Stannard Quarry

Mga duha ka milya gikan sa habagatan nga bahin sa Templo sa Kirtland, sa sulod sa Chapin Forest Reservation, anaa ang quarry diin gipikas ang bato nga gigamit sa pagtukod sa pipila ka bilding, lakip na sa Templo sa Kirtland. Sa mga tuig 1830, ang mga trabahante nga mga lalaki mitipak og mga bloke sa lokal nga bato sa balas pinaagi sa kinamot nga pagbarina og lungag sa bato ug pinaagi sa paggamit og mga pantok aron mapikas ang bato. Sa mubong panahon, si Joseph Smith midumala sa mga trabahante nga nagkalot og mga bato para sa templo.

Karon, ang mga bisita sa Chapin Forest Reservation makalakaw subay sa Stonecutters Loop Trail [Agianan sa Liyokanan sa Tigpikas og Bato]. Nagpadulong kini ngadto sa usa ka tulay nga nag-umbaw sa linaw sa quarry, diin ang mga bisita makaaninaw sa mga nahibilin sa mga lungag sa barina diin ang mga bloke sa anapog gitipak gikan sa ilawom sa sapa. Ang paglakaw sayon ra; mga 0.12 ka milya lamang kini sa patag nga yuta ug maayong pagkaatiman nga mga agianan. Ang makahuloganon nga mga timaan sa sinugdanan sa agianan ug subay sa agianan nagahatag og dugang impormasyon mahitungod sa kasaysayan sa dapit ug sa importansiya niini ngadto sa lokal nga komunidad.

360° nga Pag-aninaw sa Tibuok Palibot

Unsay Malaoman

Ang Stonecutters Loop Trail usa ka agianan nga maayong pagkaatiman nga adunay makahuloganon nga mga timaan subay sa dalan sulod sa lasang. Ang agianan maoy usa ka mubo ug sayon nga libotanan. Usa kini ka giniyahan sa kaugalingon nga kasinatian.