Keliʻanga Maka Sitenātí

ʻOku fakafuofua ki ha maile nai ʻe ua ki he fakatonga ʻo e Temipale Ketilaní, ʻi loto ʻi he Vaotā ʻAkau Seipiní, ʻa e tataʻanga maka ne tā mei ai e maka ne fakaʻaongaʻi ki hono langa ʻo e ngaahi fale fakalotofonua lahi, kau ai ʻa e Temipale Ketilaní. ʻI he taʻu 1830 tupú, naʻe tā mai ai ʻe ha kau tangata ha ngaahi maka mei he tataʻanga maka fakalotofonuá ʻaki hono vili ha ngaahi foʻi ava ʻi he maká pea fakaʻaongaʻi ha ngaahi tutuʻu ke fahi ʻaki e maká. ʻI ha kiʻi taimi nounou, naʻe tokangaʻi ai ʻe Siosefa Sāmita ʻa e kau tangata ne nau tata mai e maká ki he temipalé.

ʻI he ʻahó ni, ʻoku lava ʻa e kau ʻaʻahi ki he Vaotā ʻAkau Seipiní ʻo luelue ʻi he Halanga ʻo e Feituʻu Tataʻanga Maká. ʻOku lele ia ʻo aʻu ki ha hala fakakavakava ʻokú te lava ʻo vakai atu ai ki he loto tataʻanga maká pea mātā ʻe he kau ʻaʻahí ʻa e ngaahi toetoenga maka ne vili ʻo tata mei ai e maka ki he fakatafenga vaí. ʻOku faingofua ʻa ʻete luelué; ko ha maile pē ʻe 0.12 ʻi ha ʻaluʻanga ʻoku lēvolo pea tokangaʻi lelei mau pē. ʻOku ʻi ai ha ngaahi fakaʻilonga mahino ʻi he lueʻangá pea ʻi he veʻehalá ʻoku ʻi ai ha ngaahi fakamatala lahi ange fekauʻaki mo e hisitōlia ʻo e feituʻú mo hono mahuʻinga ki he kakai fakalotofonua ʻo e koló.

Lue takai 360°

Ko e Meʻa ke ʻAmanaki Ki Aí

ʻOku tokangaʻi fakalelei ʻa e Lueʻanga Ne Tataʻanga Maká pea ʻi ai ha ngaahi fakaʻilonga mahino ai ʻi he lueʻanga ʻi he vaotaá. Ko e lueʻangá ʻoku nounou mo faingofua pē e lue aí. Ko ha aʻusia ʻeni ke ke fakahoko ʻiate koe pē.