O le Fale o Lusi Maka Samita

O le fale o Lusi Maka Samita e faamamaluina ai le tina o le Perofeta o Iosefa Samita. O se lagolago faamaoni i lana tama ma le toefuataiga o le Ekalesia e ala mai ia te ia, na faia ai e Lusi se sao taua i le talafaasolopito o le Toefuataiga, e aofia ai le faasaoina o manatuaga o le Perofeta e ala i ana tusitusiga ina ua maea lona maliu.

I le tuuto atu i le tausiga o le tina o le perofeta ua maliu, na faatauina mai ai e le Ekalesia le fale o Lusi mai ia Joseph Bates Noble ma Mary Beman Noble. Sa nofo iinei Lusi mo na o sina taimi puupuu, sa siitia atu i le fale ia Aperila 1846 ae na siitia ese i le tausaga lava lea e nonofo ma lana tama teine o Lusi Millkin. Ao nofo ai Lusi Maka Samita i lenei fale, sa ia feiloai atu i tagata asiasi atu mo Navu. Mo le totogi e 25 sene sa ia faaali atu ai nai vaega o talatuu Aikupito e fesootai ma le Tusi a Aperaamo.

I le gasologa o lona olaga, o Lusi Maka Samita sa avea ma tagata faatosina ma taitai i le Le Ekalesia a Iesu Keriso o le Au Paia o Aso e Gata Ai. E oo lava i ona tausaga matua, sa ia faaauau pea ona auai ma le malosi i tulaga tau lotu i le nuu. Sa ia auai i le Aualofa a Tamaitai o Navu i le latou faatasiga lona lua i le aso 24 o Mati, 1842 lea sa ia tatalo ai ia “oo mai faamanuiaga o le lagi i luga o le Sosaiete.” Sa ia tuuina mai foi faamaumauga taua mo le Ekalesia e ala mai i ana lava talafaasolopito patino. I le na o nai masina talu ona maea le faamaturoina o Iosefa ma Ailama i le Falepuipui o Karefasi, sa ia amata ona faalau le tala o lona olaga ma le aiga, tuuina atu ai ni vaega tulagaese o loo ta’ua pea i aso nei.

Faitau pe na faapefea e Lusi ona feagai ma le maliliu o ona atalii o Iosefa ma Ailama i le Au Paia, Voluma 1, Mataupu 45.

O Mea e Faamoemoe i ai

O le fale o Lusi Maka Samita e tasi le potu e taitai atu ai le maimoaga e oso atu i le umukuka ma le potu tulimanu. E i ai le fogafale aluga e filifili ai le maimoaga e lua potumoe lea e taulai atu i se aiga Taualoa sa nonofo ai i le fale ao lei i ai Lusi Maka Samita. Afai e te lei faia lava, matou te fautuaina le malaga maimoa le Fale o Ailama ma Sara Granger Kimball, o le fale lona lua i le Faavaeina o le Aualofa mo maimoaga.

360° Faasologa