Aaronic Priesthood Restoration Trail

Noong Mayo 15, 1829, si Joseph Smith at ang kayang tagasulat na si Oliver Cowdery ay “nagtungo sa kakahuyan upang manalangin at magtanong sa Panginoon hinggil sa pagbibinyag para sa kapatawaran ng mga kasalanan, na natagpuan naming nabanggit sa pagkakasalin ng mga lamina [ng Aklat ni Mormon].” Sinagot ng Diyos ang kanilang panalangin sa pamamagitan ng pagpapadala ng isang sugo na anghel: si Juan Bautista, na nagbinyag kay Jesucristo. “Sa inyo na aking kapwa tagapaglingkod, sa pangalan ng Mesiyas,” ang sabi ni Juan matapos niyang ipatong ang kanyang kamay sa kanilang mga ulo, “aking iginagawad ang Pagkasaserdoteng Aaron.”

Ipinaliwanag ni Juan na ang Aaronic Priesthood na ito ang may hawak ng “mga susi ng . . . ebanghelyo ng pagsisisi, at ng pagbibinyag sa pamamagitan ng paglulubog para sa kapatawaran ng mga kasalanan.” Nangako rin siya na isa pang priesthood, na may “kapangyarihan ng pagpapatong ng mga kamay para sa kaloob na Espiritu Santo,” ang igagawad sa kanila kalaunan. Matapos igawad ang Aaronic Priesthood kina Joseph at Oliver, inutusan sila ni Juan na binyagan ang isa’t isa sa kalapit na Susquehanna River.

Bagama’t hindi alam ang eksaktong lokasyon kung saan nagpakita si Juan Bautista kina Joseph at Oliver, may isang daanan mula sa hilagang kanlurang bahagi ng Visitors’ Center patungo sa isang mapayapang kakahuyan ng mga puno ng maple, tulad ng lokasyon na inilarawan sa mga talaan ng kasaysayan. Upang mapanatili ang pagiging sagrado at kagandahan ng kakahuyang ito, hinihiling sa mga bisita na manatili sa mga minarkahang trail, igalang ang kapaligiran, at pabulong na magsalita.

Ano ang Aasahan

Ang mga trail ay hindi bahagi ng guided tour na ibinibigay sa Priesthood Restoration Site. Huwag mag-atubiling puntahan at tingnan ang mga ito. May tatlong trail na papaikot sa lugar. Ang pinakamahabang trail ay mga 0.18 kilometro, at ang pinakamaikling trail ay mga 0.05 kilometro. Ang maikling trail ay may mga interpretive signage.

360° Walkthrough