Tuʻuʻanga ʻo e ʻŌfisi Fale Paaki ʻInitipenitení

ʻI he feituʻú ni, naʻe ngāue ai ʻa e Kāingalotu ʻo e Kau Māʻoniʻoni ʻi he Ngaahi ʻAho Kimui Ní ke paaki hano fakatahatahaʻi ʻo e ngaahi fakahā kuo foaki kia Siosefa Sāmitá naʻe ʻiloa Ko e Tohi ʻo e Ngaahi Fekaú.
Tuʻuʻanga ʻo e ʻŌfisi Fale Paaki ʻInitipenitení
Exterior image of the Printing office in Independence, Missouri.
ʻOku ʻikai maʻu pe fakalele ʻa e feituʻú ni ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku ʻikai toe ʻi heni ʻa e falé.
Ngaahi Tokoní
Tauʻanga Meʻalele
Malava Fai Ai Ha Telefoni

Ngaahi Tokoní

Tauʻanga Meʻalele
Malava Fai Ai Ha Telefoni
Exterior image of a sign outside the Gilbert and Whitney Store that reads, "Gilber & Whitney Store Lot 51."
ʻI Sune ʻo e 1831, naʻe fakahā ʻe he ʻEikí ki he Palōfita ko Siosefa Sāmitá ʻoku totonu ke hiki ʻa Uiliami W. Felipisi ko ha papi ului foʻou ʻi Ketilani, ki he Vahefonua Siakisoní ʻi Mīsulí :

“Ke tokoni ki heʻeku tamaioʻeiki ko ʻŌliva Kautelé ke fai ʻa e ngāue ʻo e paaki tohí mo fili mo faʻu ʻa e ngaahi tohi maʻá e ngaahi akoʻanga ʻi he siasí ni, koeʻuhí ke maʻu foki ʻe he fānau īkí ʻa e akonaki ʻi hoku ʻaó ʻo hangē ko ia ʻoku fakafiemālie kiate aú” (Tokāteline mo e Ngaahi Fuakava 55:4).

ʻI heʻene muimui ki he fekau ʻa e ʻEikí, naʻe fononga ai ʻa Felipisi ki Sinisinati, ʻOhaiō ʻo ne fakatau ai ha mīsini paaki pea fakaheka atu ia ki Mīsuli. ʻI Sune ʻo e 1832, naʻá ne pulusi ai e ʻuluaki ʻīsiu ʻo e The Evening and the Morning Star. ʻI he ʻīsiu ko ʻení, naʻe fakahaaʻi ʻe Felipisi ʻa e taumuʻa ʻo e pepá “ko e kaungāmeʻa ʻo e tangatá ke fakalotoʻi ia ke tafoki ki he ʻOtuá pea moʻui, kimuʻa ʻi he ʻaho lahi mo fakamanavahē ʻo e ʻEikí ʻokú ne tafia e māmaní mo ʻene angahalá.” Ko e The Star, pē ʻe taha ʻa e nusipepa fakalotu ʻi he Vahefonua Siakisoní, ʻo ne hoko ko e leʻo ʻo e Siasí ki he kakaí.

Naʻe fakaʻohovaleʻi ʻe he ngaahi fakamatala ne pulusi ʻi he The Star ʻa e kakai fakalotofonuá ʻa ia naʻa nau manavasiʻi ʻi he tupulaki ʻa e nofo mai ʻa Kau Māʻoniʻoni ʻi he Ngaahi ʻAho Kimui Ní ʻi he Vahefonua Siakisoní. ʻI he ʻaho 20 ʻo Siulai ʻo e 1833, naʻe hanga ʻe ha niʻihi ʻo e kau nofo ko ʻení ʻo haveki e falé, ʻo laku e mīsini pākí mo e taipé ki tuʻa ki he loto halá.

ʻI he taimi ko iá, kuo ʻosi hono pulusi ʻe Felipisi ha niʻihi ʻo e Tohi ʻo e Ngaahi Fekaú, ka naʻe teʻeki ke kakato ʻa e tohí. Naʻe faingataʻaʻia ha kāingalotu ʻo e Siasí ʻe niʻihi ko ha sāuni fakamamahi mei honau ngaahi kaungāʻapí ʻi heʻenau feinga ke fakahaofi ʻa e ʻū lauʻi peesi ʻo e Tohi ʻo e Ngaahi Fekaú. Naʻe kau ʻiate kinautolu ʻa e ongo tautehina ko Mele ʻElisapeti mo Kalolaine Louliní. Naʻá na tānaki ʻa e ʻū lauʻi peesi kuo movetevete ʻo e Tohi ʻo e Ngaahi Fekaú peá na toitoi mo ia ʻi ha ngoue koane ofi mai. Naʻe toki fakakau kimui ange ʻa e ʻū lauʻi pēsí ki he Tokāteline mo e Ngaahi Fuakavá ʻi he 1835.

