Pe ógape jehose jey

Ojapo peteĩ siglo rupi, peteĩ familia Oregon-gua oĩ hína vacación aja Indiana-pe – 3.200 km rupi de distancia – okañyrõguare ijagua Bobbie. Pe familia desesperada oheka oparupi ijaguápe, ha katu reiete; Bobbie ndo’aparecéi.

Korasõ rasy reheve, oho jey hogakuérape, ha káda kilometro ohóva omomombyryve chupekuéra imascota ohayhuetévagui.

Sei mese rire, upe familia tuicha oñemondýi otopávo Bobbie-pe hóga rokẽme Oregon-pe. “Iky’a, ipiru sakã, ipy ojegastapa ikangue peve, ojogua oguatahague opa upe distancia.ijeheguínte.” Bobbie historia ointeresa tekovekuérape opa Estados Unidos-pe ha ojekuaa chupe “Bobbie, jagua maravilla” ramo.

Bobbie ndaha’éi pe mymba año omokañýva cientifikokuérape isentido de orientación ojeguerovia’ỹva ha iñistinto hógare.Oĩ mariposa monarca aty ovevéva 4.800 kmts. Ohekávo clima porãve osobrevivi haĝua. Umi karumbe Laud ohasa pe océano pacífico Indonesia guive California rembe’y peve. Umi ballena jorobada o’yta ou ha oho Polo Norte ha Sur y ro’ysã guive pe ecuador peve; ha ikatu pe ojeguerovia’ỹvéva ha’e pe charran ártico, ovevéva ou ha ohópe káda áño círculo polar ártico guive Antartida peve, ohóvo 97.000 km. rupi.

Umi cientifiko oestudiarõ upe ñemboheko hechapyrãva, oñeporandu hikuái ko’ãichagua mba’e: ¿Mba’éicha piko oikuaa moõpa ohova’erã? ha ¿ Mba’éicha piko káda generación oúva oikuaa upe ñemboheko?

Amoñe’ẽvo umi mymbakuéra instinto poderoso mbaretégui, añeporandúmante: “ Ikatu piko umi kuimba’ekuéra oguereko avei peteĩ anhelo upeichagua – peteĩ sistema de orientación ipype, ja’esérõ – omo’aĝuiva chupekuéra hóga yvagaguagui?”

Aguerovia káda kuimba’e, kuña ha mitã oñandu pe yvága ñehenói peteĩ momento hekovépe. Pypyku ñande ryepýpe oĩ pe afán jahasa haĝua pe vélo, oimeháicha, ha ñañañuã ñande Ru ha sy Yvagagua, umi jaikuaa ha jahayhuva’ekue.

Oĩ ikatúva oipe’a ha ombogue upe anhelo, ha katu umi nomboguéiva upe tesape oĩva hyepýpe ikatu kuaa oho peteĩ viaje ojeguerovia’ỹpe; peteĩ migración hechapyrãva climas celestiales gotyo.

Iglesia de Jesucristo de los Santos de los Ultimos Días mensaje sublime ha’e Tupã ha’eha ñande Ru, Ha’e oñeinteresa ñanderehe ha oĩ peteĩ manera jaha jey haĝua Hendápe.

Tupã penerenói

Tupã oikuaa peteĩ teĩ penepensamiento-kuéra, pende jepy’apy ha pende esperanza tuichavéva. Tupã oikuaa heta jey pehekava’ekue Chupe; heta jeypevy’aitereihague, heta vece jeypenerasẽva’ekue pene’añomi; umi heta jey peñeñanduva’ekue tyre’ỹ, confundido ha pende pochyramo’akue.

Upevére, oimporta’ỹre pehasava’ekue – penekangýrõ, pejavýrõ, peñeñandúrõ destrozado, py’aro reheve, traicionado térã pepo’ẽ - peikuaáke napeimeiha pene’año. Tupã penerenói gueteri.

Pe Salvador oipyso ipo; ha, ojapohaguéicha ojapo heta ára umi pescador-kuéra ndive oĩva Galilea mar rembe’ýpe, mborayhu opave’yỹva reheve he’i peẽme: “Peju cherapykuéri.”

Pehendúrõ Chupe, Ha’e oñe’ẽta peẽme ko árape voi.

