ក្រដាស « មិនអាចទៅរួច »
ខ្ញុំអាចកាត់ប្រលោះមួយលើក្រដាសធម្មតាដែលធំល្មម ដើម្បីឈានជើងចូលប្រលោះនោះ ។ មិនជឿខ្ញុំមែនទេ ? គិតថាវាមិនអាចទៅរួចមែនទេ ? ខ្ញុំសន្យាថា គ្មានល្បិចអីទេ ។ បងប្អូនអាចប្រើមេរៀនដែលប្រើសម្ភារនេះដើម្បីបង្រៀនថ្នាក់របស់បងប្អូន កូរ៉ុម ឬគ្រួសាររបស់បងប្អូនអំពីការទុកចិត្តលើព្រះ នៅពេលដែលបងប្អូនមានសំណួរ—សូម្បីតែសំណួរនោះ « មិនអាចទៅរួច » ។
-
សូមសួរក្រុមរបស់បងប្អូន តើពួកគេជឿថា បងប្អូនអាចកាត់ប្រលោះមួយនៅលើក្រដាសដែលធំល្មម ដើម្បីឲ្យមនុស្សម្នាក់អាចចូលប្រលោះនោះបាន ។ វាទំនងជាមានអ្នកខ្លះមិនជឿបងប្អូននោះទេ ។
-
សូមអាន យ៉ូសែប ស្ម៊ីធ—ប្រវត្តិ ១:២៣–២៥ ។ សូមពន្យល់ថា មនុស្សជាច្រើនមិនជឿថា វាអាចទៅរួចទេដែល យ៉ូសែប ស្ម៊ីធ បានឃើញការនិមិត្តមួយនោះ ។ ប៉ុន្តែលោកបានដឹងថា វាគឺជាការពិត ។
-
ដល់ពេលដើម្បីកាត់ប្រលោះនោះហើយ !
-
សូមបត់ក្រដាសជាពាក់កណ្តាលតាមបន្ទាត់ផ្ដេក ។
-
ចាប់ផ្ដើមកាត់លើកន្លែងបត់ ធ្វើការកាត់បញ្ឈរនៅចុងក្រដាសនីមួយៗ ប៉ុន្តែឈប់មុនពេលទៅដល់គែម ។
-
បង្វិលចុះឡើង ពីផ្នែកម្ខាងទៅម្ខាងទៀត បន្តកាត់ឆ្នូតបញ្ឈរលើក្រដាស ( ដោយមិនកាត់ដល់ចុងក្រដាសទេ ! ) ។
-
រំលងឆ្នូតនៅគែមទាំងពីរ កាត់តាមស្នាមបត់របស់ក្រដាស ។
-
បើកវាឡើង រួចរាល់ហើយ—មានប្រលោះធំល្មមដើម្បីចូលចុះ !
-
-
ពិភាក្សា ពីរបៀបដែលអ្វីមួយច្របូកច្របល់ ឬមើលទៅមិនអាចទៅរួច តែមិនមែនមានន័យថា វាមិនពិតនោះទេ ។ យ៉ូសែប ស្ម៊ីធ ពិតជាបានឃើញព្រះវរបិតាសួគ៌ និងព្រះយេស៊ូវគ្រីស្ទមែន ។
ប្រហែលជាមានពេលខ្លះដែលសេចក្ដីជំនឿរបស់បងប្អូនត្រូវបានជំទាស់ដោយអ្នកដទៃទៀត ឬបងប្អូនជួបនឹងសំណួរដែលច្របូកច្របល់ ។ ពេលរឿងនេះកើតឡើង សូមគិតអំពីក្រដាស « មិនអាចទៅរួច » ។ សូមសម្រេចចិត្តទុកចិត្តព្រះ ហើយបែរទៅរកទ្រង់ និងប្រភពល្អៗផ្សេងទៀត ដើម្បីបានចម្លើយ ។
« សេចក្ដីជំនឿគឺត្រូវសង្ឃឹមលើការណ៍ដែលមើលពុំឃើញ តែពិត ។ … សូមសង្ស័យមន្ទិលអ្នកពីមុនសង្ស័យសេចក្ដីជំនឿអ្នក » ។