Peheka… umi libro iporãvévape

Voi peteĩ pyhareve, ahecha peteĩ yso ñembyahýi ha okañy porãva peteĩ rosaty porãitépe. Ohechávo umi hokykue hogue’ỹva, ojehechakuaa, avei pe nomaña porãivape ğuarã, pe yso oñembohapeha ho’úvo umi togue pyahu hañykã ñarõre. Alegóricamente, ndaikatúi apensa’ỹ oĩha heta persona ha’éva pe ysóicha; oime opa mundo-pe, ha oĩ ojedisfrasa porãite haguére ñamoinge ñande rekovépe ha, ñañeme’ẽ’ỹre en kuénta, okarúma katu ñande rapo espiritual-re ha umi ñane familiar ha amigo-kuérare.

Jaiko peteĩ époka oĩhápe heta desinformación ñane creencia-kuérare. Ko’ãichagua tiempo-pe, pe ñeñangareko’ỹ ha ñambopypuku’ỹ ñande rapo espiritual ha’e peteĩ invitación umi oisu’úvape oñeha’ã hağua ombyai ñande fe Cristo-re ha ñande jerovia Itupao restaurado-re. Libro de Mormón épokape, Zeezrom ha’e pe oñeha’ãva’ekue ombyai umi ogueroviáva fe.

Hembiapo ha iñe’ẽnguéra “peteĩ penderayhu’ỹva ñuhã, ha’e [omoĩva] omoñuhã hağua [ko] tavayguakuérape, penemoĩ hağua[ipoguý] pe , penemo [sã] iñeñapytĩmby pu’akáicha” (Alma 12:6). Ko’ãichagua ñuhã oĩko ko’ã árape ha, ñañaiméi ramo espiritualmente alerta ha ñamoĩ fundamento seguro ñane Redentor ári (tojehecha Helamán 5:12), ikatu jajuhu ñañeñapytĩ Satana kadenakuérape ha jajegueraha mbegue umi senderos prohibidos rupi oñeñe’ẽvare Libro de Mormón-pe. (tojehecha1 Nefi 8: 28).

Pe apóstol Pablo ombopu peteĩ advertencia hi’árape, ohóva avei ñande épokare: “Che aikuaáre… ñandeapytépe ojupitaha kuimba’ekuéra oñe’ẽva mba’e aña, ombotyryry hağua umi discípulo-pe hapykuéri” (Hechos 20:29–30).

Iñadvertencia ha umi ñande profeta ha apóstol-kuéra ñanemomandu’a jajapova’erãha opa ikatúva ñañemombarete hağua espiritualmente umi ñe’ẽ oposición ha ñembotavy rehegua rovái. Avisitávo umi Tupaogua barrio ha estakakuéra, añeñandu edificado umi ahechávare, ahendu ha añandu santo-kuéra ombohovái porãvo ohóvo oĩpype fiel Ñandejára ha Isiervokuéra mbo’epýpe.

Pe día de reposo observancia-ve peteĩ ejemplo-nte mba’éichapa umi miembro-kuéra oñemombarete ohendúvo umi invitacion profética. Ojehecha peteĩ ñemombarete tuichavéva okakuaávo templo obra ha historia familiar umi familia-kuéra ojoajúrõ iñemoñaréndi templo ordenanza-kuéra rupi. Ñande rapo espiritual-kuéra ipypukuve pe ñembo’e personal ha familiar-gui oikóvo ñande fe baluarte ramo, ñañe’arrepentiháicha ára ha ára, jahekávo Espíritu Santo ñemoirŭ ha jaikuaave Ñandejára ha Ijatributokuéragui ha ñañeha’ã taha’e Ha’éicha (tojehecha 3 Nefi 27:27).

