Suobel mo er a Rengeasek: Ungil Usbechellel a Technology

Kid a rengeasek, a kiei er chelechal beluulechad el tekoi er a technology a kmal klou a ultutelel er a klengar kid. Ng kmal beot el bo dmechesang lomes, e melai a notifications, e mo kse er kid lultuil er a technology. Eng di kid loltirakl er a Jesus Kristo, a mla mosisechakl el mo ousbech a technology loba ungil moktek er a chelsel a ungil teletael. Chelsel tial suobel, e kede mo mesuub a ungil usbechellel a technology e ousbech er ngii er a teletael er a omengull el mo er a Dios.

Klungiolel

• A Ikelesia ousbech a technology el mengedecheduch e omerk er a ebangkelio.

• A technology a meskid a techall er a uldasou e sebeched lungil lousbech er ngii.

Kngtil

• A kngtil a technology a nguu a klou el temed, e sel kmal kngtil, a choridid er a ungil techall me a klengeltengat.

• A lsekum eng diak dekerekikl, eng sebeched el mo sibil a tekoi el diak a kmal ultutelel, a lechub eng choridid er a ikel telbiled lobengkel a Chedam er a Babeluades me a Jesus Kristo.

• Filipi 4:8

• A ulebongel, roddam, ngii di el ngera el klemerang, ngii di el ngera el bleketakl, ngii di el ngera el melemalt, ngii di el ngera el klikiid, ngii di el ngera el klebokel, ngii di el ngera el ungil chais; a lengarngii a kldung, a le ngarngii odanges, e momtab aikaikid el tekoi.

Ke kurusii a lsekum eng meringel er kau a lak mousbech a technology? Komelchesiu el mechitechut a rengum? Ng kmal diak! Ng kmal di ungil a mousbech a technology, eng di a taem el mchoit er ngii a meringel omomtebechel er ngii. Ng soam lomes a tekoi er a science, klekedellel a nor er a bdelud, me a kakerous el teletael mengesuseu osenged—ng diak el beot el tekoi.

Sel “Meringel Mengesuseu” el teletelel a Technology

• A technology a dongu el meskid a techall mes a betok el kakerous luldasou er a beluulechad e sebechel usbechall el kirel a ungil me a klungiaol.

• A klou el temed el ngara technology, eng klou el udoud el mo er tirkel lomeob a technology.

• A remeruul me a romeob a technology a meringel mengedechuul meng sebeched el di mechesang e ungil a rengud lousbech a technology, el di uaia kombalii el meruul a kall me “kede semeriar ngii.”

• A Chedam er a Babeluades me a Osobeled a medengelii a ringel dengara chelsel kirel a technology e sebechir el ngosukid.

• 2 Korinth 12:9

  Meng dilu er ngak el kmo, A krasia er ngak a klebech el kirel: le klisichek a mo cherrungel er a ikel chelitechetuk. Ng meral dmeu a renguk er a ringel el ngak a ngar ngii, me a klisichel a Kristo bo lobengkek.

Mo Mesisiich er sel U“ngil Telemtemul” a tekoi

• Sel bo dodengei el kmo a technology a ngarngii sel o“ngetikaik el teletelel ”el ngmodech e metebechel a domelchesiu er a bedenged.

• E kede mo kurusii el kirel a technolog, e kede mo olechoud losiik a tekoi er a science, me a uldesued a mengodech, me a kombalii a mo meringel loureor el mengesuseu er kid.

• Ng sebeched el mo metebechel a usbechelled er a technology sel di el kid loker kid a ker, kudmeklii a moktek, e kuk mo olengull.

• Sel bo de kerekikl er a ikel domes el ngara technology- el kuk ngarngii a taem e kede choroid er a rekeblid a sebechel ngosukid el ngoriakl er sel “mengesuseu teletael” er a technology.

• Mateus 26:41

• Bom kerkikl e moluluuch, me lak mechetikaik: a reng a blak a rengul soal, eng di tech a mechitechut.

Sel bo dodengei el kmo ng kuk mla mo kirek lolengull el ngara technology e oltirakl a moktek er kid meng diak kuk dengelakl er a temed lousbech a technology a sebechel mekdebechii a ungil deleuill er a usbechellel a technology. Bo modengei el kmo, kid omtebechel a usbechelled er a technology, ng diak el ngii omtebechel er kid.

