1002
Kon ang Manluluwas Mobalik na
1. Sa pagbalik ni Kristo, kalibotan malimpyo.
Sa himaya Siya mohari sa mga tawo.
Mawala ang kasuko, ang kalinaw molambo.
Magsalo ang karnero ug lobo.
[Chorus]
Singgit ug pagmaya! Adlaw pangandaman.
Magkat‑on ug sundon ang kasugoan.
Sa pagbalik Niya, way nasayod sa takna.
Ang kasulatan nagsulti; malipayong adlaw ni.
Kon ang Manluluwas mobalik na.
2. Pag‑abot anang adlaw, ang kahadlok mahanaw.
Si Satanas gaposon; Kristo mopatigbabaw.
Kamatayon wala na, kahibalo motungha.
Si Kristo, Ginoo, isugid ta!
[Chorus]
Singgit ug pagmaya! Adlaw pangandaman.
Magkat‑on ug sundon ang kasugoan.
Sa pagbalik Niya, way nasayod sa takna.
Ang kasulatan nagsulti; malipayong adlaw ni.
Kon ang Manluluwas mobalik na.
Teksto: Lane Johnson, 2019; hubad sa Cebuano 2026
Musika: Lane Johnson, 2019
© 2024 by Intellectual Reserve, Inc.; hubad sa Cebuano © 2026 by Intellectual Reserve, Inc. All rights reserved. Kini nga awit mahimong kopyahon alang sa panagsa, dili pangnegosyo nga paggamit sa simbahan o sa panimalay. Kini nga pahibalo kinahanglang ilakip sa matag kopya nga himoon.