Ñandejára, Jesucristo, ha’e Mundo Ohesapéva ha ñanerenói jaha hağua hapykuéri. Jahava’erã Hendápe opa momento-pe ha oĩrõ katu pyharepytŭ ha tormentosa-va pe jerovia’ỹ ara vai ha incertidumbre, peteĩ tatatĩ iñypytŭvaicha, oike ramo kañyháme. Umi kuã ohechaukáva ramo pe “ysyry amo gotyove [ojehupihápe] peteĩ óga tuichapajepéva ha ipyrusúva” (1 Nefi 8:26) ha’etéva ojedirihíva peẽme oñembohory ramoguáicha, desprecio ha séña oporohenóivape, ajerure peẽme tapeñemomombyry pya’ete ani hağua pene convense, umi mba’e astuto ha penembotavysévagui, pejei hağua añetegua ha tovasapýgui.

Upeichavérõ, upéva año ndohupytymo’ãi ko époka oñeñe’ẽhápe, ojehai ha ojehechaukahápe mba’evaieta. Élder Robert D. Hales ñanembo’e: “Napeiméi ramo peẽ anhelosamente consagrado javivívo Evangelio—jaiko opa ‘pene korasõ, ánga, ménte ha mbarete rehe’—ndaikatúi omoheñói pe tesape espiritual oiporãva omboguevi hağua pytŭmby” Pytŭmbýgui Hesape maravillosa-pe” Liahona, julio 2002, 78). Añete, ñande potapy jasegívo Cristo-pe, ha’éva Mundo Resape (tojehecha Juan 8:12 ), he’ise jajapova’erãha Imbo’ekuérahe’iháicha. Ñaime espiritualmente fortalecido, ñemombarete ha ñemo’ãme jajapóvo jahávo Tupã ñe’ẽ he’iháicha.

Tuichavévo tesape ñande rekovépe, oĩ’ivéta kuarahy’ã. Upeichavérõ, pe tesape heta ramo jepe, ñaime expuesto umi yvypóra ha ñe’ẽ ombyaíva umi ñande jagueroviáva ha omoingéva prueba-pe ñande fe. Pe apóstol Santiago ohai “pe prueba [ñande] fe rehegua ogueru ñeha’arõkuaa” (Santiago 1:3). Upe perspectiva guie, élder Neal A. Maxwell ombo’e “peteĩ discípulo iñeha’arõkuaáva… noñemondymo’ãi ni nda’iku’imo’ã ioñemoĩvo Tupao añetegua’ỹ ramo” (“Patience” [devocional de la Universidad Brigham Young, 27 de noviembre de 1979], speeches.byu.edu).

Oĩ ramo porandukuéra Tupã historia ha ogueroviáva rehegua. Moõpa jaha jajuhu hağua ñembohovái porã oikotevẽ heta ñeñangarekóre. Noñeganái mba’eve ja’explorávo umi punto de vista ha temimo’ã umi oikuaa sa’íva térã oĩva decepcionado-gui. Pe consejo iporãvéva ome’ẽva apóstol Santiago: “ha pende apytépe oĩrõ orekóva arandu’ỹ, tojerureTupãme” (Santiago 1:5).

Pe Tupãme jejerure mboyve ojejapova’erã estudio cuidadoso ñaime haguére Escritura-kuéra mandato guýpe jahekávo“ñe’ẽ iñarandúva umi libro iporãvévagui; [jaheka] conocimiento, estudio-re fe rupiguáicha avei” (D. y C. 88:118) Oĩ heta umichagua libro, ohaiva’ekue umi tuapaogua líderes oñe’inspiráva yvágare ha umi historia ha tupaogua doctrina erudito-re ojekuaáva, seguro ha confiable. Upéva ha’éva, mba’eve ndohasái pe Tupã ñe’ẽ revelada majestad-pe umi libro canónico-pe. Umi página po’ípe, henyhẽva perspectiva espiritual-gui, jaikuaa añetegua Espíritu Santo rupiha upéicha ñamongakuaave tesape.

Presidente Thomas S. Monson ojerure’asy ñandéve “ára ha ára taja’estudia ha tañamedita Libro de Mormón-pe espíritu ñembo’e reheve” (“Pe Libro de Mormón poder,” Liahona, May 2017, 87).

