Etke Ij Aikuj Pokake Kien ko an Anij?

Jemaron̄ en̄jake ilo jet iienōre bwe kien ko an Anij rej kabōjrak kōņaan ko ad im kōm̧m̧an jon̄an ad anemkwoj. Mool eo in bwe kien ko rej kōļapļo̧k anemkwoj eo ad. Ilo Katak im Bujen Ko 82:8–10 jej ekkatak bwe kien ko rejipan̄ kōj meļeļe ankilaan Anij, im n̄e jej pokaki, kōm̧m̧an ko ad renaaj “ro̧o̧l n̄an [kōj] n̄an [ad] lo̧mo̧o̧r.” Ilo m̧ool, n̄e jej pokake Anij, E ej “lokjak” n̄an letok n̄an kōj aolep kōjeraam̧m̧an ko Eaar kallim̧ur kaki (eoon 9–10). Elmen an Jemedwōn̄ Ilan̄ kar kōjeraam̧m̧an eok ilo am kar pokake kien ko An? N̄an kepooj eok katakin, komaron̄ riiti ennaan eo an Elder Dale G. Renlund “Elōn̄ Menin Jeraam̧m̧an ko” (Liaona, Eprōļ 2019 Kweilo̧k eo Eļap) ak lale jet iaan kein jipan̄ ko ilo Gospel Topic ko kōn “Pokake” (topic.ChurchofJesusChrist.org).

Ro uwaan doulul ak kūlaaj eo remaron̄ in m̧akoko in pokake jet iaan kien ko. Jipan̄ er meļeļe etke pokake kien eaorōk emaron̄ im̧we er. Je taitōļ in laajrak eo ioon bo̧o̧t eo, im karuwaineneik ro uwaan doulul ak kūlaaj eo n̄an kwaļo̧k uwaak ko. Komaron̄ bar kajjitōk ippāer n̄an lale kakkobaba ko ilo Katak im Bujen Ko 82:8–10, eo remaron̄ ekkatak wiik in. Innām kāālet juon jekjen ak elōn̄ļo̧k m̧akūtkūt ko ilaļ n̄an jipan̄ er meļeļe ļo̧k etke aolep iien eaorōk n̄an pokake Anij, men̄e epen kōm̧m̧ane.

• Emaron̄ pidodo n̄an pokake kien ko n̄e jej meļeļe tokjeer. N̄an jeļā etke Anij ej letok kien n̄an kōj, ro uwaan doulul ak kūlaaj eo remaron̄ lale eoon in jipan̄ ko ilo “Kein Jipan̄ ko rej Rie Katak ko” (ak ko jet kwoj lōmņaki). Elmen an eoon kein jipan̄ kōj n̄e jej ioon apan̄ ko n̄an pokake juon kien? Āinwōt m̧ōttan ekōnono in, kwomaron̄ riit ippān doon jekjen taitōļ in “Fourth, forget not the ‘why’ of the gospel” ilo ennaan eo an Būreejtōn Dieter F. Uchtdorf’s “Forget Me Not” (Liaona, Okt. 2011, Kweilo̧k eo Eļap).

• Ilo an ro kwoj katakin meļeļe waanjon̄ok eo eweppān an Rilo̧mo̧o̧r kōn pokake, remaron̄ im̧we n̄an pokake. N̄āāt eo Jisōs Kraist ekar pokake Jemen, men̄e jekjek ko reppen? (lale Matu 4:1–11; Luk 22:39–44). Waajon̄ok ko an em̧m̧aan im kōrā ro me rekar pokake maron̄ loi ilo Hibru 11. Bōlen doulul ak kūlaaj eo am remaron̄ kālet juon iaan waanjon̄ok kein—ak ko jet rejeļā kake, ekoba ilo baam̧le ko aer—im kwaļo̧k ta eo ej im̧we er kōn armej rein. Etke rekar kāālet n̄an pokake Irooj? Elmen an Rilo̧mo̧o̧r jipan̄ kōj n̄e jej kāālet n̄an pokake?

• N̄an jipan̄ ro uwaan doulul ak kūlaaj eo lo kien ko āinwōt kōjeraam̧m̧an ko im rejjab eddo, komaron̄ kwaļo̧k katak ko an Elder D. Todd Christofferson loi ilo “Kein Jipan̄ ko rej Rie Katak ko.” Komaron̄ kwaļo̧k ak jin̄aik juon pija in juon jikin uwe im kajjitōk ippān ro kwoj katakin n̄an ļābōļe kajjojo jikin uwe kōn juon kien me emaron̄ pen n̄an juon armej n̄an meļeļe ak pokake. Elmen an naan ko an Elder Christofferson jipan̄ eo epen an pokake kien ko?

• Jet pija ko me rej kwaļo̧k kōn pokake maron̄ loi ilo ChurchofJesusChrist.org im ilo Gospel Library app eo (lale “Kein Jipan̄ ko rej Rie Katak ko.” Kwomaron̄ jitōn̄ ro uwaan kūlaaj eo n̄an alooje juon iaan pija kein m̧okta jen kweilo̧k eo im pojak n̄an kwaļo̧ke ta eo raar ekkatak kōn pokake. Bōlen ro uwaan doulul ak kūlaaj eo maron̄ karōk aer make iien kōn pokake kien ko an Anij. Innām remaron̄ ejaake juon makūtkūt eiokļo̧k wōt pija eo im kwaļo̧k e ilo social media.

Rōjan̄ ro uwaan doulul ak kūlaaj eo n̄an kejo̧kļo̧kjeņ im je ta eo renaaj kōm̧m̧ane ekkar n̄an im̧we ko rej en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

• 1 Nipai 17:3; Mosaia 2:41; Katak im Bujen Ko 130:20–21 (Jej jeraam̧m̧an jen pokake kien ko)

• Duteronomi 10:12–13; Jon 14:15; 1 Jon 5:1–3 (Jej pokake kien ko kōnke jej iakwe Anij)

• Katak im Bujen ko 93:20 (Pokake ekōm̧m̧an bwe jen bōk aiboojoj eo an Anij)

• “Pokake,” ilo jebta 3 in PKwaļo̧k Gospel eo Aō (2019), 75

• Elder D. Todd Christofferson ekar katakin: Jet rej lo wōt en̄taan ak jidik iien n̄an pokake kien ko kōn bujen eo ekāāl im āliktata, ak ro rej mour kake en̄jake in—ro rej leļo̧k er make im dāpij bujen ko an mour—rej lo aenōm̧m̧an im tokjen. N̄e jej lukkuun meļeļe, jej pukot eļapļo̧k kien ko, ejjab dikļo̧k. Kajjojo kakien kāāl ak kien jej ekkatak im mour kaki rej āinwōt kein jikin uwe ko ak jutak ioon juon jikin uwe me ekōm̧m̧an bwe jen tallōn̄ lōn̄ļo̧k ak utiej ļo̧k. Mool, mour in gospel ej mour em̧m̧an” (“The Power of Covenants,” Liaona, Māe 2009, 23).

• “The Sting of the Scorpion,” “Stay within the Lines,” “A Secure Anchor,” “Shower of Heavenly Blessings,” “Blessed and Happy Are Those Who Keep the Commandments of God,” pija in alooj, ChurchofJesusChrist.org