Peguatávope discipulado rapére – pehóvo ñande Ru Yvagagua gotyo – oĩta peteĩ mba’e pende pype okonfirmátva peẽme pehendu hague pe Ñandejára ñehenói ha pemoĩhague pene korasõ tesape gotyo. He’íta peẽme peimeha tape porãme ha pehoha jey hína ógape.

“Tiempo ñepyrũmby guive Tupã profetakuéra omokyre’ỹ tekovekuéra hi’epokaguápe “[ohendu] haĝua Jehová nde Tupã ñe’ẽ…peñongatu imandamiento ha ijestatutokuéra…[ha peñekonverti i[Chupe] opa pende korasõ ha opa pende ánga reheve.”

Escritura-kuéra ñanembo’e mil razones jajapo haĝua upéva

Ko árape, pehejami tame’ẽ peẽme mokõi razones jajerejey haĝua Ñandejára gotyo.

Peteĩha: pende rekove iporãvéta.

Mokõiha: Tupã pendeipurúta pemoporãve haĝua ambue rekovekuéra.

Atestifika jahárõ térã jasegírõ pe travesia ojeguerovia’ỹva ñandegueraháva Tupãme, ñande rekove iporãvéta.

Upéva nde’iséi ñaimetaha ñembyasy’ỹre. Opavave jaikuaa heta Cristo-pe osegíva tekojojápe ohasáva tragedia ha inhustisia. Jesucristo-ite ohasa’asyvékuri opavavégui. Túva ohejahícha “Kuarahy tosẽ iñaña ha iguénova ári”, upéicha avei oheja jehasa’asy toipy’ara’ã hekojoja ha hekojoja’ỹvape.Añetehápe, sapy’ánte ojogua ñande rekove hasyveha ñañeha’ã rupi javivi ñande religión.

Nahániri, jasegi pe Salvador-pe noguenohẽmo’ãi opa pende prueba-kuéra. Ha katu, oguenohẽta umi barrera oĩva peẽ ha pytyvõ Túva ome’ẽséva peẽme mbytépe. Ha’e oĩta penendive. Ogiáta pende guata. Ha’e oĩta pende ykére ha pendegueraháta ijyva ári peikotevẽrõ.

akuéra iporãitéva: “…mborayhu, vy’apavẽ, py’aguapy, longanimidad, benignidad, py’aporã, [ha] fe.”

Ko’ã yva espiritual ndoúi prosperidad temporal, éxito ni suerte-gui rei. Ou jasegihaguére Ñandejárape ha ikatu oĩ ñanendive jepe umi aravai ivaive vove.

Ko tekove mortal rata ha jetyvyro ikatu ñane’amenasa ha ñanemongyhyje, ha katu umi omboykéva ikorasõ Tupã gotyo oñeañuãta ipy’aguapy reheve. Ivy’apavẽ noñemomichĩmo’ãi. Ndojehejamo’ãi ha’eño ni ndahesaraimo’ãi hesekuéra.

“Ejerovia Tupãre opa ne korasõ reheve”, ombo’e Escritura-kuéra “ha ani rejeko nde katupyry rehe. Ehechakuaa Chupe opa nde rapére, ha ombojojáta nde guata.”

Umi ohendúva hyepypegua ñehenói ha oheka Tupãme, umi oñembo’éva, ogueroviáva ha oguatáva tapére Ñandejára ombosako’iva’ekue – oñepysangárõ jepe tapére – ohupyty pe ñemoañete oporomoangapyhýva “opa mba’e omba’apo jojataha [i]mba’eporãrã.”

Tupã ikatu haguére “…ome’ẽ mbarete ikane’õvape ha ombohetave mbarete ikangývape.”

“Siete vece ho’águi hekojojáva ha opu’ã jey.”

Ha Ñandejára Ipy’aporãme oporandu:

¿Peñandusépa peteĩ vy’a opa’ỹva?

¿Peñandusépa pene korasõme pe py’aguapy ohasáva opa ñeikŭmby?

Upéicharõ pembojere pene ánga tesape gotyo;

Pemoñepyrũ pende rape hechapyrãva óga gotyo.

Pejapóvo upéicha, pende rekove iporãvéta, pevy’avéta ha peguerekóta propósito tuichave.

