k ekōjkan an kii ko āinļo̧k wōt priesthood kii ko. Ro kwoj katakin remaron̄ etale im ekōnono kōn eoon ko kōnono kaki jān Elder Stevenson (Josep Smith—Bwebwenato 1:68–72; Katak im Bujen Ko 110:11–16), ko rej kōmeļeļeik kōn an priesthood kii ko liļo̧k n̄an laļ in. Komaron̄ kajjitōk ippān ro uwaan doulul eo ak kūlaaj eo n̄an kāālet juon iaan eoon kein rej ellaajrak im kwaļo̧k ilo juon jāntōj tukadu in ta eo rej ekkatak kōn kajoor ko im kōjeraam̧m̧an ko jej būki kōn priesthood ki ko: Matu 16:18–19; Katak im Bujen Ko 27:12; 65:2; 84:19–20. Etke ej aorōk bwe priesthood ki ko rej pād ioon laļ rainin?

  

  14:6

• Komaron̄ leļo̧k n̄an kajjojo uwaan doulul eo ak kūlaaj eo juon peba kii im kappeik kajjojo armej n̄an riiti jekjōn II, III, IV, ak V in ennaan eo an Būreejtōn Dallin H. Oaks “The Keys and Authority of the Priesthood” (Liaona, Māe 2014, 49–52). Kajjitōk ippāer n̄an je ioon kii eo ta eo raar ekkatak kōn priesthood eo innām kwaļo̧k ta eo rekar je. Ekōjkan an m̧ool kein kareel wāween ad en̄jake kōn ritōl ro an doulul eo ak kūlaaj eo ad im ijjitōn̄ ko jej būki jān er?

Rōjan̄ ro uwaan doulul ak kūlaaj eo n̄an kejo̧kļo̧kjeņ im je ta eo renaaj kōm̧m̧ane n̄an jerbal ekkar n̄an im̧we ko me rekar en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

• Russell M. Nelson, “Mennin Aorōk ko ilo Jetōb,” Liaona, Nob. 2019, 76–79

• “Priesthood Keys,” ilo General Handbook: Serving in The Church of Jesus Christ of Latter-day Saints, 3.4.1

• “Learn Your Duty,” “The Priesthood, an Opportunity to Serve,” pija in alooj ko, ChurchofJesusChrist.org