Elmen an Jetōb Kwojarjar Kōjeraam̧m̧an N̄a Kajjojo Raan?

Elōn̄ membōr ro m̧okta an Kabun̄ em̧ōj an jepļaaktok kar riit kōn jerbal eo an Jetōb Kwojarjar ilo jeje ko rekwojarjar (lale Jerbal 2:1–4; 13:52; 1 Korinth 12:1–4; 3 Nipai 19). Ilo an kar ro uwaan doulul ak kūaaj eo katake Katak im Bujen Ko 46–48 wiik in, remaron̄ kar jeļā bwe Irooj ekar kijerjer in katak rein Rekwojarjar kōn kōjeraam̧m̧an ko an Jetōb Kwojarjar me en kar waļo̧k ilo mour ko aer. Ta en̄jake ko rekar katakin eok elmen an Jetōb Kwojarjar kōjeraam̧m̧an eok? Elmen an Jetōb Kwojarjar maron̄ jipan̄ ro kwoj katakin ilo aolepān mour ko aer?

N̄an jipan̄ kōpooj eok n̄an im̧we doulul ak kūlaaj eo am n̄an pukot im̧we eo an Jetōb Kwojarjar, kwon lale “Roles of the Holy Ghost” ilo True to the Faith ([2004], 82) im ennaan eo an Elder Gary E. Stevenson’s “How Does the Holy Ghost Help You?” (Liaona, Māe 2017, 117–20).

Jeje ko Rekwojarjar rej letok elōn̄ waanjon̄ok ko kōn menin letok ko an jetōb. Ekōjkan am̧ maron̄ jipan̄ ro uwaan kūlaaj eo am̧ kalōk tōmak eo aer bwe menin letok kein remaron̄ waļo̧k ilo mour ko ad rainin? Kwomaron̄ jipan̄ in karuwaineneik er n̄an je ioon bo̧o̧t eo juon menin letok eo an jetōb kar kōmeļeļeiki ilo Katak im Bujen ko 46:7–33 im kōnono kake elmen aer kar lo an jerbal ilo mour ko aer ak mour eo an juon eo rejeļā kajjien.

N̄an kakkobaba kōn menin letok ko an Jetōb, Jetōb Kwojarjar ej kōjeraam̧m̧an kōj ilo elōn̄ wāween ko. Kwomaron̄ kōjerbal juon ak elōn̄ļo̧k iaan m̧akūtkūt kein ilaļ n̄an jipan̄ ro uwaan doulul ak kūlaaj eo meļeļe menin.

• Jet iien jej ļōmņak jej aikuji wōt Jetōb Kwojarjar n̄an kālet ko raorōk ak iien ko ilo mour ko ad. Elmen am maron̄ jipan̄ ro kwoj katakin kile jon̄an an Jetōb Kwojarjar maron̄ kōm̧m̧an n̄an er? Kwomaron̄ kōjeno̧ļo̧k doulul ak kūlaaj eo n̄an kurup ko reddik im kajjitōk ippān kajjojo kurup n̄an riiti juon ak elōn̄ļo̧k eoon ko jān “Kein Jipan̄ ko rej Rie Katak ko.” Juon armej jān kajjojo kurup remaron̄ kwaļo̧k ta eo raar ekkatak. Innām karuwaineneik kajjojo doulul ak kūlaaj n̄an kōm̧m̧ane juon laajrak in wāween ko an Jetōb Kwojarjar maron̄ kōjeraam̧m̧aan mour ko aer kajjojo raan. Ilo aer kwaļo̧k laajrak eo aer, remaron̄ kōnono kōn ta eo remaron̄ kōm̧m̧ane n̄an bōk Jetōb Kwojarjar ippaer kajjojo raan.

• Ilo bar juon wāween n̄an jipan̄ ro kwoj katakin meļeļe elmen an Jetōb Kwojarjar maron̄ jipan̄ er ej n̄an je kajjitōk kein ilaļ ioon bo̧o̧t eo: Ta eo jejeļā kōn Jetōb Kwojarjar? Elmen an Jetōb Kwojarjar maron̄ jipan̄ kōj? Ro uwaan doulul ak kūlaaj eo remaron̄ lale uwaak ko ilo ennaan eo an Elder Gary E. Stevenson “How Does the Holy Ghost Help You?” (Liaona, Nob. 2017, 117–20). Remaron̄ bar lo uwaak ko jān lale “Roles of the Holy Ghost” ilo True to the Faith (peij 82). N̄e ekkar, kwaļo̧k en̄jake ko am kōn Jetōb Kwojarjar, im karuwaineneik jodikdik ro n̄an kwaļo̧k en̄jake ko aer.

• Ro uwaan doulul ak kūlaaj eo remaron̄ riiti “Personal Revelation” ak “Learn to Recognize the Promptings of the Spirit” ilo jebta 4 in Preach My Gospel ([2019], 95–96, 102–3). Innām kwomaron̄ katenwōt n̄e er mijinede ro rej katakin juon armej eo ejjan̄in kar ron̄ kōn an Jetōb Kwojarjar maron̄ kōjeraam̧m̧an mour ko ad. Ta eo renaaj kar ba n̄an er?

Rōjan̄ ro uwaan doulul ak kūlaaj eo n̄an kejo̧kļo̧kjeņ im je ta eo renaaj kōm̧m̧ane n̄an jerbal ekkar n̄an im̧we ko me rekar en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

• Jon 14:16–27 (Rikaenōm̧m̧an emaron̄ katakin kōj im bōktok men otemjeļo̧k n̄an ememļo̧kjen eo ad)

• Jon 15:26; Katak im Bujen Ko 42:17; Moses 1:24 (Jetōb Kwojarjar ej kam̧ool kōn Jemed im Nejin)

• Rom 8:16 (Jetōb ej kam̧ool bwe jej ajri ro nejin Anij)

• 2 Nipai 32:5; Katak im Bujen Ko 18:18 (Jetōb Kwojarjar enaaj kwaļo̧k n̄an kōj ta eo jej aikuj kōm̧m̧ane)

• 3 Nipai 27:20 (Jetōb Kwojarjar ej kakwojarjar kōj)

• Moronai 8:26 (Jetōb Kwojarjar ej kobrak kōj kōn kōjatdikdik im iakwe)

• Moronai 10:5 (Jetōb Kwojarjar ej katakin kōj kōn m̧ool eo)