Yesu Kristo Su ahodoɔ Ɔdwoɔ ne Ahobrɛaseɛ

Yesu kaa sɛ, “Deɛ ɔyɛ mo mu kɛseɛ no, ɔnyɛ sɛ akumaa; na deɛ ɔyɛ otitire no nyɛ sɛ deɛ ɔsom. Na hwan na ɔso, deɛ ɔte aduane ho anaasɛ deɛ ɔsom? Ɛnyɛ deɛ ɔte aduane ho no? Na me deɛ, mewɔ mo mu sɛ deɛ ɔsom.” (Luka 22:26–27).

“Agyenkwa no ne yɛn nhwɛsoɔ kɛseɛ wɔ ahobrɛaseɛ ne ɔdwoɔ ho. Ɛfiri sɛ, Ne pɛ a Ɔde hyɛɛ Agya no pɛ ase no de abasɛm kɛse pa ara, a ɛkura tumi kɛseɛ pa ara mpo wɔ abakɔsɛm mu baae. Ebia nsɛmfua kronkron a ɛdi mu pa ara wɔ twerɛsɛm no mu no ara ne ‘Ɛnyɛ deɛ mepɛ, na deɛ wopɛ na ɛnyɛ hɔ’ (Luka 22:42).”

Sɛ yɛyɛ Yesu Kristo akyidifoɔ yi, yɛhwehwɛ daa sɛ yɛbɛyɛ sɛ Ɔno. “Sɛ yɛbɛyɛ sɛ Kristo a, ɛnneɛ ɔdwoɔ ho hia pa ara,” Ɛlda Ulisses Soares a ɔka aduoson no ho no na ɔkaeɛ. Sɛ ɛnka ho a, yɛntumi nnya su foforɔ. Sɛ obi dwo a, ɛnkyerɛ sɛ ɔyɛ mmrɛ, mmom ɛkyerɛ papayɛ ne ayamyɛ su, ɛkyerɛ ahoɔden, koomyɛ, obua-pa a obi wɔ ma ne ho, ne ahohyɛsoɔ.” Berɛ a yɛrenya saa su yi, yɛbɛhunu sɛ “sɛ yɛde yɛn pɛ ma Agya no ahobrɛaseɛ mu a, ɛde Onyankopɔn denhyɛ—a ɛyɛ ahobrɛaseɛ tumi no ba. Ɛyɛ tumi a yɛde di abrabɔ mu haw so, asomdwoeɛ tumi, anidasoɔ tumi, akoma no tumi a ɛde anigyeɛ repɛ ɔdɔ ne adanseɛ a ɛfa Agyenkwa Yesu Kristo ho, mpo ɔgyeɛ tumi no.”