?Olsem wanem nao mi save kasem wan strong testemoni abaot Josef Smit mo Restoresen?

“Samting we mi bin mekem blong mekem testemoni blong mi abaot Restoresen i kam strong hem i blong ridim stori blong Fas Visen evri naet bifo mi silip. Taem mi ridim abaot Josef we i ded mo stap stanap long fes blong God, mi filim moa kolosap long laet blong God, mo hemia i helpem mi blong save se Hem i stap.”

Eve T., 16, Chorley, UK

“Taem mi luksave se mi no gat wan testemoni abaot Josef Smit, mi stat blong ridim Ol Sent. Mi kam blong luksave olsem wanem eksperiens blong Josef i fulap long paoa mo merikel. Mi bin filim spirit tu wetem mi taem mi prea abaot Buk blong Momon. Mi stat blong stap helpem ol misinari, mo naoia mi no save stop blong stap testifae long ol pipol abaot Josef Smit mo Restoresen.”

Abish N., 18, Negros Oriental, Philippines

“Profet i bin talem long yumi blong stadi laef blong Kraes blong helpem yumi kasem wan testemoni abaot Hem mo Atonmen blong Hem. Hem i semmak wetem Josef Smit. Taem mi stadi long laef blong Hem, mi save kasem wan strong testemoni abaot Restoresen mo blong Josef olsem fas profet blong dispensesen blong yumi. Mi save andastanem gud tu from wanem Jos blong Jisas Kraes i nid blong kambak bakegen.”

Asher W., 17, Louisiana, USA

“Mekem wanem we Josef i bin mekem mo askem God! Gat wan fasin blong save wet longtaem; ansa bae i kam .”

Anna W., 17, Colorado, USA

“Prea hem i isi wei ia blong kasem wan testemoni abaot Josef Smit mo Restoresen. Lod i bin ansarem prea blong mi mo plante narafala—Hem bae i mekem semmak long yu. Mo tu, stadi long ol testemoni we i gat paoa we i blong ol witnes insaed long Buk blong Momon.”

Andrew N., 18, Washington, USA