Fanuatanu o le Aiga o Samita

O le Fanuatanu o le Aiga o Samita o le nofoaga mulimuli lea o loo lagomau ai le Perofeta o Iosefa Samita, lona faletua o Ema Hale Samita, ona uso o Ailama, Don Carlos, ma Samuelu; o o latou matua o Lusi Maki Samita ma Iosefa Samita le Matua; ma isi uo ma aiga e toa sefulufitu. O le fanuatanu o se nofoaga paia lea e faamanatuina ai olaga ma osigataulaga a le aiga o Samita, ma lo latou faatuatua i le fuafuaga e faavavau a le Alii o le faaolataga.

Ina ua mavae le fasiotia o Iosefa ma Ailama i le Falepuipui o Karefasi i le aso 27 o Iuni, 1844, sa toe aumai o la tino i Navu. Ina ua uma ona saunia i laua mo le falelauasiga, sa la taooto i le potu taalaelae mo taumafataga i le Maota Tele, lea e tusa ma le 10,000 tagata na o mai e faaalia lo latou faaaloalo mulimuli. Ona o le fefe nei faaleagaina e fili ia tuugamau, na tanumia faalilolilo ai e uō o la’ua tino i le fogafale i lalo o le maota o Navu e le’i mae’a. Mulimuli ane i lena tautoulu po o le taumalulu, na toe aveesea faalilolilo ai tino, ma tanumia i le Fanua o le Aiga o Samita i lalo ifo o se tamai fale i fafo.

Faitau e uiga i le maliliu faamaturo o Iosefa ma Ailama Samita i le Au Paia, Voluma 1, Mataupu 44.

O le Fanuatanu o le Aiga o Samita o se fanuatanu tuma’oti. E tatala atu i tagata lautele i le 24 itula o le aso o se aafiaga e taialaina ai e le tagata lava ia i se faigapaaga ma le aiga o Samita. Matou te faafetai mo le au tausimea faaeteete ma le galulue faatasi faifai pea o loo faatusa i ai lenei faigapaaga.

O Mea e Faamoemoe i ai

O le Fanuatanu o le Aiga o Samita o se aafiaga e taialaina e le tagata lava ia. E te saoloto e savalivali faataamilo i le fanuatanu ma matamata i maa o tuugamau. E mataituina ma le faaeteete le fanuatanu ma tausia o se fanuatanu faasolopito. Faamolemole aua nei lotea maafaamanatu ua pauu pe ua ta’ei; o le aveesea o na mea e mafai ona toe faaleagaina atili ai.

360° Savali faasolo