Cristo e Beibi A Nase p’Abo

Ki suerte nos tin di por eksperensia musika asina bunita? Masha danki na e koro aki, e orkesta, i e konduktornan. Mi no por mira boso tras di e palunan aki, pero mi sa ku boso ta ei nan.

“Infant Holy, Infant Lowly” ta un di mi kantikanan di Pasku faborito.

Karnenan tabata drumi, pastornan wardando

Vigilia te e mainta nobo;

A wak e gloria, skucha e historia

Notisianan di un evangelio berdadero.

Regosihando asina, liber di tristesa,

Bosnan di alabansa, ta saludá e mainta

Cristo e Beibi A Nase p’Abo

Cristo e Beibi A Nase p’Abo!

Komo un mucha muhé chikí, mi mayornan su nòmber di kriansa pa mi tabata “Tammy Lamb,” pues ora ku e skrituranan tabata papia tokante un pastor i su lamchinan, semper mi a sinti ku nan tabata papia ku mi.

Esaki tabata speshalmente berdat di e historia di Pasku i e angelnan aparesiendo na pastornan, kuidando di nan karnenan, nan lamchinan anochi. Mi a visualisá mi mes ei nan i imaginá kon e lo tabata pa yega serka di e beibi den e pesebre. Ainda mi stima e imágennan aki kada aña miéntras mi ta kontemplá Su nasementu.

Un otro imágen faborito ta bini for di un historia kontá pa Elder John R. Lasater.

Hopi aña pasá, Elder Lasater a bishita un pais den Afrika komo parti di un delegashon ofisial di gobièrnu.

Un dia, ora ku nan tabata biahando den desierto den un karavana di limonsinnan pretu, a sosodé un aksidente. E outo ku e tabata aden a yega riba e seru i el a ripara ku vehíkulo dilanti a sali for di e kaminda. El a bisa, “E esena nos dilanti a permanesé ku mi durante e hopi añanan aki.”

Un pastor di edat, den bistinan largu wayando, di e époka di e Salbador, tabata para banda di e limonsin papiando ku e shofùr. Den banda tabata para un grupo chikí di mas o ménos 15 karne.

Elder Lasater su shofùr a splika ku e outo ku tabata enkabesá a dal i a heridá un di e karnenan. I pasobra tabata e vehíkulo di e rei, e pastor tabatin awor e derechi riba 100 bes e balor di e lamchi chikí ora ku e ta kompletamente desaroyá. Pero bou di e mesun lei, e lamchi lo wòrdu matá i e karni dividí entre e pueblo.

E orei e shofùr a bisa. “Pero djis wak, e pastor lo no tuma e sèn; nunka nan ta hasie.” Ora nos a puntra dikon, el a añadí. “E ta pa motibu di e amor ku e tin pa kada un di su karne.”

Nan a wak miéntras e pastor di edat a sak abou, hisando e karne heridá den su brasanan, i poniendo e den e doblá di su bistinan. El a sigui pasa man riba e karne, ripitiendo e mesun palabra kada bes, i ora Elder Lasater a puntra e nifikashon di e palabra, a bise,“O, e ta bisando su nòmber. Tur di su karne tin un nòmber, pasobra e ta nan pastor, i e bon pastornan konosé kada un di nan karnenan na nòmber.”

Den Isaias ta primintí nos, “E lo reuni e lamchinan ku su brasa, i karga nan den su bus.”

Si nos korda kualkier kos of sinti kualkier kos e temporada di Pasku aki, e lo mester ku nos ta di djE. Kòrda ora Cristo a bisa Pedro, “Alimentámi lkarnenan …mikarne”?

“Pasobra pa boso a nase e dia aki, den e siudat di David un Salbador, kual ta Cristo e Señor.”

“Pasobra pa nos un yu a nase, pa nos un yu a wòrdu entregá.”

El a nase pa halsa kada un di nos personalmente. I si E ta di un hende, siertamente e ta di bo. Cristo e beibi a nase p’abo.

Pero Isaias ta advertí tambe, “Nos tur ta ferdual manera karnenan.” Kisas kada un di nos a yega di ta den e luganan kaminda nos a sinti manera un lamchi di dualdu o asta un karne perdí. Awe nochi, mi ta hasi mane nos tur ta lamchinan heridá den nesesidat di e Bon Pastor, ku lo zoya nos den e brasanan di Su amor. Pasobra ser mortal ta nifiká ku tin kosnan tokante nos ku ta sinti kibrá, ku mester wòrdu ahustá.

I mi no sa ku tin un espasio den mi siman ku mi ta sinti e nesesidat pa un redentor ku mas intensidat ku riba Djadumingu durante e sakramento. Mi ta trese mi kurason kibrá i reflehá riba e palabranan i e emblemanan durante e “tempu di renobashon spiritual aki.” Pero tin bes ta bin un momentu mas abou kaminda, pensando riba e siman ku a pasa, mi ta rekonosé ku esakinan ta e mesun pikánan, e mesun debilidatnan ku mi a pensa riba dje djadumingu pasá. I mi ta sinti kontrito di bérdat of derotá.

