Wan Tru Bes Fren

Mi gat sam fren we oli bin jikim mi long taem we mi stap long klas seven mo naen. Fastaem, mi no bin luksave se oli stap laf jikim mi, be taem mi luksave, mi bin sek mo no save andastanem wanem nao mi bin mekem i rong.

Mi bin tingting se sapos mi mekem olsem we Kraes bae i mekem, evri samting bae kam gud. Mekem se mi gohed blong mekem i gud long olgeta, mi stap helpem ol fren long klas blong mi wetem ol homwok blong olgeta, mo dipen long God, stap trastem se sam dei bae mi mekem wan gud fren. Long stat, i nogat bigfala jenis. Be afta we mi statem skul long hae skul, ol fren long klas blong mi oli kam ol gudgudfala pipol.

Moa impoten se, truaot long olgeta yia ia taem we mi stap lukaotem fren, mi faenem se bes fren blong mi hem i Jisas Kraes. Mi no bin gat ol niufala fren nomo long skul, be mi bin mekem fren wetem wan we i kam bes Fren we bae mi gat blong oltaem.