Webb Blacksmith Shop

Dito sa Webb Blacksmith Shop, ipinamalas ng mahuhusay na mangangalakal ang kanilang katapatan na tulungan ang kanilang komunidad. Mula sa paggawa ng mga axle at hub ng gulong hanggang sa paghinang ng mga gulong na bakal hanggang sa pagpanday ng mga horseshoe, ang mga panday, tagagawa ng gulong na kahoy, tagalagay ng mga horseshoe, at tagagawa ng mga bagon ay naghanda ng paraan para makapaglakbay pakanluran ang mga Banal sa mga Huling Araw.

Binuksan ni Edwin Webb ang kanyang blacksmith shop noong tag-init ng 1843. Siya at ang kanyang apat na kapatid na lalaki—Chauncey, Edward, Pardon, at James Wesley—ay nagtrabaho sa shop na ito, dahil itinuro sa kanila ng kanilang ama na si James ang negosyong ito.

Ang mga manggagawa sa shop na ito ay nagbigay ng pang-araw-araw na pangangailangan sa mga residente ng Nauvoo, ngunit ang kahalagahan nito ay nagmula sa kanilang determinasyong tumulong sa paggawa ng mga bagon para sa paglalakbay pakanluran ng mga Banal. Noong taglamig ng 1845–46, ginamit ng mga Banal na naghahanda na lisanin ang Nauvoo ang Parley Street para magtipon at maglagay ng suplay sa kanilang mga bagon kapag handa na ang mga bahagi nito at ang iba pang mga blacksmith shop. Kabilang ang mga Webb sa mga huling umalis sa Nauvoo; sila ay determinado sa pagtulong sa komunidad na matiyak na maayos ang transportasyon na kinakailangan para sa kanilang paglalakbay pakanluran.

Ano ang Aasahan

Ang Webb Blacksmith Shop ay bahagi ng Pioneer Trail tour, na nagsisimula sa Seventies Hall at nagtatapos sa Brigham and Mary Ann Young Home. Kasama sa guided tour ang dalawang silid—isang blacksmith shop at wainwright shop. Ang tour o paglilibot sa blacksmith shop ay may kasamang demonstrasyon tungkol sa pagpapanday ng isang maliit na horseshoe. Kasama sa tour sa wainwright shop ang isang demonstrasyon sa pagbuo ng gulong ng bagon.

360° Walkthrough