A. Moktek: Ungil lousbech a technology el kirel omesuub e mengedechuul.

• Kolose 3:23

• Ngii di el ngera el moruul, e moruul ngara rengum, el mo er a Rubak, e diak el bo er a chad.

• Moker kau a ker el uaia “Ngera uchul me a kusbech er a technology er chelechang?” e “Ngungil a renguk er a kuruul er chelechang?”

Ng sebechem lungil lousbech a technology loldurokl a ungil klumech, orrenges a ungil ongak, e di kau el meruul a urerem, Ngera bebil er a teletael er a ungil usbechellel a technology?

• Osisechakl 16:3

• Mnga urerem loterekokl er a Rubak, ea uldesuem a mo kellechakl.

• Di el kau loker el kmo “Ngera moktek ea kusbech er a technology e?” “Ngera lolangch a kumsa Dios er a usbechellek er a temek?”

Ng sebechem lungil lousbech a technology el mo otereklii a klungel a temem el ngarngii, el mengedecheduch er a rekmeed el chedal a telungalek me a resechelim, e oterkeklii a basio er a usbechellel a technology er a blai, me a basio el mcharge a technology er ngii, e mousbech a filter. Ngera bebil er a teletael el sebechem el kudmokl ruchei el mo ungil melilt sel mousbech a technology?

• Psalm 46:10

• Bom chelellakl, e modengei el kmo ngak a Dios.

• Di kau loker kau a ker el uaia “Ak mengeroid er ngak er a diak lungil losongel a lechub el ngarngii a belkul?” e dirrek “A kulmelchesiu er a Chedaol Reng el mo cheroid?”

Ng sebechem lungil lousbech a technology el mechere dengua er kau e mo cheroid er ngii, e meluluuch lolengit a klisiich, e kuk mongedecheduch er a tara chad. Ngera dirrek el bom kerkikl er ngii sel mousbech a technology?

Moker aikakid el ker e mdak el mesaod el kirel aikel mla duubech er kau er a ungil usbechellel a technology.

1. Ngera sel kmal meringel er kau el kirel a usbechellel a technology?

2. Ngera komelchesiu sel mousbech er a technology el meketeket el taem?

3. Ke mekera medengei el kmo ng kuk mla mo taem el molengull?

4. Ngera ngrulii a social media er sel uldesuem el kirem me a deleuill er kau me a rebebil?

5. Ngera bebil er a teletael el mousbech a technology el sobecheklii a uldesuem?

6. Ng mekera omomii a temem el mo tabesul er a urerem er a skuul me a usbechellem er a technology? Ngera el teletael a ungil el bla moruul ruchei?

7. Ngera kuk bebil er a kengaol tekoi er a technology, (uaia cyberbullying a lechub a mekngit el kse el mo duubech)? Ng mekera momecheliu er kau er a ikaikid el kengaol?

8. Ng mekera mousbech a technology el mesuub a bebil er a duch a lechub aikel soam el meruul tekoi e diak kuk di momes a ngerang me chemolt?

9. Ng mekera mouchais er a rechad er a blim a lechub a roungerachel er kau el kirel a usbechellem er a technology? Ng mekera ikang e ngosukau lolengull er a usbechellel?

10. Ngera bebil er a ungil teletael er a usbechellel a technology, el uaia mengeroid er a betok el tekoi el moruul a lechub eng mo ulterekokl a temem?

11. Ngera bebil er a teletael el sebechem lousbech a technology lomak a deleuill lobengterir a rebebil er a ungil teletelel, el uaia cheldebechel er a rechad el ngara online a lechub a kmo ngera el klou a belkul me er kau?

Kid loltirakl er a Jesus Kristo, a mla modurch el mo ousbech a technology loba ungil moktek. Meng uaisei el betok a klungiolel a technology, eng di dirrek el ngarngii a kngtil, leng sebechel nguu a klou el temed a lechub e kede m smau er ngii. Ng kired el mo kerekikl er a oleko “ngungil teletael“ er a technology e mo meduch el ousbech a technology loker a ngarngii a belkul ker, kudmeklii a moktek, e kerekikl aikel domes. Sel bo demeduch lousbech a technology, eng sebeched lousbech er ngii er a kakerous el teletael el ngara omengull el mo er a Dios e ngoikid me a rebebil mo kmeed er Ngii.