Boso konosé e momentu aki?

Awe mi ta invitá bo pa purba algu nobo. Den e minütnan mas sagrado ei di hinter bo siman, si bo ta sinti kibrá, imagin’É yamando bo na nòmber, i bai serka djÉ. Wak bo Salbador den e wowo di bo mente, ku Su brasanan habri i apariensia briante ekstendé na bo, bisando, “Mi sa ku lo bo sinti asinaki! P’esei mi a bin mundu i sufri loke mi a hasi.” Su yudansa, Su grasia ta disponibel pa bo awor aki, no na final di e kaminda ora ku bo ta sinti manera ku bo tin kosnan perfektamente huntu. Pasobra, ken ta sinti asina? Niun hende ku mi konosé.

Kòrda, nos ta bai iglesia, na e sakramento di Señor su Sena, pa wòrdu saná, pero tambe pa sinti limpi.

Hopi aña pasa, ora mi tabata sirbi den Primaria, mi tabata konta un historia tokante un hende ku a batisá resientemente. Mi a trese dilanti ku e amigu aki lo por ta un di e miembronan di mas puru i limpi di Iglesia. E orei, den e rei dilanti, un man a bai laira i un mucha hòmber mas grandi a deklará, “Mi por ta mesun limpi kuné pasobra mi wòrdu batisá i ta tuma e sakramento.” Yen di bèrguensa mi a kontesta, “Si, esei ta loke mi tabata kiermen-loke el a bisa.”

Mi amigunan, nos ta kòrda di bèrdat i risibí e doktrina di mas impreshonante aki? Mi a bin ta hasi e trabou pa warda nos kombenionan ku Dios—regresando, reportandi, i arepintiendo kontinuamente—nos por wordu limpia kada dia. I pa medio di e ordenansa di sakramento, nos por sinti mes limpi ku e dia ku nos a wòrdu batisá.

Pa ami, t’asina Sabat a bira un dia di deskanso. No solamente un dia di deskanso físiko, pero deskanso di kulpa i miedu, for di mi insufisiensianan i mi debilidatnan. Sikiera pa un dia!

Un di e relatonan di mas tierno den tur skrituranan ta duna nos un idea di e deskanso aki. Den e buki di Mormon, miéntras e Salbador resusitá ta bishitando Su “otro karnenan” den Amerika, i despus di sinti nan nesedidat sin ku nan a sikiera puntra, El a invitá tur ku ta kibrá fisikamente-e lam, e siegu, e surdu, of esnan ku ta aflihí den kualkier manera”—pa bin dilanti.

Mi ta imaginá esnan ei formando rei kual nan nesesidat físiko pa wòrdu saná tabata obvio. Pero tambe den mi mente, mi ta wak hendenan manera mi mes i otronan kende mi stima den e rei ku ta aflihí di maneranan ku kisas no ta visibel pa e wowonan humano. El a puntra pa esnan aflihí den kualkier forma, “i el a sana kada un di nan.”

Pagatinu kon, den e kaso aki, e no ta bisa ku el a kura nan. Mi ta stima e idea ku tin un diferensia entre sana i kura. Kura usualmente ta hiba nos bek na un estado previo di salu, kual ta loke nos ta anhela pe, korekto? Pero sanamentu ta diferente. Kuramentu ta inkorporá e herida bieu ei, hasiendo nos diferente di e otrun banda.

Asta e Salbador di mundu, siendo un ser resusitá, a retené e heridanan den Su mannan, pia, i den kustia-evidensia ku nunka El lo lubida nos i ku pa su yaganan nos ta saná. I kisas, riba e dia ei ora e Salbador a sana nan, El a brasa nan tambe, tumando kada un den un brasa amoroso.

Awenochi, kisas bo ta sinti kibrá i no ta sigur ku bo lo bo eksperensiá Su sanasahon. Pero e ta berdat? Kada djadumingu durante sakramento, E ta halsa bo for di e kaminda sushi, poniendo bo den e doblanan di Su bisti, i zoya bo den Su mannan amplio.

Riba e anochi sagrado di Pasku ei, un angel a kompartí e bon notisia, e bon notisia di gran goso. “E ku tabata e mas grandi a hasi Su mes esun di mas chikí-E Pastor Selestial ku a bira e Lamchi.”” “E rei di reinan drumi asina den humilde pesebre. Den tur nos pruebanan, nasé pa ta nos amigu.” Mi ta kere e angel tabata bisando, “Bo amigu, bo mihó amigu a kaba di yega. I si bo tabata sa kon di serka E tabata wak bo, kon hopi abo tabata wake ora bo tabata biba kune promé, si bo a kompronde kiko E ta bai sakrifiká pa abo i kon hopi e lo ta dispuesto pa hasi pa yuda bo regresá kas, lo bo hasi lihé pa saludé na e pesebre.”

Mi ta duna mi testimonio ku e beibi den e pesebre, Esun ku nos ta adorá i kisas asta tribi di imaginá kon e lo tabata pa karg’e, a bin pa hasi djis esei pa nos.

Si, Cristo e beibi a nase p’a bo!

Den e nòmber di JesuCristo, amèn.