ʻI he hola ʻa e kāingalotú mei he Vahefonua Siakisoní, naʻe foki ʻa e fāmili Felipisí ki ʻOhaiō, ʻa ia ne hokohoko atu ai ʻe Viliami ʻa ʻene pulusi maʻá e Siasí.

Laukonga lahi ange fekauʻaki mo e ʻōfisi ʻo e fale pākí ʻi he Kau Māʻoniʻoní, Voliume 1, Vahe 14, 16.

Meʻa ke ʻAmanaki Ki Aí


Neongo ʻoku ʻikai ke toe ʻi ai ʻa e ʻōfisi fale pākí, ka ʻoku fakaʻilongaʻi ʻe ha peleti polonise ʻa e feituʻú. Ko e feituʻu ʻeni naʻe kamata ai hono pulusi ʻe he kakaí ʻa e ʻū tatau ʻo e ngaahi fakahā ʻa Siosefa Sāmitá ko e Tohi ʻo e Ngaahi Fekaú.

ki he Kau Faingataʻaʻia Fakaesinó

  • ʻOku siʻisiʻi pē ʻa e tauʻanga meʻalele ʻi he veʻe halá ʻo ʻikai ha feituʻu pau ki he tauʻanga meʻalele ʻa e kau faingataʻaʻia fakaesinó

Kelekelé mo e Falikí



Tafaʻaki ki Tuʻá

  • Halá: Valitā (tuʻunga fakaʻofoʻofa); tahifo
  • Lueʻangá: Sima (tuʻunga fakaʻofoʻofa); tahifo

Tangutuʻangá

  • ʻOku ʻikai ha feituʻu ke fai ai ha tangutu
Tuʻuʻanga ʻo e ʻŌfisi Fale Paaki ʻInitipenitení
Exterior image of the Printing office in Independence, Missouri.
ʻOku ʻikai maʻu pe fakalele ʻa e feituʻú ni ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku ʻikai toe ʻi heni ʻa e falé.
Ngaahi Tokoní
Tauʻanga Meʻalele
Malava Fai Ai Ha Telefoni

Ngaahi Tokoní

Tauʻanga Meʻalele
Malava Fai Ai Ha Telefoni

Kanotohi Fekauʻakí

Families explore inside the Independence Visitors' Center.

Ngaahi Feituʻu Fakahisitōlia ʻo Mīsulí

ʻOku kau ʻi he ngaahi feituʻu fakahisitōlia ʻi Mīsulí ha ngaahi feituʻu naʻe ngāue ai ʻa e Kāingalotú ke fokotuʻu ʻa Saione lolotonga e kamakamata ʻa e hisitōlia ʻo e Siasí. Ako lahi ange fekauʻaki mo e ngaahi ngāue ko ʻení pea mo e ngaahi fakahā fakalangi naʻe tokoni ke fakamatalaʻi ʻa e ʻuhinga ʻo Saioné ki he kāingalotu ʻo e Siasí he ʻaho ní.
Exterior stone sign that says 'Temple Lot' in Independence Missouri

Ko Hono Fokotuʻu ʻa e Uhouhonga ʻo Saioné

Ko hono fokotuʻu ʻo Saione ʻi he māmaní ko ha tefitoʻi meʻa mahuʻinga ia ʻo e ngāue fakaepalōfita ʻa Siosefa Sāmitá. Ako fekauʻaki mo e ngaahi ngāue ʻa e Kāingalotú ke langa ʻa Saione ʻi Mīsulí.
Exterior image of the Jones H. Flournoy home, Independence, Missouri.

Fale Falanoí

Ko e ʻapí ni ʻa e feituʻu naʻe fakatau ai ʻe Pīsope ʻEtuate Patilisi ha ʻeka kelekele ʻe 63, ʻoku ʻiloa he taimí ni ko e Konga Kelekele Temipalé, meia Sōnasi H. Falanoi ʻi he 1831.
Exterior field that is part of the Independence Temple Lot.

Konga Kelekele ʻo e Temipale Independence

Naʻe fakatāpui ʻa e konga kelekele ko ʻení ki hono langa ʻo ha fale ʻo e ʻEikí, pe temipale, ʻi he uhouhonga ʻo Saioné—ko ha ngāue naʻe tofuhia ai ʻa e tokolahi ʻo e kau tui ki he fakafoki maí ʻi he ngaahi Siasi ʻi ʻInitipenitení.
Landscape painting depicting the site for the LDS temple to be built in Independence, Missouri, and the courthouse in which Joseph Smith, Jr. purchased the temple property. The temple site is depicted in the background of the painting. Also depicted is a log cabin (possibly owned by Newel K. Whitney) next to the courthouse.

ʻIloʻi ʻa e Ngaahi Feituʻu Fakahisitōlia ʻo Mīsulí

Ako lahi ange fekauʻaki mo e hisitōlia ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Mīsulí.
Fakamatala Fakamuimuitahá ʻi he 16 ʻOka 2025