Ewi Wāween Aō Jeļā kōn an Karōk in Lo̧mo̧o̧r eo ej Jelōt Mour eo Aō?

Jemedwōj Ilan̄ ekar letok kōpooj juon karōk eo me ej kōm̧m̧an bwe jān bōk kōjeraam̧m̧an ko n̄an indeeo im erom̧ āinwōt E. E ekōnaan bwe aolepān ajri ro Nejin ren jeļā kōn karōk eo, aet E em̧ōj an kwaļo̧k e n̄an rikanaan ro ilo aolep epepen ko. Āinwōt an doulul eo ak ro uwaan kūlaaj eo kar ekkatak Katak im Bujen Ko 76 wiik in, raar ekkatak ta eo Anij ekar kwaļo̧k kōn karōk eo An n̄an Josep Smith im Sidney Rigdon, ekobalo̧k eddo eo an Rilo̧mo̧o̧r eo ilo ioļapļap in karōk eo im aibojooj eo jemaron̄ bōk ilo mour eo ej itok. Eļan̄n̄e jej tiljek, jemaron̄ wānōk kōn Pinmuur eo an Jisōs Kraist, bōk juon mōņōņō eo ejjeļo̧k jem̧ļo̧kin im mour ippān Anij n̄an indeeo.

Ekōjkan jeļā kōn karōk eo an Jemedwōj Ilan̄ jelōt am kalimjōk mour in? Ewi wāween am̧ maron̄ jipan̄ membōr ro ilo doulul ak kūlaaj eo am̧ meļeļe eo jon̄an an menin kōjeram̧m̧an n̄an jeļa kōn karōk in lo̧mo̧o̧r? N̄an kepojak n̄an katakin, kwomaron̄ riiti “Plan of Salvation” ilo True to the Faith ([2004], 115–17) ak enaan eo an Elder Dieter F. Uchtdorf “Em̧m̧akūt eo Am̧ Eļap” (Liaona, Nob. 2019, 86–90).

Juon wāween n̄an ijjino juon kōmeļeļe ippān doulul eo ak kūlaaj eo kōn karōk in lo̧mo̧o̧r eo ej n̄an kūr juon armej n̄an je ioon bo̧o̧t eo taitōļ kein, ippānļo̧k eoon ko jān Kata im Bujen Ko 76: Mour eo Mokta (eoon ko 22–27), Mour in (eoon ko 40–43), im Mour eo Ālikin Mej (eoon ko 50–53, 59–62). Lelo̧k n̄an ro uwaan kūlaaj eo jejjo minūt ko n̄an aer etale eoon ko n̄an kappukōt eddo eo an Rilo̧mo̧o̧r eo n̄an kakūrm̧ool karōk eo an Jemedwōj Ilan̄. Kajjitōk ippāer n̄an je um̧win kajjojo iaan taitōļ ko ta eo rekar loe. M̧akūtkūt ko ilaļ remaron̄ jipan̄ kōm̧anm̧anļo̧k aer meļeļe kōn wāween an karōk eo an Jemedwōj Ilan̄ kōjeram̧m̧an mour ko aer.

• Etale jejjo iaan et ko etan karōk eo an Jemedwōj Ilan̄ n̄an jipan̄ doulul eo ak ro uwaan kūlaaj eo em̧m̧anļo̧k aer meļeļe kōn karōk eo. Remaron̄ bar etale eoon ko um̧win bullet eo m̧oktata “Kein Jipan̄ ko rej Rie Katak eo” im kōm̧m̧ane juon laajrak in jejjo iaan et ko etan karōk eo an Anij. Ta eo et kein rej katakin kōj kōn karōk eo? N̄an waanjon̄o̧k, ewi wāween an karōk in boktok n̄an kōj m̧ōņōņō, kiiō im indeeo? Ta ko eoon kein rej katakin kōj kōn eddo eo an Rilo̧mo̧o̧r ilo karōk in? Kwomaron̄ kwaļo̧k bitio eo “Our Eternal Life” ak “Men’s Hearts Shall Fail Them” (ChurchofJesusChrist.org) im kūr ro kwoj katakin n̄an ekenono kōn iien ko ke rekar en̄jaake kam̧oolol kōn karōk eo an Jemedwōj Ilan̄.

• Ļōmņak n̄an kūr ro kwoj katakin n̄an kōmeļeļe kōn wāween aer maron̄ naaj uwaake juon m̧ōttāer eo ekar kajjitōk kōn kajjitōk kein kōn karōk in lo̧mo̧o̧r eo: Ia eo jekar itok jān e? Etke jej pād ijin? Jej etal n̄an ia eļan̄n̄e jej likūt mour in? Kūr er n̄an kōjerbal meļeļe kein um̧win “Plan of Salvation” ilo True to the Faith (peij ko 115–17) im kein jipan̄ ko um̧win “Kein Jipan̄ ko rej Rie Katak eo” n̄an kepooj juon uwaak n̄an juon iaan kajjitōk ko. Ewi wāween ad kar kajoorļo̧k jān ad jeļā uwaak ko n̄an kajjitōk kein?

• Doulul eo ak ro uwaan kūlaaj eo rej m̧wilaļļo̧k aer ekkatak kōn m̧ool ko an gospel n̄e rej leļo̧k n̄an er iien ko rem̧m̧an n̄an katakin. Mokta, kajjitōk ippān elōn̄ ro uwaan doulul eo ak kūlaaj eo n̄an itok ilo aer pojak n̄an kwaļo̧k juon kōmeļeļe ekadu kōn ta eo rejeļā kōn juon m̧ōttan karōk in lo̧mo̧o̧r eo. Remaron̄ kōjerbal kōmeļeļe ko rekadu loi um̧win “The Plan of Salvation” ilo jepta 3 in Preach My Gospel ([2019], 48–53). Ta oktak eo enaaj kōm̧m̧an n̄e jejeļā kōn karōk in lo̧mo̧o̧r eo?

Rōjan̄ ro uwaan doulul ak kūlaaj eo n̄an kejo̧kļo̧kjeņ im je ta eo renaaj kōm̧m̧ane n̄an jerbal ekkar n̄an im̧we ko me rekar en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

• 2 Nipai11:5; Alma 12:30; 34:9; 41:2; 42:8, 13–15; Moses 6:59–62 (Et ko n̄an karōk eo an Jemedwōj Ilan̄)

• Katak im Bujen Ko 38:1–3; 138:53–56; Moses 4:1–4; Ebream 3:21–24 (Mour Eo Mokta)

• 2 Nipai 2:19–21, 25; Alma 5:15–16; 34:32; Ebream 3:25–26 (Mour in)

• Jon 14:1–2; Alma 11:42–45; Katak im Bujen Ko 76:39–43, 89–93 (Mour ālikin mej)