Ojapo heta áño, che aservívo presidente de Misión Fiji Suva-pe, misionero-kuéra oreko peteĩ experiencia ohechaukáva pe Libro de Mormón poder de conversión. Peteĩ árahaku ha he’õvape, mokõi élderes oğuahẽ peteĩ ógape peteĩ poblado’i Labasa-pe.

Pe okẽme ñehenói ombohovái peteĩ karai curtido ohendúva umi misionero-kuéra otestifikávo pe Libro de Mormón añeteguaha. Ome’ẽ chupe peteĩ ejemplar ha o’invita olee ha oñembo’e hağua oikuaa hağua, ha’ekuéraicha, ha’ehaTupã ñe’ẽ. Iñembohovái mbyky: “Ko’ẽrõ aju jeýta aipirakutu; Aleéta aime aja mar-pe, ha ajevývo, ikatu chevisita jey”.

Oĩ’ỹ aja, oiko pe jeguerova ha, semana areve, mokõi élder pyahu ou jey ovisita upe pescador-pe. Upe ramo ğuarã, ha’e oleepáma kuri Libro de Mormón, omoğuahẽ confirmación añeteguaha ha oĩ ansioso oikuaavévo.

Ko kuimba’e oñekonverti Espíritu Santo rupi, ome’ẽva testimonio umi ñe’ẽ hepy añeteguágui acontecimiento ha doctrina-gui oĩva káda página-pe oñembo’e’akue yma ha oñeñongatuva’ekue ñande árape ğuarã Libro de Mormón-pe. Koichagua tovasapy oĩ jahupyty hağuáicha avei ñande peteĩ teĩ.

Pe ógapy niko tenda iporãvéva umi familia-kuéra o’estudia ha okomparti hağua idea ovaléva Escritura rehegua, umi profeta-kuéra ñe’ẽgui ha oike peTupao material LDS.org-pe. Upépe pejuhúta heta información umi Evangelio tema-kuéra rehegua Primera Visión ñemombe’úicha. Ja’estudiávo umi libro porãgui, ñañemo’ã umi tañykã ñarõ oñeha’ãvagui okaru ñande rapo espiritual-re.

Ñañembo’e hetavérõ jepeve, estudio ha reflexión-re, ikatu oĩ gueteri porandu oñembohováiva’erã, ha katu ndajahe’jáiva’erã upéva ombogue pe fe rata hendýva ñandepype. Umi porandu ha’e peteĩ invitación omongakuaávo ñande fe ha ndaha’éi omoingoveva’erã peteĩ momento pasajero duda mbotavy rehegua. Ha’e pe religión esencia-ite ndorekói peteĩ ñembohovái seguro káda porandúpe ğuarã, ha’e haguére péva peteĩ fe propósito. Upévagui, élder Jeffrey R. Holland ombo’e: “oğuahẽvo umi momento ha heñói umi problema-kuéra, ha umi problema solución ndoupya’éirõ, pejapyhy pe jeikuaaperekóvama ha peime firme pemoğuahẽ meve jeikuaave” (“Ñandejára, che arovia,”Liahona, May 2013, 94).

Jahecha ñande jerére pe gozo orekóva umi oñemantenéva firme pemongaru meme ramo pende hapo espiritual-kuéra. Pe ife ha inobediencia ohupyty ome’ẽ hağua tuicha esperanza Ñandejárape, ha upévagui ou tuicha vy’a. Nde’íri oikuaaha opa mba’e, ha katu ohepyme’ẽ upe precio oikuaa hağua oikotevẽva oreko hağua py’aguapy ha oiko ñeha’arõkuaáre oñeha’ã aja oikuaave. Línea por línea, pende fe oñemopyenda Cristo-pe ha opyta firme santokuéra conciudadano-kuéraicha.

Jaiko ikatu hağua umi yso okañyýva rañykã ñarõ ojuhu’ỹ hağuáicha hendarã, ni ko’áğa ni araka’eve, ñande rekovépe , ikatu hağua japyta“ha noñemovãi hikuái ijeroviágui Cristo-pe, jepe ipahaite peve” ( Alma 27:27,). Jesucristo rérape. Amén.