Ewi Wāween Ad Jelm̧ae Apan̄ ilo Ad Kōjerbal Tōmak?

Naan ko an Anij ilo Katak im Bujen Ko 98 im 101 ekar kaeņōm̧m̧an ro rikwojarjar ro me rekar jelm̧ae jejjo mellijion̄ ilo Missouri ilo 1830 jima ko. Ilo ad bolen oktak jān membōr ro m̧oktaļo̧k an Kabun̄ in, jej aolep jelm̧ae apan̄ ilo ad pād ilo mour in, im aer tiljek ilo jelm̧ae apan̄ emaron̄ jipan̄ er eddōkļo̧k ilo mour in jetōb im erom̧ eļapļo̧k āinwōt Jisōs Kraist.

Ewi wāween n̄e oktakļo̧k n̄an Irooj ilo iien ko rapan̄ kar kōkajoorļo̧k eok im kōkm̧anm̧anļo̧k jem̧jerā eo am̧ ippān Jisōs Kraist? Ta men ko reppen im māllijion̄ ko me ro uwaan doulul eo am̧ rej jelm̧aeiki, im ewi wāween am̧ maron̄ jipan̄ er bōk kajoor ilo Rilo̧mo̧o̧r? N̄an jipan̄ eok kōppopo n̄an katakin kōn apan̄, kwomaron̄ etale ennaan eo an Neil L. Andersen “Ikkinejnej” (Liaona, Nov. 2018, 83–86) im “Adversity” ilo True to the Faith ([2004], 8–11).

Kajjojo ro uwaan doulul ak kūlaaj eo am̧ ej juon kapan̄pan̄ ippān men ko reppen me kōj make jej aikuj jelm̧aeiki. Ta kaenōm̧m̧an kwoj en̄jake remaron̄ lo ilo Katak im Bujen Ko 98:1–3? Komaron̄ kōjerbal juon m̧akūtkūt ak elōn̄ļo̧k ilaļ n̄an jipan̄ er meļeļe wāween kije apan̄ ko ilo am̧ kōjerbal tōmak ilo Irooj.

• Jeje ko rekwojarjar repād ie elōn̄ waanjon̄ak ko kōn armej ro retiljek ilo aer kije n̄an jelm̧ae melijjion̄ ko. Ro uwaan doulul ak kūlaaj eo remaron̄ ekkatak wāween n̄an kije ilo tiljek mellijion̄ ko. Remaron̄ kajjojo kālet juon iaan eoon ko im kakaduiki en̄jake ko an kajjojo n̄an doulul ak kūlaaj eo. Ta jeļā eo jej bōke kōn etke jej jelm̧ae apan̄? Ta eo jej ekkatak kōn wāween ad tiljek n̄an jelm̧ae apan̄? Karuwaineneik ro uwaan kūlaaj eo n̄an kajjojo je juon mellijion̄ n̄an kajjojo juon māllijion̄ me er ak ro rejitōn bōro ippāer rej jelm̧aeiki im n̄an kejōkļo̧kjeņ wāween aer maron̄ kepaake kajoor eo an Rilo̧mo̧o̧r n̄an jipan̄ er ilo iien kein reppen.

• N̄an ekkatak eļapļo̧k kōn jet iaan ta ko rej kōm̧m̧an bwe en wōr apan̄ im ta eo jemaron̄ ekkatak jān māllijion̄ ko ad, kwomaron̄ riit ippān doon pāārokūrāāp ko ruo ium̧win “Adversity” ilo True to the Faith (peij 8). Kajjitōk ippān ro uwaan doulul ak kūlaaj eo n̄an kwaļo̧k ta eo rekar ekkatak. Innem kajjojo armej remaron̄ etale juon iaan jekjen ko jilu ium̧win “Adversity” im n̄an kōppopo n̄an katakin ro jet ta eo rej ekkatak, ekoba wāween an Rilo̧mo̧o̧r maron̄ jipan̄ ilo iien mālijjion̄ ko. Rojan̄ er n̄an kwaļo̧k juon aer make en̄jake me ej iookļo̧k ta eo rej riit eļan̄n̄e rej en̄jake an koņ aer kōm̧m̧ane juon men.

• Juon wāween n̄an im̧we juon ekkōnono kōn apan̄ ej n̄an jin̄n̄aiki juon lain laļ ilo ioļapļap in boot eo im je Etke ewōr ad apan̄? ilo juon jait im Ewi wāween ad maron̄ jelm̧ae apan̄ ilo tiljek? ilo jait eo juon. Kajjojo uwaan doulul eo am̧ ak kūlaaj remaron̄ riiti juon iaan jekjen ko jān ennaan eo an Elder Neil L. Andersen “Wounded,” kappukot uwaak ko n̄an kajjitōk ko ilo bo̧o̧t eo. Ta eo jej ekkatak kōn Rilo̧mo̧o̧r jān ennaan eo an Elder Andersen?

• Elder Stanley G. Ellis ekar kōjerbal waanjon̄ak ko kōn tokki ko im babbub n̄an katakin kōn apan̄ ko ilo ennaan eo an “Jej Ke Lōke E? Men ko Reppen Rem̧m̧an” (Liaona, Nov. 2017, 112–14). Komaron̄ kwaļo̧k juon pija in an tokki ko rubrub ak babbub ko erom̧ cocoon im kōnono kōn ta eo Elder Ellis ekar katakin. Ro kwoj katakin remaron̄ jerbal ippān doon ilo pea n̄an Etale kōnono eo an Elder Ellis. Kajjojo pea remaron̄ kōlaajrake aolep men remaron̄ loe me ekar katakin kōn etke ewōr ad apan̄ im ewi wāween jej aikuj jelm̧aeiki. Ewi wāween an niknik im tiljek ilo tōmak ilo iien ko rapan̄ kar jipan̄ kōj kepaake ļo̧k Rilo̧mo̧o̧r?

Rōjan̄ ro uwaan doulul ak kūlaaj eo n̄an kejo̧kļo̧kjeņ im je ta eo renaaj kōm̧m̧ane ekkar n̄an im̧we ko rej en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

• 1 Samuel 1; 1 Kiin̄ Ro 17; Luk 23:33–34; 1 Nipai 5:1–9; Mosaia 24:8–17; 3 Nipai 1:4–21; Moronai 1; Unin Tōl n̄an Jeje ko Rekwojarjar, “Ruth” im “Esther,” scriptures.ChurchofJesusChrist.org (Waanjon̄ak ko an armej ro rej jelm̧ae apan̄)

• Jon 14:18; Rom 8:28, 35–39; Alma 36:3 (Rilo̧mo̧o̧r emaron̄ jipan̄ kōj ilo iien ko rapan̄)

• “God Will Lift Us Up,” “The Will of God,” videos, ChurchofJesusChrist.org