Fale o Ailama ma Sara Granger Kimball

E ui o le Fale o Ailama ma le Sara Granger Kimball e le o se nofoaga lea na maua ai e le Perofeta o Iosefa Samita faaaliga pe tuuina atu ai lauga musuia, ae o loo faamanatu mai ia i tatou pe faapefea e perofeta i nisi taimi ona saunia e maua le upu a le Alii aua na latou aoao muamua mai i upu ma faataitaiga a isi. Na amataina i lenei fale, o auaunaga le faatuaoia a vaega laiti a le Au Paia o Aso e Gata Ai na fesoasoani tamaitai e musuia Iosefa Samita ia maua le finagalo o le Atua e fausia ai le faalapotopotoga a tamaitai o le Ekalesia.

Na siitia atu Ailama ma Sara i lenei fale i le fitu masina talu ona maea le la faaipoipoga. O Ailama, e le o se tagata o le Ekalesia toefuataiina a Iesu Keriso seia vagana i le 1843, ao nofo i Commerce, Ilinoi, ao lei taunuu le Au Paia o Aso e Gata Ai ma toe faaigoa le taulaga o Navu. O le au Kimball o se tasi o aiga maumea i Navu, e ona o pisinisi a Ailama ma fanua na ia umia. O Ailama ma Sarah na umi ona nonofo i Navu nai lo le toatele o le Au Paia o Aso e Gata Ai, na tuua ai lenei fale ma malaga atu i le Vanu o Sate Leki i le 1851.

Sa iloga le fale o le au Kimball ona o fesuiaiga na tutupu i totonu o ona puipui. O Margaret Cook, o se suisui na faigaluega mo Sara, na manao e fesoasoani i le fauina o le malumalu o Navu i le suiina o ofu mo le au kamuta. I se tasi aso i le 1842, o nei tamaitai e toalua na talanoa i le fatuina o se sosaiete suisui e fesoasoani i le taumafaiga, ma i aso na mulimuli mai pe tusa na sefululua tamaitai i le pitonuu ua feiloai i le potu malolo i lenei fale mo le fono muamua a le sosaiete. Ma i lenei tamai sosaiete suisui lea na faia e Aualofa a Tamaitai o Navu ua faatuina. Mulimuli ane o lenei vaega na avea ma faalapotoptoga a tamaitai i le lalolagi atoa ua faigofie ona iloa o le Aualofa.

Faitau e uiga ia Sara Granger Kimball ma le faalapotopotoga a le Aualofa a Tamaitai o Navu i le Au Paia,Voluma 1, Mataupu 37.

360° Faasologa