Panimalay ni Lucy Mack Smith

Ang Panimalay ni Lucy Mack Smith nagpasidungog sa inahan ni Propeta Joseph Smith. Usa ka maunongon nga tigsuporta sa iyang anak ug sa gipahiuli nga Simbahan pinaagi kaniya, si Lucy nakahimo og talagsaong kontribusyon sa kasaysayan sa pagpahiuli lakip sa pagpreserbar sa handoman sa Propeta human sa iyang kamatayon pinaagi sa iyang mga sinulat.

Mahalaron sa pag-atiman sa inahan sa kanhi Propeta, ang Simbahan mipalit og panimalay alang ni Lucy gikan ni Joseph Bates Noble ug Mary Beman Noble. Nagpuyo si Lucy dinhi sa mubo lamang nga panahon, mibalhin ngadto niini nga panimalay niadtong Abril 1846 ug mibalhin nianang samang tuig aron mopuyo uban sa iyang anak nga babaye nga si Lucy Millikin. Sa dihang si Lucy Mack Smith nagpuyo niini nga panimalay, himamaton niya ang mga bisita sa Nauvoo. Sa 25 sentimo nga bayad ipakita niya ang pipila sa mga relikyas [relics] nga may kalabotan sa Basahon ni Abraham.

Sa iyang tibuok kinabuhi, si Lucy Mack Smith usa ka miyembro ug lider nga adunay impluwensya sa Ang Simbahan ni Jesukristo sa mga Santos sa Ulahing mga Adlaw. Bisan sa iyang dako na nga edad, padayon siyang aktibong miapil sa relihiyoso nga komunidad. Miapil siya sa Relief Society sa mga Babaye sa Nauvoo sa ikaduhang miting niini niadtong Marso 24, 1842, diin nag-ampo siya nga “ang mga panalangin sa langit moabot unta sa Kapunongan.” Mihatag usab siya og importante nga mga rekord alang sa Simbahan pinaagi sa personal nga kasaysayan. Mga pipila ka bulan human sa pagkamartir ni Joseph ug Hyrum sa Bilanggoan sa Carthage, gisugdan niya pagdiktar ang istorya sa iyang kinabuhi ug pamilya, naghatag og talagsaong mga panabot nga gigamit gihapon karon.

Basaha ang kon giunsa ni Lucy pag-atubang ang mga kamatayon sa iyang mga anak nga si Joseph ug Hyrum sa Mga Santos, Volume 1, Kapitulo 45.

Unsa ang Mapaabot

Ang Panimalay ni Lucy Mack Smith usa ka kwarto nga giniyahan nga paglibot sa kusina ug sa higdaanan sa may daplin. Adunay opsiyonal nga paglibot sa taas sa duha ka kwarto nga nagtutok sa Pamilyang Noble nga nagpuyo sa panimalay sa wala pa si Lucy Mack Smith. Kon wala pa nimo mahimo, morekomendar mi nga liboton ang Panimalay ni Hiram ug Sarah Granger Kimball, nga mao ang ikaduhang panimalay sa Relief Society Foundations nga paglibot.

360° nga Pag-aninaw sa Tibuok Palibot