Ekōjkan Aō Kōjekdo̧o̧n Pija ko Renana?

Ro uwaan doulul eo ak kūlaaj eo remaron̄ kar ekkatak Katak im Bujen Ko 63 wiik in im riit kōn kakkōl ko an Irooj n̄an Armej ro Rekwojarjar m̧oktata kōn kauwōtata ko an ļōn̄—juon kakkōl Ekar āliji an leļo̧k (lale Katak im Bujen Ko 63:13–16; Matu 5:27–28; 3 Nipai 12:27–30). Ilo an kakkōl kein kar jerbal n̄an armej ro ilo aolep tōre in iiō ko, eļapļo̧k aer menin aikuj ilo tōre in ad, n̄e pija im bok nana ej juon nan̄inmej eajeded. Ta kauwōtata ko im kipel ko reiookļo̧k pija nana ro uwaan doulul eo ak kūlaaj eo maron̄ jelm̧ae? Ta pedped in katak ko an gospel eo im bun̄tōn bōbrae ko remaron̄ jipan̄ dāpij ļōmņak ko im m̧akūtkūt ko aer ilo erreo?

Ilo am̧ m̧aanjabpopo n̄an katakin, ļōmņak in etale “Kein Kam̧ōņōņō im Mitia ko” im “Mour Erreo” ilo N̄an Kōkajoorļo̧k Jodikdik ro ([2011], 11–13, 35–37) im Kōm̧m̧an Bwe Wānōk En Kainōknōk Ļōmņak Eo Am̧ (bok jidikdik eo, 2006).

N̄an jino juon iien ekōnono kōn pija nana, komaron̄ kajjitōk ippān ro uwaan doulul eo ak kūlaaj eo n̄an riiti Katak im Bujen Ko 63:13–16 im ekōnono kōn kōļmenļo̧kjeņ ko jān eoon kein me rejipan̄ er meļeļe etke pija nana ekanooj in kakkure. N̄an jipan̄ ro uwaan doulul eo ak kūlaaj eo meļeļe ekōjkan kōjekdo̧o̧n pija ko renana, kōjerbal juon ak lōn̄lo̧k iaan m̧akūtkūt kein. Ilo jem̧ļo̧kin iien ekōnono eo ami, komaron̄ en̄jake im̧we n̄an ekōnono kōn ekōjkan an bisop eo maron̄ jipan̄ ro me rej alooji pijan nana (lale N̄an Kōkajoorļo̧k Jodikdik ro, 12, 37).

• Ro uwaan doulul eo ak kūlaaj eo am̧ emaron̄ wōr aer kajjitōk ko kōn kōjekdo̧o̧n pija ko renana. N̄an jipan̄ er lo uwaak ko, komaron̄ je kajjitōk kein ioon boot eo: Ta in pija nana? Etke ej kōmmetak? Ekōjkan ad maron̄ oktakļo̧k jān kapo eo an pija nana? N̄an jipan̄ ro uwaan doulul eo ak kūlaaj eo lo uwaak ko n̄an kajjitōk ko ruo m̧oktata, kajjitōk ippāer n̄an etale “Pornography” ilo True to the Faith (peij 117–18) and “Kein Kam̧ōņōņō im Mitia” im “Mour Erreo” ilo N̄an Kōkajoorļo̧k Jodikdik ro (peij 11–13, 35–37). N̄an jipan̄ er lo uwaak ko n̄an kajjitōk eo kein kajilu, kajjitōk ippāer n̄an etale Jenesis 39:1–12; Rom 12:21; 2 Timote 2:22; Alma 39:3–9; Moronai 10:30; Katak im Bujen Ko 27:15–18; 121:45–46. Kajjitōk ippāer n̄an kwaļo̧k uwaak ko rej loi.

• N̄an jipan̄ doulul eo ak kūlaaj eo am̧ lo wāween ko n̄an kōjekdo̧o̧n pija ko renana, komaron̄ kōm̧m̧an bwe ren etale ennaan eo an Elder Jeffrey R. Holland “Place No More for the Enemy of My Soul” (Liaona, Māe 2010, 44–46) im ennaan eo an Sister Linda S. Reeves “Kōjparok jān Alooj Pija Ettoon—Juon Em̧ Pedped Ioon Kraist” (Liaona, Māe 2014, 15–17). Remaron̄ pijaikļo̧k bwe rej ekōnono ippān ļaddik ak leddik eo nejier ilju im jekļaj kōn etke pija nana ej lukkuun in kakkure im ekōjkan n̄an joļo̧k. Ta meļeļe ko renaaj kar kwaļo̧ki jān ennaan ko an kweilo̧k eo raar etale? Kajjitōk ippāer n̄an ejake ruo iaan ruo ko im kwaļo̧k uwaak ko raar loi. Barāinwōt kajjitōk ippāer n̄an je ta eo renaaj kōm̧m̧ane n̄an joļo̧k pija nana.

• Kajjitōk ippān ro kwoj katakin n̄an riiti 1 Korint 10:13 im Alma 13:28. Kajjitōk ippāer ekōjkan aer ļōmņak kōn eoon kein iookļo̧k apan̄ ko ad kōn kōjekdo̧o̧n pija ko renana rainin. Komaron̄ barāinwōt kajjitōk ippāer n̄an pijaikļo̧k bwe ewōr juon m̧ōttaer me ekar lokjak kōn pija nana im kōņaan ukweļo̧k. Ta ro rej lo bwe enaaj kar jipan̄ eo m̧ōttaer ilo eoon kein ium̧win “Kein Jipan̄ ko rej Rie” im ilo peij 1–4 an bok jidikdik eo Let Virtue Garnish Thy Thoughts? Ta eo emaron̄ jipan̄ eo m̧ōttaer meļeļe bwe bisop eo emaron̄ jipan̄ ļeo ak lio? (lale N̄an Kōkajoorļo̧k Jodikdik ro, 12, 37).

Rōjan̄ ro uwaan doulul ak kūlaaj eo n̄an kejo̧kļo̧kjeņ im je ta eo renaaj kōm̧m̧ane n̄an jerbal ekkar n̄an im̧we ko me rekar en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

• Aiseia 1:18; Mosaia 4:2; Katak im Bujen Ko 58:42–43 (Maron̄ jeorļo̧k ad bōd eļan̄n̄e jej ukweļo̧k)

• 1 Nipai 17:3; Mosaia 24:14–15; Alma 26:12 (Anij enaaj kōkajoorļo̧k kōj ilo kijejeto ko ad n̄an kōjparok kien ko)

• The “Individuals” jekjōn eo an AddressingPornography.ChurchofJesusChrist.org

• “Watch Your Step,” “To Look Upon,” “Chastity: What Are the Limits?” “Pornography Addiction: Is There Hope?” “Redeeming the Dead Redeemed Me” (pija in alooj ko), ChurchofJesusChrist.org