Աստված բոլոր ճշմարտությունների աղբյուրն է

Երբեմն մենք գուցե շփոթված զգանք մեր կյանքի հարցում կամ անորոշություն՝ ապագայի հարցում։ Մենք կարող ենք գտնել առաջ գնալու մեր ուղին մեր սիրող Երկնային Հոր և Նրա Որդու՝ Հիսուս Քրիստոսի հետ, ովքեր ճշմարտության աղբյուրն են։

Ճշմարտությունը գիտելիք է բաների մասին, ինչպես դրանք իրականում կան։ Օրինակ, ճիշտ է, որ Աստված սիրում է ձեզ և կօգնի փոխել ձեր կյանքը։ Աստված մեզ անձամբ ճանաչում է, և Սուրբ Հոգու միջոցով Նա օգնում է մեզ ճանաչել ճշմարիտը։

Երկնային Հայրն ուղարկեց Իր Որդուն՝ Հիսուս Քրիստոսին, որպեսզի մեզ սովորեցնի, թե ինչպես երջանիկ լինել և իմաստ գտնել կյանքում։

Հիսուսը մեր կատարյալ օրինակն է նրա, թե ինչպես ապրել։ Նրա ուսմունքները գործում են որպես ուղեցույց լույս, որը կարող է մեզ ուղղորդել դեպի խաղաղություն։ Այս լույսը կարող է ունենալ յուրաքանչյուրը, ով ցանկանում է հետևել Հիսուս Քրիստոսին։ Նա խոստանում է, որ բոլոր նրանք, ովքեր փնտրում են Իրեն՝ կգտնեն։

Սուրբ Հոգին Երկնային Հոր և Հիսուս Քրիստոսի սուրհանդակն է։ Կան մի քանի եղանակներ, որոնցով Սուրբ Հոգին կարող է օգնել մեզ ավելի մոտենալ Աստծուն։ Սուրբ Հոգին.

• Մխիթարում է (տես Հովհաննես 14.16–17, 26, Մորոնի 8.26, Վարդապետություն և Ուխտեր 36.2):
• Հայտնում և վկայում է ճշմարտության մասին (տես 2 Նեփի 32.4–5, Ալմա 5.46–47, Վարդապետություն և Ուխտեր 8.2–3):
• Վկայում է Հոր և Որդու մասին (տես Հովհաննես 15.26, 3 Նեփի 11.32, 36):
• Սրբացնում և մաքրում է (տես Ալմա 13.10–12, 3 Նեփի 27.19–20, Մորոնի 6.4):

Աղոթեք ձեր սիրող Երկնային Հորը

Աստված սիրում է մեզ և ցանկանում է լսել մեզ։ Նա խոստանում է, որ երբ մենք աղոթենք, Նա կտա մեզ պատասխաններ և առաջնորդություն։

Հիսուսն ուսուցանել է մեզ, թե ինչպես աղոթել՝ Աստվածաշնչում (Մատթեոս 6.9–13) և Մորմոնի Գրքում (3 Նեփի 18.19):

Եղեք հավատարիմ

Պողոս Առաքյալն ուսուցանել է. «Հավատը հուսացված բաների հաստատումն ու աներևույթ բաների ապացույցն է» (Եբրայեցիներին 11.1): Երբ մենք հավատարիմ ենք, ընտրում ենք հավատալ, որ Երկնային Հայրը և Հիսուս Քրիստոսը կօգնեն մեզ գտնել երջանկություն և իմաստ մեր կյանքում։

Ճանաչե՛ք Սուրբ Հոգին

Աստված մեզ հետ հաղորդակցվում է Սուրբ Հոգու միջոցով՝ տարբեր ձևերով։ Աստվածաշնչում այն հաճախ նկարագրվում է որպես «մեղմ ու նուրբ ձայն» (տես Գ Թագավորների 19․11–12), բայց յուրաքանչյուրը կզգա Սուրբ Հոգին իր ուրույն ձևով։ Ձեզ համար Սուրբ Հոգին կարող է այսպիսի զգացողություն լինել.

• Սիրո, ուրախության, խաղաղության և բարության զգացողություններ (Գաղատացիներին 5․22-23)։
• Պարզություն և առաջնորդություն ձեր կյանքում (Վարդապետություն և Ուխտեր 8․2–3)։
• Մտքեր ձեր մտքում և զգացմունքներ ձեր սրտում (Ա Կորնթացիներին 2․9–11)։
• Մթությունը փոխարինվում է լույսով (Ալմա 19․6)։

Հետևե՛ք Փրկչի օրինակին

Հիսուսը բոլորիս համար լավագույն օրինակը ծառայեց։ Եթե մենք ուզում ենք իմանալ, թե ինչն է ճշմարիտ, կարող ենք հետևել Նրա օրինակին և անել այն, ինչ Նա արեց։

Ի՞նչն է դա։

• Սեր և գթություն ցուցաբերեք ուրիշ մարդկանց և Աստծո հանդեպ։
• Տեսեք, թե այդ գործողություններն ինչպիսի զգացումներ են առաջացնում ձեզ մոտ։
• Խորհեք այն մասին, թե ինչպես են այդ գործողությունները փոխում ձեր կյանքը։