Pende rape peho jey haĝua Túva Yvagaguápe pya’e pehechakuaáta ko jeguata ndaha’eiha peñe’enfoka haĝua pende rekovépe. Nahániri, ko jeguata pendegueraháta katuete ha’e haĝua peteĩ jehovasa Tupã ta’ýra ha tajyrakuéra rekovépe ĝuarã – ha’éva pende hermano ha hermana-kuéra. Ha iñinteresantevéva ko jeguatágui ha’e peservívo Tupãme ha peñangarekóvo pende rapichakuéra rehe, pehecháta tuicha ñemotenonde pende rekovépe, napeimo’ãiháicha araka’eve.

Ikatu pepensa ndapevaleiha, ikatu napepensái peẽ ha’eha peteĩ jehovasa ambue rekovépe. Py’ỹi ñapensávo ñandejehe jahechánteñande limitación ha deficiencia. Ikatu ñapensa ha’e “ve”va’erã peteĩ mba’égui Tupã ñandepuru haĝua: ñane’inteligenteve, ñandepirapireve, ñandekarismatikove, ñandekatupyryve, ñande’espiritualve. Jehovasa oúta ndaha’eivoi pende habilidakuéra rupi ha katu decisión-kuéra pejapóva rupi. Ha ko universo Tupã omba’apóta pendepype ha penderupi, ombotuichavévo opa esfuerzo mirĩ pejapóva Ipropósitope ĝuarã.

Hembiapo okakuaa tapiaite ko importante principio rupive: “…michĩ mba’égui ou mba’etuicháva.”

Ohaívo santokuérape oĩva Corinto-pe, apóstol Pablo ohechakuaa ndahetái miembro-kuéra upepegua oimo’ãta iñaranduha hikuái según yvóra normakuéra. Ha katu upéva noimportái “…yvorapegua ikangývape oiporavoTupã omotĩ haĝua imbaretévape.”

Tupã rembiapo historia henyhẽ yvypóra oimo’ãvagui ha’ekuéra ndovaleiha. Ha katu humildemente oservi hikuái, ojeroviávo Tupã grasia rehe, ha ohupyty hikuái Ipromesa: “Ijyva ha’éta che jyva, ha Che ha’éta ijeskudo…ha oñorairõta kuimba’éicha cherehe; ha che añongatú[ta] chupekuéra.”

Ko verano ohasava’ekuépe ore familia oguerekókuri peteĩ oportunidad hechapyrãva ovisitávo umi Tupaogua sitio histórico Estados Unidos este gotyo. Peteĩ forma especial-pe rorrevivi jey upe epokagua historia. Oiméne umi yvypóra heta ahenduva’ekuégui – Martin Harris, Oliverio Cowdery ha Thomas B. March – irrealve chéve ĝuarã aguatávo ha’ekuéra oguatahague rupi ha apensávo umi sacrificio ha’ekuéra ojapova’ekuére omopu’ã haĝua Tupã rreino.

Ha’ekuéra oguereko heta atributo opermitíva chupekuéra ojapo tuicha contribución Jesucristo Tupao rrestauración-pe. Ha katu ha’ekuéra yvypórante avei, ikangy ha ojavykuaáva, peẽ ha chéicha. Alguno noĩri deacuerdo profeta José Smith ndive ha oñemomombyry tupaógui. Tenondeve, heta umíva apytégui omoambue ikorasõ, oñemomirĩ ha ouje’y ohekávo santokuéra hermandad.

Ikatu jahusgase umi hermano-pe ha ambuévape ha’ekuéraicha. Ikatu ja’e, “Che araka’eve ndahejaichéne profeta José-pe”.

Añetérõ jepe upéva, ndajaikuaái mba’eichaitépa raka’e ojeiko upe épokape, umi circunstancia-pe. Nahániri, ha’ekuéra ndaiperfectoi, ha katu mba’éicha ñanemokyre’ỹ jaikuaávo upeicharõ jepe Tupã oipuru hague chupekuéra. Ha’e oikuaa imbarete ha ikangykue, ha ome’ẽ chupekuéra oportunidad extraordinaria okontribui haĝua peteĩ verso térã peteĩ melodía reheve pe glorioso himno Restauración-pe.

