Ta in Priesthood?

Ilo am riit kōn jepļaaktok eo an Priesthood eo an Aron ilo Katak im Bujen Ko 13, kajjieon̄ kalimjōk mejen ro kwoj katakin. Rej ke meļeļe kōn kajoor in priesthood eo ilo mour ko aer? Elmen an kar kain̄i ko an priesthood āinwōt peptaij im kwojkwoj kar jipan̄ eok bōk kajoor eo an Rilo̧mo̧o̧r? Ļōmņak kōn en̄jake ko kwomaron̄ kwaļo̧ki. N̄an kōpooj eok make n̄an kwaļo̧k kōn priesthood eo, ļōmņak in ekkatak jeje ko rekwojarjar ilo laajrak eo an wiik in ilo Itok, Ļoor Eō— N̄an ro Kajjojo im Baam̧le ko im “Priesthood” ilo Tōl Jeje ko Rekwojarjar (scriptures.ChurchofJesusChrist.org).

N̄an jino juon ekōnono kōn priesthood, kwomaron̄ karuwaineneik ro uwaan doulul ak kūlaaj eo n̄an kwaļo̧k ta eo rejeļā kōn jepļaaktok eo an Priesthood eo an Aron, ekoba ta eo raar riiti ilo wiik in ilo Katak im Bujen Ko 13 im Josep Smith—Bwebwenato 1:66–75. Kwomaron̄ bar kwaļo̧k juon pija ej kwaļo̧k kōn jepļaaktok eo an Priesthood eo an Aron (āinwōt Gospel Art Book [2009], no. 93) im karuwaineneik ro uwaan doulul ak kūlaaj eo n̄an kwaļo̧k ta eo rejeļā kōn iien in. Etke jej m̧ōņōņō kōn jepļaaktok eo eo an priesthood? Makūtkūt kein ilaļ remaron̄ jipan̄ em̧m̧anļo̧k am katakin ta in priesthood im elmen ad kar jeraam̧m̧aan kake.

• Elmen an ro uwaan doulul ak kūlaaj eo kōmeļeļeiki ta in priesthood n̄an ro jet rejjan̄in kar ron̄ kake m̧okta? N̄an jipan̄ er, kwomaron̄ kōlaajraki ioon bo̧o̧t eo jet iaan kajjitōk ko ewōr ippān armej ro kōn priesthood, āinwōt Ta in priesthood? Elmen an juon armej bōk priesthood? Elmen an juon rikabwijer priesthood eo jerbale? Ta eo rikabwijer priesthood ro rej kōm̧m̧ane? Karuwaineneik ro kwoj katakin n̄an pukote uwaak ko kōjerbal jeje ko rekwojarjar im kein jipan̄ ko jet ilo “Kein Jipan̄ ko rej Rie Katak eo” im je uwaak ko aer ioon bo̧o̧t eo. Kwomaron̄ kajjitōk ippāer n̄an kwaļo̧k kōjeraam̧m̧an ko raar waļo̧k ilo mour ko aer kōn wōt priesthood eo. Kwomaron̄ bar kwaļo̧k im ekōnono kōn video eo “How the Priesthood Works” (ChurchofJesusChrist.org; bar lale Dale G. Renlund, “Priesthood eo im Kajoor in Lo̧mo̧o̧r an Rilo̧mo̧o̧r eo,” Kweilo̧k eo Eļap, Okt. 2017).

• Eļan̄n̄e kwoj katakin rikabwijer priesthood ro an Priesthood eo an Aron, remaron̄ in jeraam̧m̧an jān etale ennaan eo an Brother Douglas D. Holmes “Ta eo Aolep Rikabwijer Priesthood an Aron Rej Aikuj in Jeļā” (Kweilo̧ eo Eļap, Eprōļ 2018). Kwomaron̄ jitōn̄ kajjojo ro uwaan doulul eo n̄an etale pārokūrāāp ko jinointata in enaan eo ak emen iaan jekjen ko jet. Karuwaineneik kajjojo ļaddik n̄an lale men ko me ej en̄jake kajjojo rikabwijer priesthood ro an Aron reaikuj meļeļe. Leļo̧k n̄an e jidik iien n̄an kwaļo̧k ta eo eaar ekkatak im kōmeļeļeiki etke eaar kālete bwe en kwaļo̧ke.

• Eļan̄n̄e kwoj katakin jiron̄ ro, kwmaron̄ kwaļo̧k ennaan eo an Būreejtōn Russell M. Nelson “Spiritual Treasures,” eo kar kōnono n̄an er (Liaona, Nob. 2019, 76–79). Kwomaron̄ kajjitōkin ro uwaan kūlaaj eo n̄an kappukote ennaan eo an men ko remaron̄ kōm̧m̧ani n̄an lukkuun “epaake kajoor eo an Rilo̧mo̧o̧r” ilo mour ko aer (peij 77). Ta eo Būreejtōn Nelson eaar kwaļo̧k kake elmen ad maron̄ bōk kajoor eo an priesthood? Elmen an kajoor eo an priesthood kōjeraam̧m̧an kōj? Rōjan̄ jiron̄ ro n̄an ļōmņake elmen aer naaj mour kake kūr in jān Būreejtōn Nelson: “I entreat you to study prayerfully all the truths you can find about priesthood power” (peij 79).

Rōjan̄ ro uwaan doulul ak kūlaaj eo n̄an kejo̧kļo̧kjeņ im je ta eo renaaj kōm̧m̧ane n̄an jerbal ekkar n̄an im̧we ko me rekar en̄jaki rainin. Ewi wāween an katak eo an rainin iookļo̧k kōttōbar ko an juon make me rekar kōm̧m̧ani? Eļan̄n̄e rekōņaan, ro uwaan doulul ak kūlaaj eo remaron̄ kwaļo̧k ļōmņak ko aer.

• Katak im Bujen Ko 84:17–22; 107:1–5 (Priesthood ej kajoor im mālim an Anij)

• Hibru 5:4; Laajrak in Tōmak ko 1:5 (Rikabwijer priesthood ro rej kūr jen Anij im ekkapit jen eo ewōr mālim ippān)

• Katak im Bujen Ko 121:34–46 (Kajoor im malim eo an priesthood ej jerbal ioon pedped ko rejim̧we)

• Matu 3:1–6; 28:16–19; Jon 15:16; Katak im Bujen Ko 12:3–4 (Em̧m̧aan im kōrā ro rerreeo rej kwalo̧k gospel in)

• Jerbal 3:1–8; Jemes 5:14–15 (Rikabwijer priesthood ro rej leļo̧k kōjeraam̧m̧an ko n̄an kemour ro renan̄inmej im liaajlaļ)

• 3 Nipai 11:21–22; 18:1–5; Katak im Bujen Ko 107:20 (Rikabwijer priesthood ro rej kōm̧m̧ani kain̄i ko)

• Katak im Bujen Ko 65:2; 107:18–21 (Rikabwijer priesthood ro rej jipan̄ tōl Kabun̄ in)

• True to the Faith, “Aaronic Priesthood,” “Melchizedek Priesthood,” “Priesthood,” 3–4, 101–2, 124–28