Atitenafoɔ a Wɔdi Kan no Nkransɛm, Ogyefuo 2014
Fa Ɔdɔ Som Awurade
Awurade Yesu Kristo kyerɛɛ sɛ, “Deɛ ɔbɛgye ne nkwa bɛhwere no: nanso deɛ ɔbɛhwere ne nkwa ama me no, nipa korɔ no bɛnya nkwagyeɛ” (Luka 9:24).
Otitenani Thomas S. Monson kaa sɛ, “Megyedi sɛ Agyenkwa no reka akyerɛ yɛn sɛ, sɛ yɛammfa yɛn ho nyinaa ansom afoforɔ a, ɛnneɛ botaeɛ biara nni yɛn ankasa abrabɔ mu. Wɔn a wɔwɔ hɔ ma wɔn ho ara pɛ no twintwam na, abɛbuo mu no, wɔhwere wɔn nkwa, na wɔn a wɔsom afoforɔ no nyini yɛ frɔmfrɔm, —na wɔgye wɔn ankasa nkwa.”
Otitenani Monson nkyerɛkyerɛ a ɛdi soɔ yi, ɔkae Nna a Ɛdi Akyire Ahotefoɔ sɛ wɔyɛ Awurade nsa na nhyira a ɛnni awieɛ wɔ hɔ ma wɔn a wɔ som afoforɔ wɔ gyidie mu.
Tempol mu Som
Sɛ yɛyɛ ayɛdeɛ kronkron ahodoɔ no ma awufoɔ a, ɛyɛ ɔsom kɛseɛ. Mpɛn pii no ɛyɛ a na yɛnnim wɔn a yɛyɛ ayɛdeɛ no ma wɔn no. Yɛnhia aseda biara, na yɛnni anidasoɔ kɛseɛ biara sɛ wɔbɛgye deɛ yɛyɛ no nyinaa ato mu. Nanso, yɛsom, na yɛnya deɛ ɔsom biara nntumi mma, yɛbɛyɛ Agyenkwa wɔ Sion Bepɔ so. Sɛdeɛ yɛn Agyenkwa no de ne nkwa bɔɔ afɔdeɛ maa yɛn no, saa na yɛn nso, wɔ ɔkwan ketewa bi so, yɛyɛ bi, berɛ a yɛyɛ odima adwuma wɔ Tɛmpol ma wɔn a wɔawuwu a wɔnni kwan a wɔbɔtumi atu mpɔn gyesɛ wɔn a wɔwɔ asaase yi so yɛ biribi ma wɔn.”
Yɛyɛ Awurade Nsa
“Anuanom ne adɔfo, wɔn a wɔhia yɛn asoyɛ, yɛn nkuranhyɛ, yɛn mmoa, yɛn awerɛkyekye, yɛn ayamyɛ—atwa yɛn ho ahyia, sɛ wɔyɛ abusuafoɔ, nnamfoɔ, ayɔnkoɔ, anaa ahɔhoɔ. Yɛyɛ Awurade nsa wɔ asaase so, a wahyɛ yɛn sɛ yɛnsom na yɛmma ne mma so. N’ani da yɛn mu biara so. …
Yɛresom wɔ Agyenkwa Annamɔn mu
Awurade a na wadi owuo so nkunim no kaa wɔ Nifaefoɔ no mu sɛ, ‘Monim deɛ ɛsɛ sɛ moyɛ wɔ m’asɔre mu; nnwuma a moahunu me sɛ mereyɛ no ɛno na mo nso monyɛ; na deɛ moahunu sɛ mereyɛ no ɛno ara nso na monyɛ’ [3 Nifae 27:21].
“Sɛ yɛ som wɔ ‘Nasarini Yesu…a na ɔnam reyɛ papa no’ annamɔn mu a yɛhyira afoforɔ [Asomafoɔ 10:38]. Onyankopɔn nhyira yɛn ma yɛn-nya anigyeɛ wɔ yɛn Agya a ɔwɔ Soro som mu berɛ a yɛsom ne mma wɔ asaase so.”
Hia a Ehia sɛ Yɛ Som
“Yɛbɛtumi de mpaebɔ ahwehwɛ ɔkwan a yɛde bɛnya asɔremma a wɔate ada anaa wɔatwe wɔn ho afiri ɔsom no mu. Sɛ yɛma wɔn adwuma bi yɛ a ɛbɛtumi ahyɛ wɔn nkuran ama wɔasane abɛyɛ hye wɔ asɔre no mu. Nanso ɛtɔ da bi a mpaninfoɔ a wɔbɛtumi aboa wɔ saa adwuma yi mu no mmpɛ sɛ wɔboa. Ɛsɛ sɛ yɛhu sɛ nnipa tumi sesa. Wɔbɛtumi ato suban bɔne no atwene. Wɔbɛtumi anu wɔn ho afiri wɔn mfomsoɔ ho. Wɔbɛtumi akura asɔfodie no wɔ ahoteɛ kwan so. Na wɔbɛtumi asom Awurade yie.”
Yɛreyɛ Deɛ Ɛsɛ sɛ Yɛyɛ Nyinaa?
“Wiase hia yɛn mmoa. Yɛreyɛ deɛ ɛsɛ yɛyɛ nyinaa? Yɛkae Otitenani John Taylor nsɛm no: ‘Sɛ woanterɛ w’asodie no mu a, Onyankopɔn bɛtwe w’aso wɔ wɔn a anka woyɛɛ w’adwuma yie a wobɛgye wɔn nkwa no ho’? Asɔre no Atitenafoɔ nkyerɛkyerɛ : John Taylor (2001), 164. Nan wɔ hɔ a ɛsɛ sɛ yɛde si yie, nsa a ɛsɛ sɛ yɛsɔ mu, adwene a ɛsɛ sɛ yɛhyɛ no nkuran, akoma a ɛsɛ sɛ yɛkanyan, ne akra a ɛsɛ sɛ yɛgye wɔn nkwa. Daa nkwa nhyira no retwɛn wo. W’akwanya no nnyɛ sɛ wobɛyɛ ɔhwɛfoɔ kwa na mmom wobɛka…asomfoɔ no ho.”
© 2014 Intellectual Reserve, Inc.ntintim ho akwannya. Wɔtintimm wɔ USA English approval: 6/13. Translation approval: 6/13. Translation of First Presidency Message, February 2014. Twi. 10862 503
Nkransɛm yi mu Nkyerɛkyerɛ.
“Sɛ wowɔ Kristo dɔ no a, wobɛsiesie wo ho akyerɛ asɛmpa no. Wo bɛnya nkanyan de aboa afoforɔ ama wɔahunu Agyenkwa no na wɔadi n’akyi.” Dwene ho sɛ wobɛbɔ mpaeɛ anya ɔdɔ mmapa ama wɔn a wosra wɔn no. Sɛ wonya Kristo dɔ ma wɔn a, wobɛtumi asom Awurade ne wɔn a wokyerɛ wɔn adeɛ no wɔ akwan a ɛhia so.