Mba’eichaitépa ñanemokyre’ỹ jaikuaávo, jepe ñande ñaneimperfecto, ñane korasõ oñemboykérõ Tupã gotyo, Ha’e iporiahuverekóta ha ipy’aporãta ha ñandepurúta Ipropositorã.

Umi ohayhúva ha oservíva Tupãme ha hapichakuérape, ha oparticipa Hembiapoe humilde ha activamente, ohecháta mba’e hechapyrãva hekovépe ha umi ohayhúva rekovépe.

Umi okẽ oñembotývaicha ojeipe’áta;

Angel-kuéra ohóta henonderãkuéra ha ombosako’íta pe tape.

Oimporta’ỹre mba’e posición-pa peguereko comunidad térã tupaópe, Tupã pendeipurúta peimérõ dispuesto. Ha’e ombotuicháta pende potapy hekojojáva ha okonvertíta umi karida apo peñotỹva py’aporã cosecha abundante-pe.

Opavave ñande ha’e “extranjero ha peregrino” ko mundo-pe. Heta sentido-pe ñaime mombyry ñande rógagui. Upeichavérõ, upéva nde’iséi ñañeñanduva’erãha ñakañy térã ñande’añoha.

Ñande Ru Yvagagua jayhuetéva ome’ẽ ñandéve Cristo resape, ha ñandepype opavave ñañandu peteĩ temiandu divino ñanemokyre’ỹva ñambojere haĝua ñande resa ha korasõ Hese gotyo jaguata aja ko peregrinación jahaje’ývo ñande róga yvagagua gotyo.

Kóva oikotevẽ esfuerzo. Ndaikatúi peĝuahẽ upépe pe’aprende’ỹre Chugui, peikŭmby Hekombo’ekuéra, pemoĩ meme en practica Ha’e he’íva ha peguata peteĩ teĩ.

Nahániri, ko tekove ndaha’éi peteĩ kóche oikova ha’eño, ni peteĩ aviõ oikóva piloto automático-pe.

Ndaikatúi pevevýinte y ári ha peguerovia pe corriente pendeguerahataha pehosehápe. Pe discipulado oikotevẽ pe’ytase corriente contra-pe oñeikotevẽrõ.

Avave ndaha’éi responsable pende jeho personal rehe. Ñandejára penepytyvõta ha ombosako’íta pe tape, ha katu pe compromiso pesegui haĝua Chupe ha peneñe’ẽrendu haĝua hembiapoukapykuérare ouva’erã pendehegui. Upéva ha’e pende kárga ha privilegio.

Kóva ha’e pende aventura guasu.

Por favor pehendu pene Ñandejára ñehenói.

Pesegi Chupe.

Ñandejára omoĩ Iglesia de Jesucristo de los Santos de los Ultimos Dias peneipytyvõ haĝua ko compromiso-pe peservi haĝua Tupã ha pende rapichakuérape. Ipropósito ha’e oporomokyre’ỹ, ohekombo’e, omopu’ã ha oporo’inspira. Ko tupao hechapyrãva ome’ẽ peẽme oportunidad pehechauka haĝua poriahuvereko, peipyso pende po pende rapichakuérape ha pembopyahu ha peñongatu konveniokuéra marangatu. Ojejapóva ohovasa haĝua pende rekove ha omoporãve haĝua pende rogakuéra, pende comunidad ha pene retã.

Peju, pejoaju orendive ha pejerovia Ñandejárare. Pemoĩ pende talento Hembiapo hechapyrãva servicio-pe. Peipyso pende po, pemokyre’ỹ, pemonguera ha peipytyvõ opa oñanduséva ha ohenduséva pe anhelo oho jey haĝua ñande róga divino gotyo.

Pe Evangelio ha’e peteĩ extraordinario mensaje esperanza, vy’a ha vy’apavẽ rehegua; ha’e pe tape ñandegueraháva ñande rógape.

Ja’aceptávo pe Evangelio fe ha tembiapópe ára ha ára, cada hora, ñañemo’aĝuive michĩmi ñande Tupã rehe. Ñande rekove iporãvéta, ha Ñandejára ñandepurúta manera ñande sorprendétava jahovasa haĝua umi oĩva ñande jerérepe ha ojapóta Ipropósito eterno. Upévagui atestifika ha aheja peẽme che jehovasa Jesucristo réra marangatúpe. Amén.