O Le a Ou I Ai i le Aiga mo le Kerisimasi

I tausaga ua mavae--nei ua tele tausaga ua mavae—sa o a’u o se tamā talavou sa manao e fesoasoani i lo’u toalua lalelei e saunia mo le taunuu mai o le ma ulumatua, o se atalii. Sa ou popole ma oo ina le mataofiofia le sagisagi fiafia. Sa fai mai Pat i se tasi aso ina ua iu ina amata faailoga o le fanauina o le pepe, sa ou uuina le aluga sa ou moe ai ma agai atu i le faitotoa, ma tuua ai oia e aunoa ma se manatu i se ofutino po o se ofuvae lea sa tatau ona sui ai lo’u ofumoe.

Atonu o ona uiga faatosina na taofia ai au mai le alu atu i le faitotoa. O ai na iloa? Atonu o lona saogalemu alofa na faatumauina ai le mafanafana ma le lagolelei o le pepe i si ona tamai fale mo ni nai itula.

Po o le a lava le tulaga, o le Kerisimasi o le aso e tasi i le tausaga e sili ona matou mananao e i ai i le fale. O se tasi o pese e sili ona lauiloa o le Kerisimasi o le vaitau o le "O Le a Ou I Ai i le Aiga mo le Kerisimasi." Ma afai e le mafai ona tatou i ai iina, tatou te maua sina patupatu laitiiti i lo tatou faai e tusa lava pe ua tatou matutua ma o ese mai meataalo ma mea’ila’ila o lo tatou olaga faatamaiti.

Atonu e mafai ona matou mataua a o matou talanoa atu, e toeitiiti atoa le 85,000 o faifeautalai o loo auauna atu i se mea i le lalolagi, e masani lava e le latalata i le aiga.

O le toatele o tamaiti o loo aooga i fafo atu o le aiga o le a fuafua e toe foi, ae le o tagata uma foi, atonu e le gafatia le malaga e nisi.

E toatele e o i taua matautia i le salafa o le lalolagi e faigata ona fuafua pe toafia ni tagata o le tautua faamiliteli o le a le i ai i aiga i lenei Kerisimasi. Ae o le a faitau selau afe.

Sa silafia e Iesu, Maria ma Iosefa le tulaga o le tuua na o i latou, ua le o i ai i le aiga, i lenei po faapitoa; e lua afe tausaga mulimuli ane, o le a tatou usuina, "O lona malutaga o se fale o manu, Ma o lona moega o se pusa mo manu; Faatasi ai ma e matitiva, ma agavaivai, ma faatauvaa, sa ola ai i le lalolagi lo tatou Faaola paia."

I ni nai tausaga mulimuli ane, o le a le toe i ai foi na paaga a le pepe, ma tautino atu sa Ia "solia na o Ia le soligavine, … ma sa leai se tasi na i ai faatasi ma [ia]," ma le fefe i le loloto o Ona puapuaga sa tuulafoaiina atoa o Ia, e oo lava i Lona Tama oi le Lagi, ae na oo mai le malamalama i lena mataupu mulimuli ane, i le liliuina o le po o le Kerisimasi i se tasi o le olioli ma folafolaga, o se po o agelu, ma fetu ma le faaolataga, o se po mo le faatasi ai ma e pele, pe afai tatou te mafaia.

O lenei Kerisimasi, ou te fia valaaulia outou ia avea ai, po o le a lava le puupuu, o se aiga mo se tasi ua tuuatoatasi. O le tuuatoatasi o se lagona e matautia le tiga. Ou te iloa e toatele e sili atu ona tuuatoatasi nai lo a’u, ae o nei Kerisimasi e tolu ua tuanai sa tiga tele mo a’u e aunoa ma le mafutaga a lena tina fou atoatoa sa ou ta’ua muamua.

Peitai, sa i ai se mea faaletogiola na tupu ia te au i lea vaitau. Na avea o se taimi mo nisi manatunatuga, mo le lotomaualalo atili, ma mo le faaalia atili o le agaga faafetai. Atonu o lenei Kerisimasi, e mafai ona tatou faamanuiaina ai le olaga o se tasi o loo tuuatoatasi pea i se tulaga latou te lagonaina ai mo sina taimi, pe mo se taumafataga, po o se aoauli faapea uamafai ai ona latou i ai i le aiga mo le Kerisimasi.

Mai le tele o taimi sa ou aluese ai mai lo’u aiga i le Kerisimasi, ou te talitonu o le mea muamua o nisi taimi o auaunaga e tuuatoatasi ma sili ona tauia i taimi uma o se faifeautalai faamisiona.

O se tasi lenei o faamatalaga o le manatunatu loloto ma le agamalu mai le isi, ua faaalia ai se ituaiga o faifeautalai ua faatagata matua o loo moomoo. O le tusi lea tatou te moomoo uma maimau pe ana sili atu ma le faatasi ona tatou tusia.

"Le Tama Pele. O le taimi muamua lenei i lo’u olaga atoa ua ou le i ai i le fale mo le Kerisimasi. [O loo ou] nofonofo i luma o se afi o se fale mautotogi … ma matamata i apeafi o o a’e i luga o le alaasu, [o loo tauaveina] manatuaga o isi aso o le Kerisimasi. O le taeao ina ua matou faatopetope atu i lalo, i o matou ofumoe, i le fogafale i lalo. [Ona sosoo ai lea ma le sagisagi fiafia] ma toe tamomoe i le fogafale i luga … e faaali atu ai ia te [oe] a matou [meaalofa o apu ma moli ma kuki sa fai i le fale]. O oe ma tina [sa foliga mai sa matuai lelavava lava mo se mafuaaga], ae sa oulua taaalo ma i matou ma sogi mai ia i matou a o lei toe tutulia i matou e momoe a o lei oo ina ao. I le aso na e tatosoina i matou i luga ma agai atu i lalo o le auala i luga o [le] taavale solofanua fou [matou te lei iloaina muamua], ma sa matou iloaina o oe o se tamaloa sili ona malosi i le lalolagi atoa. … O le po anapo na ou misia ai le fiafia i le [vaaia] o Santa Claus [o sau. E lei sau foi o Ia i lenei taeao. Ua ou misia oe[, Tamā. Ae faatasi ai ma lenei] vavamamao fou i lo ta va, ua amata ai ona ou vaaia i lou olaga le agaga [moni] o le Kerisimasi. … Ia faamanuia oe Tamā e le Atua, ma ia pele pea oe ia te au." 3 Alofa, Gordon." la tatou lava Gordon Bitner Hinckley.

Ia manuia le Kerisimasi mai lo tatou Tama oi le Lagi o le e le uma le alofa, e le toilalo foi, ma mai Lona Alo Pele e Toatasi, Lana pepe—lenei pepe ma lo tatou Uso—o lē na soifua ae e "[tauave] o tatou tiga, [tauave] o tatou faanoanoaga: [ma] tu’imomomoina ona o a tatou amioletonu." Tatou te faafetai i lo tatou Tama oi le Lagi mo le Mesia folafolaina, le meaalofa silisili o meaalofa uma i le Kerisimasi. I Lona suafa, o Iesu Keriso, amene.